ILO ညီလာခံတွင် ပြောကြားသော ဒေါ်အောင်ဆန်း စုကြည် မိန့်ခွန်း

ဓါတ်ပုံ - Facebook

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ဆွတ်ဇာလန်နိုင်ငံ၊ ဂျီနီဗာမြို့၌ ကျင်းပနေသော ကမ္ဘာ့ အလုပ်သမား အဖွဲ့ချုပ် ညီလာခံသို့ ဇွန်လ ၁၄ ရက်နေ့က တက်ရောက် မိန့်ခွန်းပြောကြားခဲ့သည်။

မိန့်ခွန်းတွင် မြန်မာနိုင်ငံ၏ လူငယ် အလုပ်လက်မဲ့ဦးရေ များပြားနေမှုပြဿနာ၊ ရွှေ့ပြောင်း အလုပ်သမားများ အရေး၊ အလုပ်သမားအဖွဲ့ ဥပဒေ၊ မြန်မာပြည်သူများအတွက် အကျိုးပြန်လှန်ပြုစေမည့် ရင်းနှီးမြှုပ်နှံမှု စသည့် အရေးကိစ္စများကို မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က ထည့်သွင်းပြောဆိုသွားသည်။

ဒေါ်အောင်ဆန်းစုကြည်၏ မိန့်ခွန်း အပြည့်အစုံကို မဇ္ဈိမ က မြန်မာဘာသာသို့ ပြန်ဆိုဖော်ပြလိုက်သည်။

-----

ဒီမနက်မှာ ကျမ လက်ခံရရှိလိုက်တဲ့ ကြိုဆိုမှုကြောင့် ကျမဟာ ကြိုတင်ပြင်ဆင်ထားတဲ့ စာသားတွေကနေ အနည်းငယ် သွေဖည်ကွန့်မြူးပြီး ပြောမှာမို့ စကားပြန်တွေကို ကျမ တောင်းပန်ပါတယ်။ ကွန်ဖရန့်ရဲ့ ဥက္ကဋ္ဌ၊ ညွှန်ကြားရေးမှူးချုပ်၊ ကိုယ်စားလှယ်များနှင့်တကွ တက်ရောက်လာကြသော ဂုဏ်ကျက်သရေရှိ အမျိုးသမီးများနှင့် အမျိုးသားများရှင့်…

ကျမအနေနဲ့ ပြင်ဆင်ထားတဲ့ မိန့်ခွန်း မစတင်ခင်မှာ ပြောကြားချင်တာကတော့ လုံးဝ မျှော်လင့်မထားခဲ့တဲ့ အလွန်နွေးထွေးစွာ ကြိုဆိုမှုတွေကြောင့် လူကြီးမင်းတို့ အားလုံးကို အထူး ကျေးဇူးတင်ကြောင်း ပြောကြားလိုပါတယ်။ အဲဒါဟာ ကျမကို စိတ်လှုပ်ရှားစေပြီးတော့ ကျမတို့အနေနဲ့ အနာဂတ်မှာ အတူတကွ ပူးပေါင်း လုပ်ကိုင်ပြီး ကျမတို့အားလုံး တဦးနဲ့ တဦး ပိုမိုနီးကပ်စွာ ဆောင်ရွက်လုပ်ကိုင်နိုင်မယ့် ကမ္ဘာတခုကို တည်ဆောက်နိုင်မှာ ဖြစ်ပါတယ်။

ကျမအနေနဲ့ မစ္စတာ စမားဗီးယား နဲ့ စကားပြောခဲ့ပြီး သူက သူ့နာမည်ကို ဘယ်လို အသံထွက်ရတယ်ဆိုတာ ပြောပြပါတယ်။ ကျမက မစ္စတာ စမားဗီးယားကို ကျမအနေနဲ့ တောင်အမေရိက က လူတွေကို တွေ့တဲ့အခါမှာ ကိုယ့်မိသားစုဝင်တွေကို တွေ့ရတော့မလို ခံစားရပါတယ်လို့ ပြောပြဖြစ်ပါတယ်။ ဘာကြောင့်လဲဆိုတော့ ကျမတို့ တိုင်းပြည်တွေဟာ တူညီတဲ့ အတွေ့အကြုံတွေကို ဖြတ်သန်းခဲ့ရလို့ပါ။ တောင်အမေရိက တိုက်က တိုင်းပြည်တွေ အပြင် တခြားတိုင်းပြည် တော်တော်များများဟာလည်း ဒီလိုပဲ ဖြစ်လိမ့်မယ်လို့ ကျမထင်ပါတယ်။ ဒါကြောင့် ဒီကို လာရတာဟာ မတွေ့ရတာ တအားကြာပြီဖြစ်တဲ့ မိသားစုဝင်တွေကို လာတွေ့ရသလိုမျိုး ခံစားရပြီးတော့ ဒီတွေ့ဆုံမှုဟာလည်း ဘယ်နည်းနဲ့မှ နောက်ဆုံးအကြိမ်  မဖြစ်နိုင်ဘူးလို့ ကျမ မျှော်လင့်ထားပါတယ်။

အပြည်ပြည်ဆိုင်ရာ အလုပ်သမား ကွန်ဖရင့်ဟာ အားလုံးပါဝင်ခြင်းကို ဖော်ဆောင်နိုင်တဲ့ ရှေ့ပြေးနဲ့ ဥပမာတခု ဖြစ်ပါတယ်။ အလုပ်သမားနဲ့ အလုပ်ရှင် ကိုယ်စားလှယ်တွေ သာမက အစိုးရတွေပါ ပူးပေါင်းပါဝင်ပြီး ရှုပ်ထွေးလှတဲ့ ပြဿနာတွေအတွက် ထိရောက်တဲ့ အဖြေတွေကို အတူတကွ ရှာဖွေဖို့ ဖြစ်တဲ့အတွက် အဲဒါဟာ ပါဝင်ပတ်သတ်သူ အချင်းချင်းကြားမှာ အဓိပ္ပါယ်ပြည့်ဝစွာ ဖလှယ်ကြခြင်းကို သရုပ်ဖော်နိုင်ပါတယ်။

ဒါပေမယ့် ဒီနေရာကို ကျမလာတာဟာ အလုပ်သမားတွေ၊ အလုပ်ရှင်တွေ အားလုံး၊ အစိုးရတွေ အားလုံးရဲ့ ကိုယ်စားလှယ်အဖြစ် လာတာ မဟုတ်ပါဘူး။ လူကြီးမင်းတို့ အနေနဲ့ ကျမကို “Fourth Element” အဖြစ် လာရောက်တယ်လို့ မှတ်ယူနိုင်ပါတယ်။ ကျမဟာ အလုပ်သမား အရေးတွေရဲ့ ရိုက်ခတ်မှု အကျိုးဆက်ကို ခံရနိုင်တဲ့ မရေမတွက် နိုင်သော သူတွေထဲက တယောက်ဖြစ်ပါတယ်။ ကျမဟာ နိုင်ငံရေး သမားတယောက်လည်း ဖြစ်ပါတယ်။ ဒါကြောင့် ကျမဟာ “Fifth Element” အနေနဲ့ တက်ရောက်လာတယ်လို့လည်း ဆိုချင်ပါတယ်။ သာမန်ပြည်သူ လူထုရဲ့ အကျိုးစီးပွါးတွေကို ကိုယ်စားပြုတဲ့ “element” ပါ။ ကျမအနေနဲ့ ကျမအတွက် တရားဝင် မှန်ကန်တဲ့ သတ်မှတ်မှု ဖြစ်တဲ့ မကြာသေးခင်က ရွေးကောက် တင်မြှောက်ခြင်း ခံထားရတဲ့  လွှတ်တော်ကိုယ်စားလှယ် တယောက်လို့ ကိုယ့်ကိုယ်ကို ရည်ညွှန်းရမှာကိုတော့ ကိုယ့်ဘာသာ စိတ်မသက်မသာ အနည်းငယ် ဖြစ်တာ သတိထားနေမိပါတယ်။

