Monday, March 4, 2013
လာမည့် ၂ဝ၁၄-၂ဝ၁၆ ခုနှစ်တွင်း မြန်မာနိုင်ငံ ဖွံ့ဖြိုးတိုးတက်ရေး အတွက် ဖင်လန်နိုင်ငံမှ ယူရို ၆ ဒသမ ၅ သန်း ကူညီထောက်ပံ့ရန် လျာထားကြောင်း
လာမည့် ၂ဝ၁၄-၂ဝ၁၆ ခုနှစ်တွင်း မြန်မာနိုင်ငံ ဖွံ့ဖြိုးတိုးတက်ရေး အတွက် ဖင်လန်နိုင်ငံမှ ယူရို ၆ ဒသမ ၅ သန်း ကူညီထောက်ပံ့ရန် လျာထားကြောင်း ဖင်လန်နိုင်ငံ သမ္မတ H.E.Mr.Sauli Niinist နှင့် မြန်မာနိုင်ငံ သမ္မတ ဦးသိန်းစိန်တို့ မတ် ၁ ရက်က ဖင်လန်နိုင်ငံ ဟယ်လ်စင်ကီမြို့ရှိ သမ္မတအိမ်တော်၌ ပြုလုပ်သော သတင်းစာရှင်းလင်းပွဲတွင် ဖင်လန်သမ္မတက ပြောကြားလိုက်သည်။
အဆိုပါ သတင်းစာ ရှင်းလင်းပွဲတွင် ဖင်လန်နိုင်ငံ သမ္မတက မိမိနှင့် မြန်မာနိုင်ငံ၏ ဆက်ဆံရေးသည် နှစ်ပေါင်းများစွာ ဝေးကွာခဲ့ကြောင်း၊ မြန်မာနိုင်ငံ၏ ဒီမိုကရေစီ ပြုပြင်ပြောင်းလဲမှု လုပ်ငန်းစဉ်များကို မိမိတို့ အားပေးကူညီသွားမည် ဖြစ်ကြောင်း၊ မြန်မာနိုင်ငံကို စီးပွားရေး ပိတ်ဆို့ထားမှုများကိုလည်း ဖယ်ရှားပေးဖို့ ကြိုးစားသွားမည် ဖြစ်ကြောင်း၊ ပုဂ္ဂလိက စီးပွားရေး ဆက်သွယ်မှု အတွက်လည်း ဆွေးနွေးခဲ့ပြီး အထူးသဖြင့် သတ္တုတွင်းထွက်နှင့် ပတ်သက်၍လည်း မိမိတို့၏ ကျွမ်းကျင်သူများနှင့်လည်း အကူအညီ ပေးသွားမည် ဖြစ်ကြောင်း၊ ရှေ့ဆက်ပိုမို ပူးပေါင်းဆောင်ရွက် သွားနိုင်မည်ဟု မျှော်လင့်ကြောင်း ပြောကြားသည်။
ဆက်လက်၍ မြန်မာနိုင်ငံ သမ္မတဦးသိန်းစိန်ကလည်း ဖင်လန်နိုင်ငံနှင့် မြန်မာနိုင်ငံတို့၏ ဆက်ဆံရေးမှာ နှစ်ပေါင်း ၆ဝ ပြည့်တော့မည်ဖြစ်၍ ရှည်လျားသည့် သမိုင်းကြောင်း ဆက်ဆံရေးကို မိမိတို့ အနေဖြင့် အလေးထားပါကြောင်း၊ လွန်ခဲ့သော နှစ်ပေါင်း ၂ဝ ကျော်က မြန်မာနိုင်ငံနှင့် ဖင်လန်နိုင်ငံတို့သည် နိုင်ငံရေး စနစ်ချင်း မတူညီမှုနှင့် အခြားအခြေအနေ တို့ကြောင့် နှစ်နိုင်ငံဆက်ဆံရေး နှေးကွေးသွားခဲ့ခြင်း ဖြစ်ကြောင်း၊ လက်ရှိတွင် မြန်မာနိုင်ငံ၌လည်း ဖင်လန်နိုင်ငံနှင့် တူညီသည့် ဒီမိုကရေစီစနစ်ကို ပြောင်းလဲကျင့်သုံးနေပြီ ဖြစ်သောကြောင့် နှစ်နိုင်ငံ ပူးပေါင်းဆောင်ရွက်ရေး အတွက် အခွင့်အလမ်းကောင်းများစွာ ရှိလာပြီဖြစ်ကြောင်း၊ ယခုလို ဖင်လန်နိုင်ငံ သမ္မတကြီးမှ မြန်မာနိုင်ငံ ဒီမိုကရေစီ ပြုပြင်ပြောင်းလဲရေးအတွက် အားပေးထောက်ခံ ကူညီပေးသွားမည့်အပေါ် များစွာကျေးဇူးတင်ကြောင်းနှင့် မြန်မာနိုင်ငံတွင် ရင်းနှီးမြှုပ်နှံနိုင်သည့် လုပ်ငန်းများစွာရှိရာ ဖင်လန်နိုင်ငံမှ ကုမ္မဏီများ အနေဖြင့် လာရောက်ရင်းနှီးနိုင်ရန် ဖိတ်ခေါ်ကြောင်း၊ ယခုကဲ့သို့ ကူညီ ထောက်ပံ့ပေးမှုကို မြန်မာနိုင်ငံ ပိုမိုတိုးတက်စေရေးအတွက် ကြိုးပမ်းဆောင်ရွက်သွားမည် ဖြစ်ကြောင်း ထည့်သွင်းပြောကြားခဲ့သည်။
သမ္မတဦးသိန်းစိန် အနေဖြင့် ၂ဝ၁၃ ခုနှစ် နှစ်ဦး ပထမဆုံး ပြည်ပခရီးစဉ်အဖြစ် ဥရောပ ငါးနိုင်ငံသို့ သွားရောက်ခဲ့ခြင်းဖြစ်ပြီး လက်ရှိ သမ္မတ သက်တမ်းတစ်လျှောက်တွင် ပြည်ပခရီးစဉ် ၁၉ ခု သွားရောက်ခဲ့ပြီး ဖြစ်သည်။
သမ္မတဦးသိန်းစိန်၏ ဥရောပ ငါးနိုင်ငံခရီးစဉ်တွင် နော်ဝေနိုင်ငံနှင့် ဖင်လန်နိုင်ငံများသို့ သွားရောက်ခဲ့ပြီး ကျန်သုံးနိုင်ငံသို့ ဆက်လက်သွားရောက်မည် ဖြစ်သည်။
Subscribe to:
Post Comments (Atom)
No comments:
Post a Comment
လာကြည့်ခဲ့ ကြောင်းပြောခဲ့ ပါ - လေးစားစွာဖြင့် - လယ်ဝေးသား