မြန်မာအမျိုးသမီးများအတွက် စဉ်းစားရမယ့် အချိန်

လူတစ် ရပ်ကျော်မြင့်သော ဆိုင်းဘုတ်ကြီးတွင် စည်းကမ်းချက် ၁၅ ချက်ကို တရုတ်-မြန်မာနှစ် ဘာသာဖြင့် ရေးသားထားသည်။ စည်းကမ်းချက်၊ နံပါတ်၁၂ တွင် “အရပ်သားနှင့် ချစ်ရေး ကြိုက်ရေးပြုခြင်း၊ အတူနေထိုင်ခြင်း၊ လက်ထပ်ခြင်းမပြုရ”ဟူသောသတ်မှတ်ချက်ပါဝင်သည်။ ရခိုင်ပြည်နယ်၊
    ကျောက်ဖြူမြို့နယ်ရှိ မြဒေးကျွန်း၌ အခြေစိုက်ဆောင်ရွက်လျက်ရှိသောကျောက်ဖြူရေနက်ဆိပ်ကမ်းတွင် မြန်မာ-တရုတ်ရေ နံနှင့် သဘာဝဓာတ်ငွေ့ပိုက်လိုင်း စီမံကိန်းတည်ဆောက်ရေးလုပ်ငန်းခွင်မှ တရုတ်ဝန်ထမ်းများ လိုက်နာရန် ချမှတ်ထားသော စည်းကမ်းချက်ဖြစ်သည်။

    အထူးစီးပွားရေးဇုန်များ၊ ရေနက်ဆိပ်ကမ်းများ၊ နိုင်ငံခြား ရင်းနှီးမြှုပ်နှံမှုများ ပြည်တွင်းသို့ ၀င် ရောက်လာတော့မည် အချိန်တွင် နိုင်ငံခြားသား၊ လူမျိုးခြားများလည်း အလုံးအရင်းဖြင့်ရောက် ရှိလာတော့မည်ဖြစ်သည်။ မြန်မာ နိုင်ငံသားများအတွက် အလုပ်အကိုင် အခွင့်အလမ်းသစ်များ ပွင့် လန်းလာမည်ဖြစ်သလို လူမှုရေးဆိုင်ရာ ကူးလူးဆက်ဆံမှုများလည်း ကြုံတွေ့လာတော့မည် ဖြစ်သည်။

    အထူးသဖြင့် ဗုဒ္ဓဘာသာဝင် မြန်မာမိန်းကလေးများအနေဖြင့် နိုင်ငံခြားသား၊ လူမျိုးခြားများနှင့် လုပ်ငန်းသဘောအရသော်လည်း ကောင်း၊ လူမှုရေးအရသော် လည်းကောင်း ထိတွေ့ဆက်ဆံရာမှ ချစ်ကြိုက်ခြင်း၊ အတူနေထိုင်ခြင်း၊ လက်ထပ်ထိမ်းမြားခြင်း အခြေအနေသို့ ရောက်ရှိသွားပါက ဥပဒေအကြောင်းအရ ကာကွယ်ပိုင်ခွင့်၊ ရပိုင်ခွင့်များကို လေ့လာသိရှိထားသင့်ကြောင်း ဥပဒေ ပညာရှင်အချို့က ဆိုသည်။

    ၁၉၅၄ ခုနှစ် “ဗုဒ္ဓဘာသာ ၀င် မိန်းမများ အထူးထိမ်းမြားမှုနှင့် အမွေဆက်ခံမှုအက်ဥပဒေအရ” နိုင်ငံခြားသား၊ လူမျိုးခြားနှင့် လက်ထပ်မည့် မြန်မာနိုင်ငံ ဗုဒ္ဓဘာသာဝင်များအတွက် အခွင့်အရေးနှင့် ရပိုင်ခွင့်များကို သတ် မှတ်ပြဋ္ဌာန်းပေးထားသည်။

