အခွန်တိမ်းရှောင်ခွင့်ရရှိထားသည့် ကုမ္ပဏီ လုံးဝမရှိတော့ဟုဆို

အစိုးရသို့ အခွန်ထမ်းဆောင်ရာတွင် တရားဝင်အခွန်တိမ်းရှောင်ခွင့် ရရှိထားသည့် ကုမ္ပဏီများ ယခင်ကရှိခဲ့သော်လည်း ယခုလုံးဝမရှိတော့ကြောင်း ပြည်တွင်းအခွန်များဦးစီးဌာန ညွှန်ကြားရေးမှူးတစ်ဦးကပြောသည်။

ပြီးခဲ့သည့် ဧပြီလ ၉ ရက်က ကုန်သည်စက်မှု အသင်းချုပ်ရုံး၌ စီးပွားရေးလုပ်ငန်းရှင်အများစုနှင့်
ပြည်သူ့လွှတ်တော်ဥက္ကဌ သူရဦးရွှေမန်း တွေဆုံပွဲတွင် စီးပွားရေးလုပ်ငန်းရှင်များက အခွန်တိမ်းရှောင်ခွင့်ရရှိထားသည့် ကုမ္ပဏီများရှိနေသည်ဟု ဆိုခြင်းကို ပြည်တွင်းအခွန်များဦးစီးဌာနက ယခုကဲ့သို့ ငြင်းဆိုလိုက်ခြင်းဖြစ်သည်။

ယခင်က တပ်မတော်အရာရှိကြီးများ ပိုင်ဆိုင်သည်ဟုဆိုသော မြန်မာ့စီးပွားရေးဦးပိုင်လီမီတက် ကုမ္ပဏီကို ၂၀၀၅ ခုနှစ်မှ စတင်၍ကုန်သွယ်လုပ်ငန်းခွန်နှင့် ပတ်သက်ပြီး တရားဝင်အခွန်ကင်းလွတ်ခွင့် ပေးခဲ့ရာမှ ယခုအရပ်သားအစိုးရသစ်လက်ထက် ၂၀၁၂ ခုနှစ် ဧပြီလ ၁ ရက်မှစတင်ကာ အခြားစီးပွားရေး လုပ်ငန်းရှင်များနည်းတူ ပြန်လည်အခွန်ထမ်းဆောင်စေခဲ့သည်ဟု ပြည်တွင်းအခွန်များဦးစီးဌာန ညွှန်ကြားရေးမှူးက ဆိုသည်။

ယင်းကဲ့သို့ တန်းတူညီမျှ အခွန်ဆောင်ရန် သတ်မှတ်လိုက်ခြင်းက ပြည်တွင်းစီးပွားရေးလုပ်ငန်းရှင်အချင်းချင်း ပြိုင်ဆိုင်မှုတွင် မျှတမှုရှိလာနိုင်ပြီး ဒေသတွင်း ကုန်ထုတ်စွမ်းအားနှင့် အရည်အသွေးများလဲတိုးတက်မြင့်မားလာနိုင်စေရန်အတွက် ရည်ရွယ်ကြောင်း ၄င်းကဆိုသည်။

ထို့အပြင် လက်ရှိအသေးစား ၊ အလတ်စားစီပွားရေးလုပ်ငန်းများ ကုန်စည်ပို့ဆောင်ရေးလုပ်ငန်းများတွင် ကောက်ခံနေသော အခွန်နှုန်းထားများမှာ ခေတ်စနစ်နှင့် ကိုက်ညီမှုမရှိတော့ခြင်း၊ နှုန်းထားများ ကြီးမြင့်နေခြင်း၊ ကောက်ခံမှု ပုံစံမမျှတခြင်းများ ရှိနေသဖြင့် ၂၀၁၅ ခုနှစ်တွင် အာဆီယံလွတ်လပ်သော ကုန်သွယ်မှုစနစ် ပေါ်ပေါက်လာပါက ပြည်ပမှလာမည့် လုပ်ငန်းရှင်များကို ယှဉ်ပြိုင်နိုင်ရန် အခက်အခဲများစွာရှိကြောင်း ကုန်သည်စက်မှုအသင်းချုပ်မှ လုပ်ငန်းရှင်များက ဆိုသည်။