ကျမနဲ့ ILO ရဲ့ ဆက်နွယ်မှုကို ပြောပြရမယ်ဆိုရင် လွန်ခဲ့တဲ့ နှစ်ပေါင်းများစွာကို ပြန်ကြည့်လိုက်ရင် နိုင်ငံရေး သမားတယောက်ရဲ့ တာဝန် ပိုပြီးတိတိကျကျ ပြောရရင် ကျမရဲ့ နိုင်ငံရေး ပါတီဖြစ်တဲ့ အမျိုးသား ဒီမိုကရေစီ အဖွဲ့ချုပ် NLD ရဲ့ ဒီမိုကရေစီနဲ့ လူ့အခွင့်အရေး ဆောင်ရွက်မှုတွေအပေါ်မှာ အခြေခံနေပါတယ်။ အဓမ္မလုပ်အားပေး ခိုင်းစေမှုတွေ၊ ကလေးစစ်သား ကိစ္စတွေနဲ့ ပတ်သတ်ပြီး ကျမတို့ ILO အပါအဝင် တခြား စိတ်ဝင်စားတဲ့ အဖွဲ့အစည်းတွေ၊ ပုဂ္ဂိုလ်တွေနဲ့ တတ်နိုင်သလောက် ပူးပေါင်းဆောင်ရွက်ခဲ့ကြပါတယ်။

Committee on the Application of Standards ရဲ့ အစီရင်ခံစာအနေနဲ့ အရင် နောက်ဆုံးအကြိမ် သုံးသပ်ခဲ့စဉ်ကနေ စပြီး အဲဒီကဏ္ဍနဲ့ ပတ်သတ်ပြီး ရရှိခဲ့တဲ့ တိုးတက်မှုတွေကို ဖော်ပြနိုင်ခဲ့ပေမယ့် စိုးရိမ်စရာ တချို့လည်း ကျန်နေဆဲပါပဲ။ အဲဒီ့ ပြည့်စုံနေပြီးသား အစီရင်ခံစာကို ကျမအနေနဲ့ ထပ်ဖြည့်ပြောစရာ မရှိသလောက်ပါပဲ။

ပြီးခဲ့တဲ့ နှစ်တွေအတွင်း မြန်မာနိုင်ငံမှာ ဖြစ်ပေါ်ခဲ့တဲ့ ပြုပြင်ပြောင်းလဲမှုတွေနဲ့ ပတ်သတ်ပြီးတော့ ဒီနေ့ ကျမ ပြောချင်ပါတယ်။ သမ္မတ ဦးသိန်းစိန်ရဲ့ အစိုးရက ဒီမိုကရေစီ လမ်းစဉ်ကို စတင်ခြေလှမ်းခြင်းကို ကျမတို့ နိုင်ငံရဲ့ ပြည်သူတွေကသာ မက နိုင်ငံတကာ ကပါ ကြိုဆိုခဲ့ကြပါတယ်။

နိုင်ငံရေး ပြုပြင်ပြောင်းလဲမှုကို ရည်ရွယ်တဲ့ ဆောင်ရွက်ချက်တွေ အပြင် စီးပွါးရေး ကဏ္ဍမှာလည်း  အပြုသဘောဆောင်တဲ့ ပြောင်းလဲမှုတွေ ဖြစ်ပေါ်ဖို့ သင့်တော်တဲ့ အားထုတ်မှုတွေ ရှိနေပါတယ်။ မြန်မာနိုင်ငံဟာ အလားအလာကောင်းတွေကို အသုံးချ အကောင်အထည်ဖော်ဖို့ အခွင့်အလမ်းများစွာ ရှိနေတဲ့ နိုင်ငံအနည်းငယ်ထဲက တခုဖြစ်ပြီး စီးပွါးရေး လုပ်ငန်းတွေကိုသာ မက မြန်မာနိုင်ငံရဲ ပြုပြင်ပြောင်းလဲရေး လုပ်ငန်းစဉ်တွေကို ကူညီအားပေးလိုတဲ့ အစိုးရနဲ့ အေဂျင်စီ တွေကိုလည်း အများကြီး ဆွဲဆောင်နိုင်ပါတယ်။

ILO ဟာ လူမှုရေး၊ နိုင်ငံရေးနဲ့ စီးပွါးရေး ကိစ္စရပ်တွေကို ပေါင်းစည်းလုပ်ကိုင်နေတဲ့ အထူး အဖွဲ့အစည်း တခု ဖြစ်ပါတယ်။ ဒါကြောင့် ကျမတို့ နိုင်ငံရဲ့ ပြောင်းလဲလာတဲ့ အခြေအနေတွေကနေ ပေါ်ပေါက်လာတဲ့ အခွင့်အလမ်းတွေနဲ့ ဆက်စပ်နေတဲ့ အကြောင်းအရာတွေကို ဒီ ဖိုရမ်ကနေ ကျမ ပြောခွင့်ရတာဟာ အလွန်သင့်တော်ပါတယ်။

ကိုယ်ကျိုးအတွက် အလွဲသုံးစား ပြုခြင်းတွေကို ရှောင်ကြဉ်နိုင်ဖို့ အတွက် အခွင့်အရေးတွေနဲ့ တာဝန်ယူမှုတွေ၊ အခွင့်အလမ်း (opportunities) တွေနဲ့ သမာဓိတွေဟာ ဟန်ချက်ညီ မျှတစွာ ရှိသင့်ပါတယ်။ ကျမတို့ နိုင်ငံအတွက် ကျမတွေ့မြင်ချင်တာကတော့ ဒီမိုကရေစီနဲ့ လိုက်လျော ညီထွေရှိတဲ့ ဖွံ့ဖြိုးတိုးတက်မှု ပါပဲ။ နိုင်ငံရေး ပြုပြင်ပြောင်းလဲမှုကိုလည်း အထောက်အကူ ဖြစ်စေနိုင်တဲ့ လူမှုရေး၊ စီးပွါးရေးတွေကို တိုးတက်လာအောင် မြှင့်တင်ပေးနိုင်မယ့်၊ ဒီမိုကရေစီ လုပ်ငန်းစဉ်တွေကို အားကောင်းခိုင်မာ စေနိုင်မယ့် အကူအညီနဲ့ ရင်းနှီးမြှုပ်နှံမှုတွေကို ကျမ ဖိတ်ခေါ်ချင်ပါတယ်။