    ထို ဥပဒေနောက်ပိုင်း ယင်းနှင့်ပတ်သက်၍ ဥပဒေထပ်မံ ပြဋ္ဌာန်းခြင်း၊ ပြင်ဆင်ခြင်းပြုလုပ်ခြင်း မရှိပေ။ ထိုဥပဒေတွင် “တရား ဥပဒေကဲ့သို့ အာဏာရှိသော ဘာ သာရေးဓလေ့ထုံးစံ တစ်ခုခုကဖြစ်စေ၊ ထိုသို့သော ဘာသာရေး ဓလေ့ထုံးစံကို အကျိုးသက် ရောက်စေသည့် တရားဥပဒေတစ် ခုခုကဖြစ်စေ၊ ဗုဒ္ဓဘာသာဝင် မဟုတ်သည့် ယောက်ျားတစ်ဦးအား ဗုဒ္ဓဘာသာဝင် မိန်းမတစ်ဦးနှင့် လင်မယားအဖြစ် ပေါင်းဖက်နေခြင်းကို ခွင့်မပြုသည့်အကြောင်းကြောင့် ထိုယောက်ျားက ထိုမိန်းမကို ကွာရှင်းလိုလျှင် ကွာ ရှင်းနိုင်သည်။

    ထိုအကြောင်းကြောင့် ထို ယောက်ျားက ထိုမိန်းမကို ကွာရှင်းလျှင် သို့တည်းမဟုတ် စွန့်ခွာ လျှင် သို့တည်းမဟုတ် ကိုယ်ထိလက်ရောက် ညှဉ်းပန်းနှိပ်စက်ရာ ရောက်သည်ဖြစ်စေ၊ မရောက် သည်ဖြစ်စေ၊ ရက်စက်သည့် အပြု အမူအားဖြင့် စိတ်ဆင်းရဲအောင် ပြုလျှင် အဆိုပါ ဓလေ့ထုံးစံက သို့ တည်းမဟုတ် တရားဥပဒေက မည်သို့ပင်ဆိုစေကာမူ (က)ထို ယောက်ျားသည် နှစ်ဦးပိုင်ပစ္စည်းများမှ မိမိရထိုက်သော အစု
    ကို စွန့်လွှတ်ရမည်အပြင် ဗုဒ္ဓဘာသာဝင် မိန်းမအား လျော်ကြေးပေးရ
    မည်။
    (ခ)ဗုဒ္ဓဘာသာဝင် မိန်းမသည် သားသမီးအားလုံး ထိန်း သိမ်းခွင့်ကို ရရှိရမည်။ (ဂ)ထို့ပြင် ထိုသူသည် အရွယ်မရောက်သေးသည့် သားသမီးများအတွက် ကလေးစရိတ်ပေးရမည်”ဟု ပြဋ္ဌာန်းထားသည်။

    “မြန်မာနိုင်ငံမှာ ဒီနေ့ဖြစ် နေတာက ၁၉၅၄ ခုနှစ်၊ ဗုဒ္ဓဘာ သာဝင် မိန်းမများ ထိမ်းမြားမှု ဥပဒေအရ နိုင်ငံခြားသားနဲ့ လက်ထပ်ရင် မနစ်နာအောင်လို့ ဥပဒေ ပြဋ္ဌာန်းပြီးပြီ။ စီရင်ထုံးတွေလည်း ထွက်ထားပြီ။ ဒါပေမဲ့ နောက်ပိုင်း မှာကျတော့ သက်ဆိုင်ရာလူကြီးတွေက ဒီဥပဒေထုတ်ပြန်ထားတာရှိရဲ့သားနဲ့ ဒီဥပဒေကို မဖျက် သိမ်း၊ မပယ်ဖျက်ဘဲနဲ့ ညွှန်ကြားချက်တွေနဲ့ လက်မထပ်ရဘူးလို့ တားမြစ်ထားတယ်။ ဥပဒေအရ လက်ထပ်လို့ရတယ်။ လက်ထပ်ရင် ဒါတွေဆောင်ရွက်ဖို့ ပြဋ္ဌာန်း ထားတယ်။ နောက်တစ်ခါ ညွှန်ကြားချက်က ဥပဒေကို လွှမ်းမိုးနေတယ်။ ဒါတော့ မဖြစ်သင့်ဘူး။ ညွှန်ကြားချက်ကြီးကို ဖျက်သိမ်း
    သင့်ပါပြီ။ ဥပဒေအထက်မှာ ဘယ်သူမှ မရှိဘူးဆိုပြီး ဒါကြီးက ရှိနေတယ်။ မြန်မာမိန်းကလေးတွေအတွက် နစ်နာနေတယ်။ လက်ထပ်လို့ မရတဲ့အတွက် အလွယ်လိုက်သွားကြတယ်။ ကိုယ့်ဘာသာကို စွန့်လွှတ်သွားကြတယ်။ တခြားဘာသာကို ကူးပြောင်းသွား ကြတယ်။ နိုင်ငံခြား သားနဲ့ လက်မထပ်
    ရဘူးဆိုတဲ့ ညွှန်ကြားချက်ကြောင့် ခိုးကြောင် ခိုးဝှက်နဲ့ ဖြစ်သွားကြ တယ်။ မိန်းကလေးတွေရဲ့ အခွင့်အ
    လမ်းဆုံးရှုံးသလို လူမျိုးရေးပါ နစ်နာနေတယ်” ဟု စာရေးဆရာရှေ့နေ ဦးခင်ဇော်(မရမ်းကုန်း)က ပြော သည်။

