ဘင်းမ်စတက် အစည်းအဝေး

ဘင်းမ်စတက် ဆွေးနွေးပွဲများ၌ မြန်မာနိုင်ငံမှ တာဝန်ယူထားသည့် စွမ်းအင်နှင့် စိုက်ပျိုးရေးကဏ္ဍ အပါအ၀င် ကဏ္ဍကြီး ၁၄ ခုတွင် ပူးပေါင်းဆောင်ရွက်ရေး အဓိကထားဆွေးနွေး
ဘင်းမ်စတက်နိုင်ငံများ၏ အကြိုညှိနှိုင်း ဆွေးနွေးပွဲများကို နေပြည်တော်ရှိ Royal Kumudra Hotel ၌ ဒုတိယနေ့အဖြစ် ဆက်လက်ကျင်းပလျက်ရှိရာ မြန်မာနိုင်ငံမှ တာဝန်ယူထားသည့် စွမ်းအင်ကဏ္ဍနှင့် စိုက်ပျိုးရေးကဏ္ဍတို့ အပါအ၀င် ကဏ္ဍကြီး ၁၄ ခုတို့တွင် ပူးပေါင်းဆောင်ရွက်ရေးကို အဓိကထား ဆွေးနွေးခဲ့ကြကြောင်း သိရသည်။

“အခု ဘင်းမ်စတက် ဆွေးနွေးပွဲမှာ အဓိကအားဖြင့် ဆွေးနွေးမယ့် ကဏ္ဍ ၁၄ ခုရှိတယ်။ ဒီအထဲကမှ မြန်မာနိုင်ငံ တာဝန်ယူထားတာက စွမ်းအင်နဲ့ စိုက်ပျိုးရေးပါ။ စွမ်းအင်ကဏ္ဍမှာ ပူးပေါင်းဆောင်ရွက်ရေး အနေနဲ့တော့ energy security၊ energy stability နဲ့ စွမ်းအင်နဲ့ ပတ်သက်တဲ့ RNDP ဖွဲ့စည်းရေးတွေပါ။ ဒီကဏ္ဍတွေမှာ ကျွန်တော်တို့ ပူးပေါင်းဆောင်ရွက်ဖို့ လိုအပ်ပါတယ်။ ဘင်းစတက်နိုင်ငံများ၏ အကြိုညှိနှိုင်း ဆွေးနွေးပွဲများတွင် မြန်မာနိုင်ငံမှ တာဝန်ယူထားသည့် စွမ်းအင်ကဏ္ဍနှင့် စိုက်ပျိုးရေးကဏ္ဍတို့ အပါအ၀င် ကဏ္ဍကြီး ၁၄ ခုတွင် ပူးပေါင်းဆောင်ရွက်ရေးတို့အား အဓိကထား ဆွေးနွေးရေးနဲ့ ပတ်သက်တဲ့ အရင်းအမြစ်တွေ ရှိပါတယ်။ ဒါပေမဲ့ နည်းပညာ လိုအပ်နေတဲ့ အခါကျတော့ ပူးပေါင်းဆောင်ရွက်ဖို့ လိုအပ်တာ အမှန်ပါပဲ။ နောက်တစ်ခုက တစ်နိုင်ငံနဲ့တစ်နိုင်ငံ ဒေတာတွေကို ဖလှယ်ဖို့ ဒါတွေကိုလည်း ပူးပေါင်းဆောင်ရွက်မယ့် လုပ်ငန်းစဉ်ထဲမှာ ပါပါတယ်” ဟု စွမ်းအင်ဝန်ကြီးဌာနမှ ညွှန်ကြားရေးမှူးချုပ် ဦးဖေဇင်ထွန်းက ပြောကြားခဲ့သည်။

ဘင်းမ်စတက်နိုင်ငံများထဲတွင် ထိုင်းနိုင်ငံနှင့် အိန္ဒိယနိုင်ငံသည် မြန်မာနိုင်ငံ၏ စွမ်းအင်ကဏ္ဍတွင် ရင်းနှီးမြှုပ်နှံမှုများ ၀င်ရောက်လုပ်ကိုင်နေသော နိုင်ငံများဖြစ်ပြီး
ကမ်းလွန်လုပ်ကွက်များ၊ ကုန်းတွင်းလုပ်ကွက်များတွင်ပါ ၀င်ရောက်လုပ်ကိုင်လာကြပြီး အခြားပြန်လည် ဖြည့်ဖြိုးမြဲ စွမ်းအင်ကဏ္ဍများတွင်လည်း ပူးပေါင်းပါဝင်ရန် ရှိနေကြောင်း သိရသည်။