အမျိုးသားဒီမိုကရေစီအဖွဲ့ချုပ် အနေနဲ့ ဥပဒေစိုးမိုးရေး လိုအပ်ပုံနဲ့ ကျမတို့ နိုင်ငံမှာ ဖြစ်ပွါးနေတဲ့ တိုင်းရင်းသားတွေနဲ့ ပဋိပက္ခတွေ အဆုံးသတ်ရေးကို ထပ်ခါထပ်ခါ အလေးအနက် ပြောဆိုခဲ့ပါတယ်။ အဲဒီ့အခြေခံ လိုအပ်ချက်တွေ မပြည့်စုံခဲ့ရင် ကျန်းမာရေး၊ လူမှုရေး၊ နိုင်ငံရေးနဲ့ စီးပွါးရေး ဖွံ့ဖြိုး တိုးတက်မှုတွေ ဖော်ဆောင်ဖို့ အခြေခံအုတ်မြစ်ကို ချနိုင်မှာ မဟုတ်ပါဘူး။ ပွင့်လင်းမြင်သာမှု၊ တာဝန်ခံတတ်မှု၊ ညီညွတ်မှု တွေကို အခြေခံတဲ့ “good governance” ပေါ်ပေါက်ရေးအတွက် အခြေခံ လူ့အခွင့်အရေးတွေကို အာမခံ နိုင်မယ့် အားကောင်းတဲ့ ဒီမိုကရက်တစ် အဖွဲ့အစည်းတွေ လိုအပ်ပါတယ်။ ကျမ ရည်မှန်းချက်တွေ သိပ်ကြီးလွန်း နေပြီလား? ဖြစ်နိုင်ပါတယ်။ ကျမဟာ ရည်မှန်းချက် ကြီးတယ်လို့ ကျမ ထင်ပါတယ်။ ဒါပေမယ့် ကျမတို့ အကောင်းဆုံးကို ရရှိလိမ့်မယ်လို့ ရည်မှန်းမထားဘူးသာ ဆိုရင် အနည်းငယ်မျှသာ အားထုတ် ဆောင်ရွက်ပြီး ရေတိုမှာ သိပ်မကောင်းတဲ့ အခြေအနေတွေကို သည်းခံပြီး လက်ခံမိသွားမယ့် အန္တရာယ်တွေ တွေ့ကြုံနိုင်ပါတယ်။ ဒါဆိုရင် ရေရှည်မှာ သည်းခံမှုတွေ ကုန်ဆုံးသွားတဲ့အခါ မတည်မငြိမ်ဖြစ်မှုတွေ ပေါ်ပေါက်လာပြီး အခု ရရှိပြီးဖြစ်တဲ့ တိုးတက်မှုတချို့ပါ ပျက်စီးသွားနိုင်ပါတယ်။

ILO အခြေခံဥပဒေရဲ့ အပိုဒ် ၃၃ အရ ၁ဝ၁ ကြိမ်မြောက် အစည်းအဝေးကနေ မြန်မာ့အရေး ဆောင်ရွက်မှုတွေနဲ့ ပတ်သတ်ပြီး ချမှတ်လိုက်တဲ့ ဆုံးဖြတ်ချက်ဟာ လွန်ခဲ့တဲ့နှစ်မှာ ပြုလုပ်ခဲ့တဲ့ အပြုသဘောဆောင်တဲ့ ခြေလှမ်းတွေကို ထင်ဟပ်နေပါတယ်။ ပြည်ထောင်စု သမ္မတ မြန်မာ နိုင်ငံတော်ရဲ့ သံအမတ်ကြီးကတော့ ဒီဆုံးဖြတ်ချက်ဟာ သူ့အစိုးရအဖွဲ့ရဲ့ မျှော်လင့်ထားတာထက် လျော့နည်းနေတယ်လို့ သူ့ထင်မြင်ချက်ကို ဖော်ပြခဲ့ဖူးပါတယ်။ တခြားတဘက်မှာ အလုပ်သမား ဒုတိယ ခေါင်းဆောင် က ဆုံးဖြတ်ချက်ကို လက်ခံဖို့ဟာ မလွယ်ကူပါဘူးလို့ ပြောဆိုခဲ့ပါတယ်။ ဆုံးဖြတ်ချက်ရဲ့ ပြဋ္ဌာန်း သတ်မှတ်ချက် တော်တော်များများဟာ ဥပဒေနဲ့ လျော်ညီနေပေမယ့် လက်တွေ့လောကမှာ တကယ် အသုံးချဖို့ ဆိုရင် အများကြီးလုပ်ဖို့ ကျန်နေသေးတယ်လို့ ဆိုပါတယ်။ မြန်မာနိုင်ငံရဲ့ ကိုယ်စားလှယ်အဖွဲ့ အလုပ်သမား အဖွဲ့ဝင် တဦးကတော့ အလုပ်အကိုင် အခွင့်အလမ်းတွေ ဖန်တီးပေးရေးကို အဓိကထား ပြောဆိုခဲ့ပြီးတော့ နိုင်ငံတကာက ပိတ်ဆို့ အရေးယူထားမှုတွေကို ရုပ်သိမ်းပေးဖို့လည်း ပြောဆိုကာ ရင်းနှီးမြှုပ်နှံမှုတွေကိုလည်း ဖိတ်ခေါ်ခဲ့ပါတယ်။ 

ကျမအနေနဲ့ အလုပ်သမားတွေ၊ အလုပ်ရှင်တွေနဲ့ အစိုးရရဲ့ “fifth element” ကို တရားဝင် ကိုယ်စားမပြုပေမယ့် ကျမအနေနဲ့ ဂျီနီဗာ ခရီးစဉ် ပြင်ဆင်မှုကာလမှာ အလုပ်သမား အခွင့်အရေးကို မြှင့်တင်ဖို့ နှစ်ပေါင်းများစွာကတည်းက ကြိုးစားနေခဲ့တဲ့ အဖွဲ့အစည်းတွေ၊ ပုဂ္ဂိုလ်တွေနဲ့ တွေ့ဆုံဆွေးနွေးခဲ့ပါတယ်။ ကျမ မြန်မာပြည်မှာ တွေ့ခဲ့တဲ့သူတွေ ပြေပြခဲ့တဲ့ စိုးရိမ်သောကတွေဟာ အဓမ္မလုပ်အားပေး ခိုင်းစေမှုနဲ့ ပတ်သတ်ပြီး Committee on the Application of Standards ကို အလုပ်သမား အဖွဲ့ဝင်တွေ ပြုလုပ်ခဲ့တဲ့ presentation တင်ဆက်မှုမှာ ထင်ဟပ်နေပါတယ်။ ဒါ့အပြင် သူတို့ဟာ အလုပ်သမားအခွင့်အရေး တွေကို ကာကွယ်ပေးနိုင်မယ့် ဥပဒေတွေ ပြဋ္ဌာန်းပေးဖို့ အရေးကြီးကြောင်းလည်း ပြောဆိုခဲ့ကြပါတယ်။ ပြီးတော့ အလုပ်သမားအရေးနဲ့ ပတ်သတ်တဲ့ ဥပဒေ တချို့ကို သီအိုရီအရ ပြဌာန်းထားပေမယ့် တချို့ဥပဒေတွေကို လက်တွေအသုံးပြုခြင်း မရှိသလို တချို့ဟာတွေကလည်း ခောတ်နောက်ကျနေတာကို သူတို့က ထောက်ပြခဲ့ကြပါတယ်။ တချို့ ဥပဒေတွေကို မြန်မာဘာသာသို့ ဘာသာပြန်ဆိုထားခြင်း မရှိသေးသလို တချို့ဥပဒေတွေ…ဥပမာ အနည်းဆုံးလုပ်ခနဲ့ ပတ်သတ်တဲ့ ဥပဒေဆိုရင် ပြင်ဆင်ဖျက်သိမ်း အစားထိုးခြင်း မရှိသေးသလို တချို့ဥပဒေတွေကိုလည်း ကျင့်သုံးခြင်း မရှိပါဘူး။   