    ၁၉၅၄ ခုနှစ် ဗုဒ္ဓဘာသာ ၀င် မိန်းမများ အထူးထိမ်းမြားမှုနှင့် အမွေဆက်ခံမှု အက်ဥပဒေအရ မြန်မာနိုင်ငံသားအမျိုးသမီးများကို နိုင်ငံခြားသားနှင့် ထိမ်း မြားလက်ထပ်သည့် ဥပဒေပြဋ္ဌာန်းထားသော်လည်း မြန်မာနိုင်ငံတော်တရားရုံးချုပ်၏ ၁၉၉၈ ခုနှစ် ဇူလိုင် ၁ ရက် နေ့စွဲပါ ညွှန်ကြား ချက်အမှတ် ၂/၉၈ နှင့် ပြည် ထောင်စုမြန်မာနိုင်ငံတော် ရှေ့နေချုပ်ရုံး ၁၉၉၈ ခုနှစ် ဇူလိုင် ၂ ရက် နေ့စွဲပါ စီမံခန့်ခွဲရေးဆိုင်ရာ ညွှန်ကြားလွှာအမှတ် ၁/၉၈ တို့ဖြင့် မြန်မာနိုင်ငံသား အမျိုးသမီးများကို မည်သည့်နိုင်ငံခြားသား နှင့် မျှ ထိမ်းမြားလက်ထပ်ပေးခြင်း မပြုလုပ်ရန် ဥပဒေအရာရှိ အဆင့်ဆင့်တို့ကို ညွှန်ကြားချက်များ ထုတ်
    ပြန်ထားခြင်းဖြစ်သည်။

    “ဒီညွှန်ကြားချက်တွေ ဖျက်သိမ်းသင့်တယ်။ ညွှန်ကြားချက်ကို တည်စေချင်ရင် ဥပဒေကို ဖျက်သိမ်းပြီး အသစ်ပြဋ္ဌာန်းပါ။ မြန်မာမိန်းကလေးတွေ မထိခိုက်၊ မနစ်နာ မဆုံးရှုံးရအောင် ကာကွယ်စောင့်ရှောက်တဲ့ ဥပဒေတွေပြဋ္ဌာန်းသင့်တယ်”ဟု ဦးခင်ဇော်က ဆို သည်။

    ညွှန်ကြားချက်အရ မြန်မာမိန်းကလေးများသည် နိုင်ငံခြားသား၊ လူမျိုးခြားနှင့် တရားဝင် ထိမ်းမြားလက်ထပ်ခွင့် မရှိသော ကြောင့် အိမ်ထောင်ဖက် အမျိုး သမီးတစ်ဦးအနေဖြင့် ရပိုင်ခွင့်၊ ခံစားပိုင်ခွင့်များ ဆုံးရှုံးနေမှုများရှိ နေသည်။ နိုင်ငံခြားသား၊ လူမျိုးခြားနှင့် လက်ထပ်ထိမ်းမြား အတူ နေထိုင်ပြီးနောက် လူမှုရေးပြဿ နာတစ်စုံတစ်ရာ ပေါ်ပေါက်၍ အိမ်ထောင်ဖက်အဖြစ်မှ စွန့်ခွာရန် စီစဉ်လာချိန်တွင် မြန်မာမိန်း ကလေးများ ထိခိုက်နစ်နာသော အခြေအနေများ ဖြစ်ပေါ်နေခြင်း ဖြစ်သည်။