“ဦးပိုင်သာမကပါဘူး။ အခြားသော အစိုးရပိုင်စီးပွားရေးတွေက ကောက်ခံနေတဲ့ အခွန်နှုန်းထားတွေက တစ်မျိုးစီဖြစ်နေတာတွေ လဲရှိတယ်။ ဒါဆိုတန်းတူညီမျှလုပ်သင့်နေပြီ။ လုပ်မယ်ဆိုရင်တောင် အခု နှစ်နှစ်ရှိနေပြီ။ ဒီနိုင်ငံရဲ့ ဈေးကွက်စီးပွားရေးစနစ် ပီပြင်ဖို့ ဒါဟာနောက်ကျနေပြီလို့တောင် ပြောလို့ရတယ်” ဟု ပြည်သူ့လွှတ်တော်ကိုယ်စားလှယ် ဦးကြည့်မြင့်က ပြောကြားသည်။

“အခွန်ရှောင်တယ်ဆိုတာ နိုင်ငံတကာမှာလဲရှိတယ်။ အခုထိ ကိုင်တွယ်ပုံတွေက မတူကြဘူးလေ။ခေတ်ကပြောင်းသွားပြီလေ။ အရင်က ရသင့်ရထိုက်တာတွေ မရခဲ့တာတွေ၊ သူများထက် အခွင့်ထူးခံရခဲ့တာတွေ လက်ညှိုးထိုးပြီး ပြန်ပြောနေလို့ ဘာမှမထူးပါဘူး။ ရှေ့ဆက်သွားရမယ်။ အနာဂတ်မှာ အဲဒီလိုမဖြစ်အောင် ထိန်းသိမ်းရမယ်” ဟု ကုန်သည်စက်မှုအသင်းချုပ်ဥက္ကဋ္ဌ ဦးမောင်မောင်လေး က ပြောကြားသည်။

ကော့မှူးမြို့နယ် ပြည်သူကိုယ်စားလှယ်ဒေါ်အောင်ဆန်းစုကြည်က အခွန်ကောက်ခံမှုနှင့် ပတ်သက်ပြီး စီးပွားရေးလုပ်ငန်းရှင်များအနေနှင့် မျှမျှတတ စဉ်းစားပေးရန်လိုအပ်ကြောင်း၊ နိုင်ငံသားတိုင်းအခွန်သည် မိမိအတွက် ကောက်ခံခြင်းဖြစ်သည်ကို သိထားရန်လိုအပ်ကြောင်း၊ အစိုးရအနေဖြင့်လည်း ပွင့်လင်းမြင်သာစွာ အခွန်ကောက်ခံရန် ဆောင်ရွက်သင့်ကြောင်း သူရဦးရွှေမန်းနှင့် လုပ်ငန်းရှင်များတွေဆုံသည့်ပွဲတွင် တိုက်တွန်းပြောကြားခဲ့သည်။

ပြည်တွင်းအခွန်များဦးစီးဌာနမှ အခွန်ဝန်ထမ်းနှင့် လုပ်ငန်းရှင် ထိတွေ့ရန်မလိုသော ၀င်ငွေခွန်အား မိမိဘာသာမိမိ ကြေညာသည့်စနစ်ကို ပြောင်းလဲကျင့်သုံးတော့မည်လည်းဖြစ်သည်။ ယင်းစနစ်အောင်မြင်ပါက ပြည်တွင်း၏ အခွန်ဝင်ငွေပမာဏယခုထက် ပိုမိုတိုးပွားလာနိုင်ဖွယ်ရှိသည်ဟု ကျွမ်းကျင်သူတို့က သုံးသပ်သည်။

နှစ်အလိုက်ပြည်တွင်း အခွန်ဦးစီးဌာနမှ အခွန်ကောက်ခံရရှိမှု ၂၀၁၁-၂၀၁၂ ဘဏ္ဍာနှစ်တွင် ကျပ်သန်းပေါင်း ၁၅၀၀၀၀ ကျော်ရရှိခဲ့ပြီး၊ ၂၀၁၂-၂၀၁၃ ဘဏ္ဍာနှစ်တွင် ကျပ်သန်းပေါင်း ၂၅၀၀၀၀၀ နီးပါး ရရှိခဲ့ကြောင်း ပြည်တွင်းအခွန်များ ဦးစီးဌာနမှ ထုတ်ပြန်သည်။

https://www.facebook.com/7daynews/posts/511195725608733