ပြီးတော့ အသစ်ချမှတ် ပြဋ္ဌာန်းလိုက်တဲ့ အလုပ်သမား အသင်းအဖွဲ့ အက်ဥပဒေဟာ အစိုးရရဲ့  ကြားဖြတ်ဝင်ရောက် ဆောင်ရွက်ခြင်းမှ လုံလောက်စွာ ကာကွယ်ပေးနိုင်ဖို့နဲ့ အလုပ်ရှင်တွေကို မျက်နှာသာပေးခြင်းမှ ရှောင်လွှဲစေနိုင်ဖို့ အတွက်လည်း စည်းမျဉ်းတွေကို ပိုပြီးဖြေလျှော့ပေးဖို့ သင့်တယ်လို့လည်း ဆိုကြပါတယ်။ ဒီ့အပြင် သူတို့ဟာ အလုပ်သမား အသင်းအဖွဲ့ အက်ဥပဒေကို ခွင့်ပြုသင့်ကြောင်း ထင်မြင်ချက် ပေးခဲ့ကြပြီး အလုပ်သမား သမ္မဂ္ဂ အက်ဥပဒေဟာလည်း စက်မှုအသိုင်းအဝိုင်းထဲက အလုပ်သမားတွေကိုသာ မကဘဲ တခြား အလုပ်သမားတွေပါ အကျုံးဝင်သင့်တယ်လို့ သူတို့က ထင်မြင်ချက် ပေးကြပါတယ်။

အလုပ်သမား ဥပဒေ သစ်တွေ ပြဋ္ဌာန်းရေးနဲ့ ဆက်နွယ်နေတဲ့ အထက်ပါ အချက်အလက်တွေကနေ ပြဆိုနေတာကတော့ ပွင့်လင်းမြင်သာမှု ပိုမိုလိုအပ်နေကြောင်းရယ် ပါဝင်ပတ်သတ်နေသူတွေရဲ့ အမြင်တွေကို ဥပဒေတွေ မချမှတ်ခင်မှာ ထည့်သွင်းစဉ်းစားဖို့ လိုအပ်ကြောင်းရယ်ကို ပြဆိုနေပါတယ်။  ဒီမိုကရေစီဆန်ဆန် ပိုမိုကျင့်သုံးရင် အလုပ်သမား အခွင့်အရေးနဲ့ ပြည်သူတွေရဲ့ အခွင့်အရေးတွေကို ပိုမိုကာကွယ်ပေးနိုင်မှာ ဖြစ်ပါတယ်။

အလုပ်သမားအခွင့်အရေးတွေ ထွန်းကားလာဖို့ အတွက် အလုပ်အကိုင် အခွင့်အလမ်းတွေ ဖန်တီးပေးခြင်းဟာလည်း ဦးစားပေးရမယ့်အရာ ဖြစ်ပါတယ်။ သူတို့ဟာ နိုင်ငံခြားတိုက်ရိုက် ရင်းနှီးမြှုပ်နှံမှု အမျိုးအစားတွေနဲ့ ပတ်သတ်ပြီး အစိုးရအနေနဲ့ ဆောင်ရွက်သင့်တဲ့ အခန်းကဏ္ဍလို ဟာမျိုးတွေကနေ စပြီး စီးပွါးရေးနဲ့ ပတ်သတ်ပြီး လက်တွေ့ဆောင်ရွက်ချက်လိုဟာတွေအထိ အသေးစိတ် အကြံဉာဏ် ပေးခဲ့ကြပါတယ်။ ဖိနှိပ်အုပ်ချုပ်မှုတွေ၊ အထီးကျန်မှုတွေ နှစ်ပေါင်းများစွာ ခံစားခဲ့ရပေမယ့် ကျမတို့ ပြည်သူတွေဟာ လူမှုရေး၊ နိုင်ငံရေး၊ စီးပွါးရေးနဲ့ ပတ်သတ်တဲ့ နိုးကြားမှုတွေ ရှိတာမို့ လုံလောက်တဲ့ အတိုင်းအတာ အထိသာ လွတ်လွတ်လပ်လပ် လုပ်ခွင့်ရမယ်ဆိုရင် တခြားကမ္ဘာ့ဒေသတွေက အပြုသဘောဆန်တဲ့ ဖွံ့ဖြိုးမှုတွေနဲ့ ထပ်တူ ရင်ပေါင်တန်းနိုင်မှာ ဖြစ်ပါတယ်။

လူငယ်တွေ အလုပ်လက်မဲ့ ဖြစ်နေကြတဲ့ ပြဿနာနဲ့ ပတ်သတ်ပြီးတော့လည်း ကျမ အလေးအနက် ပြောချင်ပါသေးတယ်။ ကျမ ထပ်ခါထပ်ခါ ပြောခဲ့သလိုပါပဲ အလုပ်လက်မဲ့ ပြဿနာနဲ့ မျှော်လင့်ချက် ကင်းမဲ့မှုက ကျမတို့ အနာဂတ်ကို ခြိမ်းခြောက်နေပါတယ်။ အလုပ်လက်မဲ့ လူငယ်တွေမှာ ယုံကြည်မှုလည်း ဆုံးရှုံးနေတတ်ပြီး သူတို့ရဲ့ စွမ်းအားတွေကို သူတို့ကိုယ်တိုင် သိရှိ အသုံးချဖို့ အခွင့်အလမ်း မရပဲ ဖြစ်နေပါတယ်။ အရက်သေစာ သောက်သုံးမှုနဲ့ ပတ်သတ်တဲ့ ပြဿနာ၊ မူးယစ်ဆေးဝါး အလွဲသုံးစားမှု၊ အလုပ်အကိုင်နဲ့ အိမ်ယာမဲ့မှု စတဲ့ ဖိစီးမှုတွေကို ခံနေရပြီး ဦးတည်ချက်မဲ့တဲ့ လူငယ်တွေဟာ သူတို့ အခြေအနေတွေရဲ့ အနှစ်သာရ ကင်းမဲ့မှုအပေါ်မှာ သောကပွါးနေရပါတယ်။ လူငယ်တွေ သိပ်မဝေးတော့တဲ့ ကာလမှာ မဖိတ်ခေါ်ဘဲ ရောက်လာတော့မယ့် တာဝန်ဝတ္တရားတွေကို ကျေလည်စွာ ထမ်းဆောင်နိုင်မယ့် အရည်အချင်းတွေ ရှိလာစေဖို့ လုပ်ငန်းခွင်သင်တန်းကျောင်းတွေအပြင် ဆက်စပ်တဲ့ အလုပ်အကိုင်တွေ ဖန်တီးပေးရေးဟာလည်း အလွန် အရေးကြီးပါတယ်။

အလုပ်အကိုင်တွေ ဖန်တီးပေးနိုင်မယ့် နိုင်ငံခြား တိုက်ရိုက် ရင်းနှီးမြှုပ်နှံမှုတွေကိုလည်း ကြိုဆိုသင့်ပါတယ်။ ရင်းနှီးမြှုပ်နှံသူတွေ အနေနဲ့ ဆိုင်ရာကျင့်ဝတ်တွေကိုလည်း လိုက်နာသင့်ပါတယ်။ နိုင်ငံတကာက လက်ခံထားတဲ့ အလုပ်သမားရေးရာ စံတွေ၊ ပတ်ဝန်းကျင် ထိခိုက်မှု ရှိမရှိ စတာတွေကိုလည်း စစ်ဆေးသင့်ပါတယ်။

ခေတ်မီနည်းပညာတွေ ရရှိမှု အပါအဝင် ရေရှည်အကျိုးအမြတ်တွေ ရရှိဖို့လည်း ရည်ရွယ်ချက် ရှိသင့်ပါတယ်။ စိုက်ပျိုးရေးနဲ့ ပတ်သတ်တဲ့ စီးပွါးရေးလုပ်ငန်းတွေမှာ နိုင်ငံခြား ရင်းနှီးမြှုပ်နှံမှုတွေဟာ အကျိုးရှိနိုင်ပြီး  အသေးစားလုပ်ကိုင် သူတွေကို အကာအကွယ်ပေးဖို့တော့ မှန်ကန်စွာ ဆောင်ရွက်ရပါမယ်။