    ထို့ကြောင့် ငွေကြေးအထောက်အပံ့ရရှိလိုသော ရည်ရွယ်ချက်ဖြင့်သော်လည်းကောင်း ချစ်ကြိုက်စုံမက်၍ သော်လည်းကောင်း၊ နိုင်ငံခြားသား၊ လူမျိုးခြားနှင့်ထိမ်းမြားလက်ထပ်ရန် ရည်မှန်းထားသော မိန်းကလေးများအနေ ဖြင့် မိမိအခွင့်အရေး ဆုံးရှုံးမှုများကိုသတိပြုသင့်ကြောင်း ကချင်ပြည်နယ်မှ ပြည်သူ့လွှတ်တော်ကိုယ် စားလှယ်ဒေါ်ဒွဲဘူကဆိုသည်။

    “သူတို့နိုင်ငံသားတွေက ဒီမှာခဏတဖြုတ် အလုပ်လာလုပ်တာလေ။ တချို့လည်းပါသွားတာ တွေ ရှိတာပေါ့။ အခုလည်း တရား ရုံးတွေမှာ နိုင်ငံခြားသားနဲ့လက် ထပ်ဖို့ ကန့်သတ်ထားတယ်ပေါ့ နော်။ ရင်းနှီးမြှုပ်နှံမှု ဥပဒေက လည်း ဒီကိစ္စတွေကို လွှမ်းမိုးမှာမဟုတ်ဘူး။ မြန်မာအမျိုးသမီးတွေ နိုင်ငံခြားသားနဲ့လက်ထပ်ပြီး ဒုက္ခရောက်သွားကြတာတွေ ရှိ တယ်။ အဲ့ဒါကြောင့် ကာကွယ်ဖို့ လုပ်ထားတာပါ။ အမျိုးသမီးတွေ အနေနဲ့ ငွေကြောင့်သော်လည်း ကောင်း၊ ချစ်ကြိုက်လို့သော်လည်းကောင်း၊ ယူမိရင်လည်း တရားဝင်မှာ မဟုတ်ဘူး။ အဲ့ဒီလိုတရားမ၀င် ဘဲနဲ့ သွားပြီးပတ်သက်တယ်ဆိုရင် သူတို့ရဲ့ အခွင့်အရေးတွေ အကုန်ဆုံးရှုံးမှာပဲ။ ဘာပဲပြောပြော အမျိုးသမီးတွေဘက်က သတိထား ရှောင်ရှားသင့်တယ်”ဟု ၎င်းက ပြောသည်။

    ဗုဒ္ဓဘာသာဝင် မြန်မာအမျိုးသားများအနေဖြင့် နိုင်ငံ ခြားသူနှင့် တရားဝင်လက်ထပ်ထိမ်းမြားခွင့် ရှိပြီး သီးခြားဥပဒေနှင့် ညွှန်ကြားချက်များ ထုတ်ပြန်ထားခြင်း မရှိပါ။လက်ရှိချိန်တွင် ကြုံတွေ့နေရသော အခြေအနေမှာ နိုင်ငံခြားသား၊ လူမျိုးခြားအချို့သည် မြန်မာ မိန်းကလေးများကို ထိမ်းမြားလက်ထပ်၍ ပြည်တွင်းရှိ စီးပွားရေးရင်း နှီးမြှုပ်နှံမှုလုပ်ငန်းများတွင် အမည် ခံလုပ်ငန်း လုပ်ကိုင်စေခြင်းများရှိ နေခြင်းဖြစ်သည်။ မြန်မာမိန်းက လေးများကို ငွေကြေးနှင့် အခြား ထောက်ပံ့မှုများပေးကာ အယုံ သွင်း၍ နာမည်ခံစီးပွားရေးများ လုပ်ကိုင်စေပြီး ၎င်းတို့က နောက်ကွယ်မှ ကြိုးကိုင်လှုပ်ရှားနေခြင်း ဖြစ်သည်။