“ကျွန်တော်တို့က စွမ်းအင်ကုမ္ပဏီတွေကို ဖိတ်ခေါ်တဲ့အခါ ဘယ်နိုင်ငံက ကုမ္ပဏီကိုမဆို ဖိတ်ခေါ်ပါတယ်။ ဒါပေမဲ့ ဖိတ်ခေါ်တဲ့ နိုင်ငံတိုင်းကတော့ နည်းပညာပိုင်းမှာ အားသာချက်ရှိဖို့ လိုအပ်ပါတယ်” ဟု ဦးဖေဇင်ထွန်းက ပြောကြားခဲ့သည်။

မတ် ၁ ရက်နှင့် ၂ ရက်များတွင်ကျင်းပသော ဘင်းမ်စတက် အဆင့်မြင့်အရာရှိများ ဆွေးနွေးပွဲတွင် ဘင်းမ်စတက်နိုင်ငံများ၏ ရှေ့သွားရမည့် အလားအလာ၊ ပြီးခဲ့သည့် အားနည်းချက်၊ အားသာချက်များ၊ နောက်ဆုံးဆွေးနွေးပွဲတွင် ရရှိခဲ့သည့် senior official reports များနှင့် ပတ်သက်၍ ဆွေးနွေးနေကြောင်းနှင့် ဆွေးနွေးပွဲတွင် MoA နှစ်ခုနှင့် MoU တစ်ခု စုစုပေါင်းသုံးခု လက်မှတ်ရေးထိုးရန် ရှိကြောင်းလည်း သိရသည်။

“ဆွေးနွေးပွဲမှာ MoA နဲ့ MoU သုံးခု လက်မှတ်ရေးထိုးဖို့ ရှိတယ်။ ပထမတစ်ခုက ဘင်းမ်စတက်ရဲ့ အတွင်းရေးမှူးချုပ်ရုံး ထူထောင်ရေး၊ ဒုတိယတစ်ခုက မိုးလေ၀သနဲ့ ဇလဗေဒအဖွဲ့ ထူထောင်ရေး စာချွန်လွှာနဲ့ နောက်ဆုံးတစ်ခုကတော့ ယဉ်ကျေးမှုလုပ်ငန်းဌာန ထူထောင်ရေးတို့ ဖြစ်ပါတယ်” ဟု နိုင်ငံခြားရေး ၀န်ကြီးဌာနမှ ဘင်းမ်စတက်ဌာန၏ ညွှန်ကြားရေးမှူး ဦးအောင်ကျော်ဇံက ပြောကြားခဲ့သည်။

အဆိုပါကဏ္ဍကြီး ၁၄ ခုတွင် ကုန်သွယ်ရေးနှင့် ရင်းနှီးမြှုပ်နှံမှု၊ ပို့ဆောင်ဆက်သွယ်ရေး၊ ခရီးသွားလုပ်ငန်း၊ စွမ်းအင်ကဏ္ဍ၊ နည်းပညာ၊ ရေလုပ်ငန်း၊ ဆင်းရဲနွမ်းပါးမှု လျှော့ချရေး၊ ယဉ်ကျေးမှု၊ စိုက်ပျိုးရေး၊ အကြမ်းဖက်မှုနှင့် နိုင်ငံဖြတ်ကျော် မှုခင်းများ တိုက်ဖြတ်ရေး၊ ပတ်ဝန်းကျင် ထိန်းသိမ်းရေးနှင့် သဘာဝဘေးအန္တရာယ်၊ ပြည်သူ့ကျန်းမာရေးကဏ္ဍ စသည်တို့ပါဝင်ကြောင်း သိရသည်။

(မတ် ၂ ရက်က နေပြည်တော်တွင် ပြုလုပ်သည့် ဘင်းမ်စတက် အစည်းအဝေး)