နိုင်ငံပိုင် လုပ်ငန်းတွေကို ပုဂ္ဂလိကပိုင်အဖြစ် ပြောင်းလဲတဲ့နေရာမှာ အပြိုင်အဆိုင် ပိုမိုရှိလာအောင် ဆောင်ရွက်ရမှာ ဖြစ်ပြီး လျှပ်စစ်ထုတ်ကုန်တွေ စက်ပစ္စည်းတွေ စတဲ့ အသေးစားနဲ့ အလတ်စား လုပ်ငန်းတွေကိုလည်း အားပေးရပါမယ်။

ခရီးသွားလုပ်ငန်း၊ ဘဏ္ဍားရေး ဝန်ဆောင်မှုလုပ်ငန်း နဲ့ အခြေခံ အဆောက်အဦး တည်ဆောက်ရေး လုပ်ငန်း စတာတွေနဲ့ ပတ်သတ်တဲ့ နိုင်ငံခြားတိုက်ရိုက် ရင်းနှီးမြှုပ်နှံမှုတွေဟာလည်း နှစ်သက်ဖွယ် ဖြစ်ပါတယ်။ အရှိန်အဟုန် မြင့်မားတဲ့ စက်ရုံအလုပ်ရုံတွေမှာ ရင်းနှီးမြှုပ်နှံမှုကိုလည်း အထူး သတိထားပြီး ချဉ်းကပ်သင့်ပါတယ်။ အလုပ်သမား ကိုယ်စားလှယ်တွေက ပြောဆိုခဲ့တဲ့ အထက်ပါ အကြံပြုချက်တွေဟာ မြန်မာနိုင်ငံရဲ့ အခြေအနေတွေကို နှစ်ပေါင်းများစွာ လေ့လာခဲ့တဲ့ ကျော်ကြားတဲ့ စီးပွါးရေး ပညာရှင်တွေရဲ့ အမြင်တွေနဲ့ နေရာတော်တော်များများမှာ တော်တော်လေး တူညီနေပါတယ်။ ခရီးသွားလုပ်ငန်း ဖွံ့ဖြိုးတိုးတက်ရေး၊ စိတ်ချလုံခြုံထိရောက်တဲ့ ဘဏ္ဍာရေးစနစ် ဖော်ဆောင်ရေး၊ ရင်းနှီးမြှုပ်နှံမှုတွေကို အလုပ်အကိုင်ဖန်တီးပေးတဲ့ ရင်းမြစ် စိတ်ကူးသစ်၊ နည်းလမ်းသစ်၊ နည်းပညာသစ်များ ထုတ်လုပ်ပေးသော ရင်းမြစ်များ အဖြစ် အသုံးချရေးတွေပဲ ဖြစ်ပါတယ်။ စွမ်းအင်ကဏ္ဍနဲ့ ပတ်သတ်ပြီး ပွင့်လင်းမြင်သာဖို့ တာဝန်ခံတတ်ဖို့နဲ့ အရှိန်အဟုန်မြင့်တဲ့ စက်မှုလုပ်ငန်းတွေနဲ့လည်း ပတ်သတ်ပြီး သူက အကြံပေးခဲ့ပါတယ်။

စွမ်းအင် ဝန်ကြီးဌာန လက်အောက်မှာ ရှိတဲ့ နိုင်ငံပိုင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) ဟာလည်း စွမ်းအင်ကဏ္ဍမှာ နိုင်ငံခြား ကုမ္ပဏီများရဲ့ ပါဝင်မှုနဲ့ ဖက်စပ်ဆောင်ရွက်နေရာမှာ လောလောဆယ် ပွင့်လင်းမြင်သာမှုနဲ့ တာဝန်ယူမှု ကင်းမဲ့နေပါတယ်။ အစိုးရ အနေနဲ့ ဘဏ္ဍာရေး ပွင့်လင်း မြင်သာဖို့အတွက် IMF ရဲ့ ကျင့်ထုံးနည်းနာတွေလိုမျိုး နိုင်ငံတကာက လက်ခံထားတဲ့ စံနှုန်းတွေနဲ့ အညီ ဆောင်ရွက်သင့်ပါတယ်။ တခြားနိုင်ငံတွေ အနေနဲ့ MOGE ဟာ အဲဒီ့ ကျင့်ထုံး နည်းနာတွေကို မလိုက်နာသေးသရွေ့ သူတို့နိုင်ငံရဲ့ ကုမ္ပဏီတွေကို MOGE နဲ့ ပူးပေါင်းဆောင်ရွက်ဖို့ ခွင့်မပြုခြင်းအားဖြင့် ကူညီနိုင်ပါတယ်။ ဒီလိုလုပ်ခြင်းအားဖြင့် အဲဒီ ကုမ္ပဏီတွေဟာလည်း ခုနက ပြောခဲ့တဲ့ ကျင့်ထုံးနည်းနာတွေကို လိုက်နာပြီးသား ဖြစ်သွားပါလိမ့်မယ်။

ကျမအနေနဲ့ ပြည်တွင်း အနေအထားဟာ ရင်းနှီးမြှုပ်နှံမှုတွေကို အကောင်းဆုံး အသုံးပြုနိုင်မယ့် အခြေအနေမျိုးရှိအောင် ပြင်ဆင်ထားသင့်တယ် ဆိုတဲ့ အမြင်ကို လှိုက်လှိုက်လှဲလှဲ ထောက်ခံပါတယ်။ ပိုင်ဆိုင်မှု အခွင့်အရေးတွေ၊ တရားဥပဒေ စိုးမိုးမှု၊ စီးပွါးရေး တည်ငြိမ်မှုတွေနဲ့ အတူ “soft infrastructure” တွေ ဖြစ်တဲ့ ပညာရေး၊ ရိုးဖြောင့်မှုနဲ့ ထိရောက်ချောမွေ့တဲ့ မြို့ပြဝန်ဆာင်မှုတို့လို အရည်အသွေးတွေ ရှိရပါမယ်။ စွမ်အင်းရင်းမြစ်တွေကို ပိုမို အသုံးချနိုင်မှု၊ တယ်လီဖုန်း ဆက်သွယ်ရေးနဲ့ အီလက်ထရွန်းနစ် ဆက်သွယ်ရေး အပါအဝင် ပို့ဆောင်ဆက်သွယ်ရေး စနစ်တွေ အဆင်ပြေဖို့လည်း အထူး ဂရုစိုက်ဖို့ လိုအပ်ပါလိမ့်မယ်။

မြန်မာနိုင်ငံမှာ လုပ်ဆောင်လို့ ရတဲ့ ပြုပြင်ပြောင်းလဲစရာတွေ အများကြီး ရှိပါတယ်။ အဲဒီနေရာမှာ ရင်းနှီးမြှုပ်နှံမှုတွေကို ဆွဲဆောင်ရုံ မဟုတ်ဘဲ အဲဒါတွေ ရေရှည်ခံဖို့နဲ့ ကျမတို့ ပြည်သူတွေအတွက် တကယ် အကျိုးရှိဖို့ ပြုလုပ်ရမှာ ဖြစ်ပါတယ်။ လူမှုရေး၊ နိုင်ငံရေး၊ စီးပွါးရေး ပြုပြင်ပြောင်းလဲမှုတွေ အတွက်  ဒီမိုကရေစီနဲ့ လိုက်လျောညီထွေ ရှိတဲ့ မူဝါဒဟာ ကျမတို့ နိုင်ငံကို အပေါင်းလက္ခဏာနဲ့ အောင်မြင်မှု မြေပုံကားချပ်ပေါ်ကို နောက်တကြိမ် ပို့ဆောင်ပေးမှာ ဖြစ်ပါတယ်။