    အတူ နေထိုင်ပေါင်းသင်းကာ စီးပွားရေးလုပ်ငန်းများကို နာမည်ခံလုပ်ကိုင်စေပြီးနောက် ၎င်းတို့လိုအပ်မှု မရှိတော့ချိန်တွင် မြန်မာမိန်းကလေးများကို နစ်နာကြေးပေး၍ စွန့်ခွာမှုများကို နိုင်ငံခြားသားများက ပြုလုပ်လေ့ရှိ ကြောင်း လူမှုရေးပြဿနာများကို တိုင်ပင်ဆွေးနွေးနေသော ဒေါက် တာယတြာဒေ၀ီကဆိုသည်။

    “အစ်မဆီကို လာတဲ့တစ်ယောက်ဆိုရင် ကုမ္ပဏီတစ်ခုမှာ စကားပြန်အနေနဲ့လုပ်ရင်း သူ ဌေးနဲ့ပတ်သက်လိုက်တယ်။ သူ့ကို FMI မှာ အိမ်ငှားထားတယ်။ ဒါပေမဲ့ သူကငှားထားတာကို မသိ ဘူး။ ၀ယ်ပေးထားတယ်ထင်နေ တယ်။ စီးပွားရေးလာလုပ်တာပြန်ရင် အကုန်လုံးပေးထားခဲ့မှာပေါ့။ နောက်ပြန်သွားပြီး မဆက်သွယ် တော့ဘူး။ ဟိုမှာကလည်း မယားကြီးရှိနေတယ်။ နောက်တော့ သူ က မလာဘဲ သူ့ညီကနေတစ်ဆင့် ကွာရှင်း စာချုပ်ရယ်၊ နစ်နာကြေး ကျပ်သိန်း ၇၀ ပေးတယ်။ လက် ထပ်စာချုပ် ချုပ်ထားပြီး အမည်ခံလုပ်ငန်းတွေ အများကြီးလုပ် ထားတာကိုး။ ကွာရှင်းစာချုပ်မှာ လက်မှတ်ထိုးပြီး ပစ္စည်းတွေနဲ့ ဘာ မှမဆိုင်ဘူးဆိုတာ လက်မှတ်ထိုး ရင် သိန်း ၇၀ ပေးမယ်ပေါ့။ သူ ကိုယ်တိုင်မလာဘူးနော်။ သူ့ညီနဲ့ ရှေ့နေကို လွှတ်လိုက်တာ။ အစ်မ ဆီကို ရောက်လာတဲ့အချိန်မှာ သူ ကဘာပြောလဲဆိုတော့ ကျွန်မ လက်မှတ်ထိုးပေးလိုက်ရတယ်တဲ့။ သူပြန်သွားပြီး ခြောက်လကြာတဲ့ အချိန်မှာ တစ်ပြားတစ်ချပ်မှ မ ပေးတဲ့အတွက် အိမ်ငှားကလည်း ဆင်းရတော့မယ်။ အိမ်ထပ်ငှားဖို့လည်း ပိုက်ဆံမရှိဘူး။ အကျပ် ရိုက်အောင် လုပ်ထားတာပေါ့။ အချိန်တန် သူတို့ပြန်တဲ့အခါထားသွားကြတာပဲ။ သူတို့နဲ့ မပတ်သက်တော့တဲ့ အချိန်ကျရင်တော့ ဘာမှတာဝန်မယူတော့ဘူး”ဟု ၎င်းကပြောသည်။ ထိုသို့ထားခဲ့သော လုပ်ငန်းရှင်မှာ တရုတ်နိုင်ငံသားဖြစ်သည်။