နိုင်ငံက ပြည်သူတွေဟာ အခြေခံလွတ်လပ်မှုကို မခံစားနိုင်သေးသရွေ့ လိုအပ်မှုတွေ ကြောက်ရွံခြင်းတွေကနေ မလွတ်မြောက်နိုင် သေးသရွေ့ တကယ်စစ်မှန်စွာ ဖွံ့ဖြိုးတိုးတက်ပြီလို့ ဘယ်နိုင်ငံကမှ ဆိုခွင့်မရှိပါဘူး။ ဒီလို စီးပွါးရေး တိုးတက်မှုနဲ့ ပတ်သတ်တဲ့ အလားအလာတွေကို ဆွေးနွေးတဲ့နေရာမှာ နိုင်ငံရပ်ခြားမှာ အလုပ်သမား အခွင့်အရေးတွေ လုံးလောက်စွာ မရရှိတဲ့ မြန်မာ အလုပ်သမားတွေ အကြောင်းကို ချန်မထားခဲ့နိုင်ပါဘူး။ ကျမရဲ့ မကြာသေးခင်က ထိုင်းနိုင်ငံ ခရီးစဉ်မှာ ရွှေ့ပြောင်းအလုပ်သမားတွေ၊ အလုပ်သမား ကိုယ်စားလှယ်တွေ အပြင် အလုပ်သမားအရေးကို နှစ်မြှုပ်လုပ်ကိုင်နေတဲ့ ပုဂ္ဂိုလ်တွေ၊ အဖွဲ့အစည်းတွေနဲ့ တွေ့ခွင့် ရခဲ့ပါတယ်။

ထိုင်းနိုင်ငံမှာ ရှိတဲ့ ရွှေ့ပြောင်း အလုပ်သမားတွေရဲ့ ၈ဝ ရာခိုင်နှုန်းဟာ မြန်မာပြည်က ဖြစ်ကြပါတယ်။ ၂ဝဝ၃ ခုနှစ် နားလည်မှု စာချွန်လွှာနဲ့ ၂ဝဝ၉ခုနှစ် [ထိုင်းနိုင်ငံရဲ့] နိုင်ငံသားစိစစ်ရေး လုပ်ငန်းစဉ် တွေအရ တရားမဝင် မြန်မာ အလုပ်သမားတွေကို တရားဝင် အခြေအနေ ဖြစ်အောင် မြန်မာ ပတ်စ်ပို့တွေ ထုတ်ပေးခဲ့ပေမဲ့လည်း ထိုင်းနဲ့ မြန်မာ နှစ်နိုင်ငံလုံးဟာ ILO ကွန်ဗင်းရှင်း၊ အထူးသဖြင့် ၁၉၉ဝ ကုလသမ္မဂ္ဂ ကွန်ဗင်းရှင်းက ချမှတ်ခဲ့တဲ့ ရွှေ့ပြောင်းအလုပ်သမားတွေနဲ့ သူတို့မိသားစုတွေရဲ့ အခွင့်အရေး ပြဌာန်းချက်တွေအတိုင်း ရွှေ့ပြောင်းအလုပ်သမား ပြဿနာကို မှန်ကန်စွာ ချဉ်းကပ်ခြင်း မရှိတဲ့ အတွက် ရွှေ့ပြောင်းအလုပ်သမား တွေဟာ အခွင့်အရေးချိုးဖောက်ခံရမှုတွေကို မကြာခဏ တွေ့ကြုံခံစား နေရဆဲ ဖြစ်ပါတယ်။ နှစ်နိုင်ငံ စလုံးမှာ ရှင်းလင်းတိကျတဲ့ ရွှေ့ပြောင်းအလုပ်သမား မူဝါဒတွေ၊ ရွှေ့ပြောင်းနေထိုင်မှုတွေကို စီမံကွပ်ကဲမယ့် ထိရောက်တဲ့ အဖွဲ့အစည်းတွေ မရှိတဲ့ အပြင် ရွှေ့ပြောင်းအလုပ်သမားတွေနဲ့ ပတ်သတ်တဲ့ ASEAN framework နဲ့ ပတ်သတ်ပြီး အဆုံးသတ် အကောင်အထည် ဖော်ရာမှာ နှစ်နိုင်ငံလုံးဟာ မထိရောက်ဘဲ ဖြစ်နေပါတယ်။

နိုင်ငံကိုယ်စားပြု စီးပွါးရေး အဖွဲ့အစည်းတွေ၊ အလုပ်သမား ဆက်ဆံရေး အဖွဲ့တွေ၊ ကွန်ဖက်ဒရေးရှင်း အဖွဲ့အစည်းတွေ အနေနဲ့ ထိုင်းနိုင်ငံမှာ ရှိတဲ့ အလုပ်သမားတွေ ရင်ဆိုင်နေရတဲ့ ဒုက္ခတွေနဲ့ ပတ်သတ်ပြီး ဒီကွန်ဖရင့်မှာ အသေးစိတ် အဆိုပြုကြမယ်ဆိုတာ ကျမနားလည်ပါတယ်။ ကျမ ဒီနေရာမှာ ထောက်ပြချင်တာကတော့ ရွှေ့ပြောင်းအလုပ်သမားတွေ အရေးကို ကျမတို့ နိုင်ငံက အလုပ်သမား အရေးတွေအတိုင်း ထပ်ထူထပ်မျှ အာရုံစိုက် စဉ်းစားသင့်ပါတယ်။

ကျမ ထိုင်းနိုင်ငံမှာ တွေ့ခဲ့ရတဲ့ အလုပ်သမား တော်တော်များများက ကျမကို ပြောခဲ့ကြတာကတော့ “ကျနော် ကျမတို့ အိမ်ပြန်ချင်လှပါပြီ” ဆိုတာပါပဲ။ သူတို့တတွေ အမိမြေကို ငြိမ်းငြိမ်းချမ်းချမ်းနဲ့ လုံခြုံစွာ ပြန်လာနိုင်ရေးအတွက်လည်း ကျမတို့ အားလုံးမှာ တာဝန်ရှိပါတယ်။

ကျမတို့ ပြည်သူတွေ အားလုံးအတွက် စစ်မှန်တဲ့ ခိုလှုံရာ အိမ်တလုံး တည်ဆောက်ပေးဖို့အတွက် ကြိုးပမ်းအားထုတ်မှုတွေမှာ ILO ကို ပါဝင်ဖို့ ကျမအနေနဲ့ မေတ္တာရပ်ခံပါတယ်။ ဒီနေရာမှာ ရွှေ့ပြောင်းအလုပ်သမား အရေးကို ဆုံးဖြတ်ချက် ချရာမှာ နားလည်မှုတွေနဲ့ ပါဝင်ခဲ့ကြတဲ့ ထိုင်းနိုင်ငံရဲ့ သက်ဆိုင်ရာ အာဏာပိုင် အဖွဲ့ဝင်တွေကိုလည်း ကျေးဇူးတင်ကြောင်း ပြောချင်ပါတယ်။ လက်ခံထားရတဲ့ နိုင်ငံတွေ အနေနဲ့လည်း အလုပ်သမားအရေးနဲ့ နိုင်ငံတကာ ဆက်ဆံရေးတွေ တိုးတက်ဖို့ စဉ်းစားကာ အကူအညီပေးဖို့ လိုအပ်ပါတယ်။

ကျမအနေနဲ့ ၁ဝ၁ ကြိမ်မြောက် အစည်းအဝေးရဲ့ ဆုံးဖြတ်ချက်၊ အထူးသဖြင့် ကျမတို့ နိုင်ငံ အလုပ်သမား အရေးတွေနဲ့ မြန်မာရွှေ့ပြောင်းလုပ်သားတွေ ရောက်ရှိနေတဲ့ နိုင်ငံတွေက ရွှေ့ပြောင်းအလုပ်သမား အရေးတွေမှာ ILO အနေနဲ့ ပိုမို ထိထိရောက်ရောက် လုပ်ဆောင်နိုင်အောင် လမ်းဖွင့်ပေးတဲ့ အပိုဒ် ၇ နဲ့ ၁၂ ကို ကြိုဆိုပါတယ်။

စကားပြန်တွေအတွက် အလုပ်ပိုလုပ်ရမယ့် အခွင့်အလမ်း ရအောင်လို့ ကျမ အခု ဆက်ပြောပါဦးမယ်။

ဒီကွန်ဖရန့်ကို လာရတဲ့အတွက် ကျမတို့အားလုံး အတူတကွ အလုပ်လုပ်နိုင်တယ် ဆိုတာကို သိလာပါတယ်။ ကျမ အပေါ်မှာ ပြောခဲ့သလိုပါပဲ၊ ကျမ အိမ်ပြန်ရောက်နေသလို၊ ကျမရဲ့ မိသားစုဝင်တွေကို တွေ့ရဖို့ ပြန်လာရသလို ကျမ ခံစားခဲ့ရပါတယ်။ ကျမတို့တွေဟာ နိုင်ငံပေါင်းစုံ မိသားစုအဖြစ် မကပါဘူး။ ပြည်သူတွေပါဝင်တဲ့ မိသားစုကြီး တခုလည်း ဖြစ်ပါတယ်။ ပြည်သူ-ပြည်သူချင်း ဆက်ဆံရေးဟာ အရေးအကြီးဆုံး ဆက်ဆံရေး တခုပါပဲ။ မြန်မာနိုင်ငံအကြောင်း ကျမစဉ်းစားတဲ့ နေရာမှာ တိုင်းပြည် တခု မဖြစ်သာမက လူကြီးမင်းတို့လိုပဲ လူသားတွေ ပါဝင်တဲ့ မိသားစု တခုလို စဉ်းစားပါတယ်။ ကျမအနေနဲ့ လူကြီးမင်းတို့ကို သဘောထားစေလိုတာက ကျမတို့ဆီက လူငယ်တွေကို လူကြီးမင်းတို့ဆီက လူငယ်တွေ၊ လူကြီးမင်းတို့ဆီက ကလေးတွေလိုပဲ ခံယူ သဘောထားစေချင်ပါတယ်။ ဧပြီလ ကြားဖြတ်ရွေးကောက်ပွဲ မဲဆွယ်ကာလမှာ ကျမအနေနဲ့ နိုင်ငံအနှံ့က လူငယ်တွေနဲ့ တွေ့ဖို့ အခွင့်အလမ်း ရခဲ့ပါတယ်။ ကျမတို့ အနေနဲ့ ကျမတို့ နိုင်ငံမှာ နိုင်ငံရေးနိုးကြားမှု မြှင့်တင်ဖို့ ကြိုးစားခဲ့ကြပြီး ကျမတို့ လူငယ်တွေရဲ့ ကမ်ပိန်းအပေါ် အသိဉာဏ် မြင့်မားစွာ တုံ့ပြန်ပုံတွေက အံ့သြစရာ ကောင်းလှပါတယ်။ ပြီးတော့ ကျမ လူငယ်တွေအကြောင်း ပြောတဲ့အခါမှာ ကလေးငယ်တွေအကြောင်းက စပြောပါမယ်။ နေရာတော်တော်များများမှာ လမ်းလျှောက်တတ်ကာစ အရွယ် ကလေးငယ်လေးတွေဟာ ယိုင်တိယိုင်တိုင် ပြေးလွှားပြီး အလံလေးတွေ ဝှေ့ယမ်းပြီးတော့ သူတို့အနေနဲ့ ကျမတို့ကို ထောက်ခံကြောင်း ပြသခဲ့ကြတာကို ကျမတို့ တွေ့မြင်ခဲ့ကြပါတယ်။ ဒါဟာ အံ့သြစရာပါ။ ပြီးတော့ စကားသိပ်မကြွယ်သေးတဲ့ ကလေးလေးတွေဟာ ဒီမိုကရေစီတို့ လူ့အခွင့်ရေးတို့နဲ့ သက်ဆိုင်တဲ့ ကျမတို့ရဲ့ ဆောင်ပုဒ်လေးတွေကို ထပ်ခါတလဲလဲ ရွတ်ဆိုခဲ့ကြပါတယ်။ ကျမအနေနဲ့ အဲဒီ့ကလေးငယ်တွေဟာ စကားလုံးတိုင်းကို နားလည်သလား၊ နားမလည်ဘူးလားဆိုတာတော့ မသေချာပါဘူး။ ဒါပေမယ့် သူတို့ဆီမှာ နိုင်ငံရေးမှာ ပါဝင်လိုတဲ့ ခံစားချက်မျိုး ရှိနေတယ်လို့ ကျမ ထင်ပါတယ်။ သူတုိ့အနေနဲ့ သူတို့အတွက် အဓိပ္ပါယ်ပြည့်ဝတဲ့ အနာဂတ်ကို ဖော်ဆောင်ဖို့ တိုင်းပြည်ရဲ့ နိုင်ငံရေးမှာ ပါဝင်ရမယ်ဆိုတာကို ဘဝမှာ စောစောစီးစီး သင်ယူခဲ့ခြင်းပဲ ဖြစ်ပါတယ်။ အဲဒီ့အချက်ဟာ ကျမကို ရွေးကောက်ပွဲ ရလဒ်တွေ ထက်တောင် ပိုမိုပြီး ခွန်အားဖြစ်စေပြီး အလွန်ကျေနပ် အားရမိပါတယ်။ ကျမတို့ရဲ့ ပြည်သူတွေဟာ ကျမနဲ့တကွ ကျမရဲ့ ပါတီဝင်တွေ အပေါ်မှာ အားကိုးယုံကြည်ပြီး အလားအလာကောင်းတွေနဲ့ ပြည့်စုံပြီး တန်ဖိုးရှိတဲ့ လူမှုအဖွဲ့အစည်းတခုကို ဖန်တီးဖို့ ဆန္ဒရှိနေတယ် ဆိုတာကိုလည်း သိမြင်လိုက်ရပါတယ်။ ရင်းနှီးမြှုပ်နှံဖို့ အခွင့်အရေးတွေ လေ့လာကြည့်ရှုရုံ ၊ အလုပ်သမားရေးရာ ပြဿနာတွေကို စုံစမ်းရုံမျှ မဟုတ်ဘဲ ကျမတို့ နိုင်ငံမှာ ကမ္ဘာကြီးတခုလုံး ကောင်းကျိုးအတွက် ဘယ်လို အလားအလာတွေ ရှိနေတယ်ဆိုတာကို အကဲဖြတ်ဖို့ လူကြီးမင်းတို့ အားလုံး ကျမအနေနဲ့ မြန်မာနိုင်ငံကို လာရောက်ဖို့ ဖိတ်ခေါ်ချင်ပါတယ်။