    နိုင်ငံရပ်ခြားနှင့် သွားလာ ဆက်ဆံရမှုမြင့်တက်လာခြင်းနှင့် အတူ ယဉ်ကျေးမှုများ ကူးလူးဆက်နွှယ်မှု ကြီးထွားလာခြင်းတို့ သည် ဗုဒ္ဓဘာသာဝင် မြန်မာမိန်း ကလေးများ၏ အိမ်ထောင်ဖက်ရွေးချယ်မှုကို သက်ရောက်မှုများ ဖြစ်ပေါ်နေသည်။ နိုင်ငံခြားသား၊ လူမျိုးခြားနှင့် လက်ထပ်မည့် မိန်း ကလေးများအနေဖြင့် ခေတ်စနစ် ဖြစ်ပေါ်နေမှု၊ ဥပဒေကြောင်း ဖြစ်တည်မှုတို့ကို သိရှိနေရမည်ဖြစ် သလို ယင်းမိန်းကလေးများအ တွက် နိုင်ငံတော်မှ ဥပဒေကြောင်း အရ ကာကွယ်ပေးထားခြင်း၊ မိဘအုပ်ထိန်းသူများ၏ ထိန်းသိမ်း စောင့်ရှောက်မှုနှင့် လူမှုအသိုင်းအ၀ိုင်း၏ ဂရုပြုစောင့်ကြည့်မှုများလည်း လိုအပ်နေသည်။

    “နိုင်ငံခြားသားနဲ့ လက်ထပ်ပေါင်းသင်းခြင်းအကြောင်းကို ပြောကြမယ်ဆိုရင် နိုင်ငံခြားသားဆိုတဲ့အနက် အဓိပ္ပာယ်ကို ဖွင့်ရမယ်။ ပြီးရင် လက်ထပ်ပေါင်းသင်းခြင်းကို ဖြစ်စေတဲ့ နောက်ကွယ်က အကြောင်းရင်းကို ခွဲခြမ်းစိတ် ဖြာရပါမယ်။ နိုင်ငံခြားသားဆိုရင် အများက မျက်နှာဖြူနဲ့ ခေါင်းရှည်ကိုပဲ မြင်ပါလိမ့်မယ်။ တကယ် တော့ နိုင်ငံခြားသားဆိုတာ ကိုယ့်မြန်မာနိုင်ငံသား မဟုတ်သူအားလုံးက နိုင်ငံခြားသားဖြစ်ပါတယ်။ မြန်မာနိုင်ငံမှာ ဘယ်လိုနိုင်ငံခြားသားက ပိုများပြီး ထပ်လာဖို့ရှိတဲ့ သူတွေထဲမှာလည်း ဘယ်လိုနိုင်ငံ ခြားသားက ပိုများနိုင်တယ်ဆိုတာ လူတိုင်းခန့်မှန်းနိုင်ပါတယ်။ အိမ် ထောင်တစ်ခုကို တည်ဆောက်တဲ့ အခါမှာ Motive (အကြောင်းရင်း) နှစ်မျိုးတော့ အနည်းဆုံးရှိမှာပေါ့။ တစ်မျိုးက ချစ်ခင်စုံမက်လို့ ဘ၀ချင်းပေါင်းစပ်ဖို့ ရည်ရွယ်ချက်နဲ့၊ နောက်တစ်မျိုးက စီးပွားရေးကြောင့် အားကိုးရှာတဲ့အနေနဲ့ ကိုယ့်ကို ထောက်ပံ့နိုင်တဲ့သူကို လက်ထပ်တာရှိနိုင်ပါတယ်။ အန်တီ့အနေနဲ့ကတော့ မြန်မာအမျိုး သမီးတွေ နိုင်ငံခြားသားနဲ့ လက်
    ထပ်ထိမ်းမြားမယ်ဆိုရင် မေတ္တာနဲ့အရင်းခံတာလား၊ တစ်ဘ၀လုံး အတွက် ပျော်ရွှင်မှုပေးနိုင်မလား ဆိုတာကို ထည့်သွင်းစဉ်းစားပြီးမှ ဆုံးဖြတ်ပါလို့ အကြံပေးချင်ပါတယ်” ဟု အငြိမ်းစားပါမောက္ခ တစ်ဦးဖြစ်သော ဒေါ်ရှယ်လီနန်းဟွမ်လိတ်ကဆိုသည်။

ရေးသားသူ- နေလင်းထွန်း
7Day News Journal