ကျမ ခုနက ပြောခဲ့သလိုပါပဲ။ ကျမတို့ဆီက လူငယ်တွေမှာ အဲလို စိတ်ဓာတ်တွေ ရှိနေပါတယ်။ ဒါပေမယ့် သူတို့ဆီမှာ မရှိသေးတာကတော့ ပညာပါပဲ။ သူတို့တွေမှာ နိုင်ငံကို ကမ္ဘာမှာ ထိုက်တန်တဲ့နေရာ တနေရာ ရအောင် စွမ်းဆောင်ပေးဖို့ လိုအပ်တဲ့ အခြေခံပညာရေးတွေ မရှိသေးတာပါပဲ။ ကျမတို့ အနေနဲ့ ပညာရေး စနစ်ကို အဆင့်မြှင့်ဖို့ လိုအပ်ပါတယ်။ ကျမ ပြောခဲ့သလိုပါပဲ။ လုပ်ငန်းခွင် သင်တန်းကျောင်းတွေကို အလုပ်အကိုင် ဖန်တီးပေးမှုနဲ့ ချိတ်ဆက်ပေးဖို့ လိုအပ်ပါတယ်။

ကျမတို့ အနေနဲ့ လိုအပ်တဲ့ ရင်းနှီးမြှုပ်နှံသူတွေကတော့ ကျမတို့အတွက်ရော၊ သူတို့အတွက်ပါ တွေးမယ့် ရင်းနှီးမြှုပ်နှံသူမျိုးပါပဲ။ ရင်းနှီးမြှုပ်နှံသူတွေ အနေနဲ့ ကိုယ်ကျိုးလုံးဝမပါဘဲ လာပြီး ရင်းနှီးမြှုပ်နှံမှာ မဟုတ်ဘူးဆိုတာတော့ ကျမတို့ နားလည်ပါတယ်။ ရင်းနှီးမြှုပ်နှံမှုကနေလည်း သူတို့ တစုံတရာ ပြန်ရသင့်တယ်ဆိုတာလည်း ကျမတို့ လက်ခံပါတယ်။ ရင်းနှီးမြှုပ်နှံမှုဟာ အမြတ်ဆီကို ဦးတည်နေရမှာပါ။ ဒါပေမယ့် ကျမတို့ ဖြစ်ချင်တာက အဲဒီ အကျိုးအမြတ်တွေကို ရင်းနှီးမြှုပ်နှံသူရော ကျမတို့ နိုင်ငံသားတွေပါ မျှဝေခံစားချင်တာပါ။ နောက်ပြီးတော့ တကမ္ဘာလုံးမှာ ရှိတဲ့ ကျွမ်းကျင်မှုတွေ ကို မြန်မာနိုင်ငံက လူငယ်တွေ သင်ယူလေ့လာ ခွင့်ရစေမယ့် ရင်းနှီးမြှုပ်နှံမှုမျိုးတွေကိုလည်း ဖိတ်ခေါ်လိုပါတယ်။

ဒါကြောင့် လူကြီးမင်းတို့ အနေနဲ့ လူကြီးမင်းတို့ရဲ့ နိုင်ငံတွေကို ပြန်ရောက်တဲ့ အခါမှာ အစိုးရတွေ၊ စီးပွါးရေး လုပ်ငန်းတွေ၊ အလုပ်သမားတွေကို ပြောစေချင်တာက ကျမတို့နိုင်ငံရဲ့ အနာဂတ်ကို အာမခံနိုင်မယ့် လူမှုအဖွဲ့အစည်းမျိုး တည်ဆောက်ရာမှာ ကူညီစေချင်ပါတယ်ဆိုတဲ့ အကြောင်းပါပဲ။ အဲဒါကတော့ ကျမကို ဒီမိုကရေစီနဲ့ လူ့အခွင့်အရေးကို လိုလားတောင့်တနေတဲ့ ပြည်သူတွေရဲ့ ကိုယ်စားလှယ် တယောက်အဖြစ် နွေးထွေးစွာ ကြိုဆိုခဲ့ကြတဲ့ လူကြီးမင်းတို့အားလုံးကို ကျမ မေတ္တာရပ်ခံချင်တဲ့ အချက်ပါပဲ။ ကျမအနေနဲ့လည်း လူကြီးမင်းတို့ အကောင်းဆုံး အတတ်နိုင်ဆုံး ကူညီပေးလိမ့်မယ် ဆိုတာ ယုံကြည်နေပါတယ်။

နှစ် ၃ဝ ကြာပြီးမှ ကျမ ဂျီနီဗာကို ပြန်ရောက်လာတာပါ။ ကျမအနေနဲ့ ဂျီနီဗာကို အကျွမ်းဝင်သေးလား ဆိုတာ မသေချာပေမယ့် ကျမရဲ့ နှလုံးသားကတော့ ကျမတို့ဟာ… မြန်မာနိုင်ငံအတွက်သာမက တကမ္ဘာလုံးမှာပါ အနာဂတ်ကို ခြိမ်းခြောက်နေတဲ့ ပြဿနာတွေကို ဖြေရှင်းဖို့ ခဏခဏ တွေ့ဆုံနေရလိမ့်မယ်လို့ ခံစားမိပါတယ်။

နိဂုံးမချုပ်မီမှာ အဟောအပြော ကောင်းသူတွေရဲ့ ထုံးစံအတိုင်း ကျမ ပြင်ဆင်ထားတဲ့ စာသားတွေဆီကို အခု ပြန်သွားပါမယ်။

စီးပွါးရေး ပိတ်ဆို့ အရေးယူမှု ရတ်သိမ်းမှုတွေ ဒါမှမဟုတ် ဆိုင်းငံ့မှုတွေရယ်၊ General System of Preferences GSP [ကမ္ဘာ့ကုန်သွယ်ရေး အဖွဲ့ရဲ့ စည်းမျဉ်းတချို့ကနေ ကင်းလွတ်ခွင့် ရမည့်စနစ်] ကို ပြန်လည်ခံစားရမှာရယ် တွေကြောင့် ကျမတို့ နိုင်ငံဟာ စီးပွါးရေး ဖွံ့ဖြိုးမှုအတွက် တခါမှ မကြုံဖူးတဲ့ အခွင့်အလမ်းမျိုးကို ရရှိနိုင်မှာ ဖြစ်ပြီး အဲဒါဟာ ကျမတို့ နိုင်ငံအတွက် ငြိမ်းချမ်းရေးနဲ့ ကြွယ်ဝမှုကို ယူဆောင်လာပေးမယ့်… ဒီမိုကရေစီနဲ့ လိုက်လျောညီထွေ ရှိတဲ့ လူ့အခွင့်အရေး တိုးတက်မှုအတွက် အစိတ်အပိုင်းတခုအဖြစ် အကျိုးသက်ရောက် သင့်ပါတယ်။

ကျမအနေနဲ့ ILO နဲ့ တကွ ကျမ ခုလို တက်ရောက်ပြောကြားပြီး ကျမတို့ရဲ့ အားထုတ် ကြိုးပမ်းမှုတွေမှာ အလုပ်သမားတွေ၊ အလုပ်ရှင်တွေ၊ အစိုးရတွေ၊ နိုင်ငံတကာ စီးပွါးရေး အဖွဲ့အစည်းတွေ၊ နိုင်ငံတကာ အေဂျင်စီတွေနဲ့ အဖွဲ့အစည်းတွေကို ပါဝင်လာအောင် တိုက်တွန်းစည်းရုံးခွင့် ရတဲ့အတွက် ဒီကွန်ဖရင့် ဖြစ်မြောက်ရေး ဆောင်ရွက်သူတွေကိုလည်း ကျေးဇူးတင်ပါတယ်။

ကျမကို သတ္တိတွေနဲ့ ပြည့်နေတယ်လို့ လူတွေ ဘာကြောင့် ပြောနေကြသလဲဆိုတာ ကျမ နားမလည်နိုင်ပါဘူး။ ကျမ တော်တော်လေး စိတ်လှုပ်ရှားကြောက်ရွံ့နေတာပါ။ ကျေးဇူးတင်ပါတယ်။