Business
7-Eleven စတိုးဆိုင်ကြီးများ မြန်မာတစ်နိုင်ငံလုံးတွင် ဖွင့်လှစ်ရန် ၈၀ ရာခိုင်နှုန်း သေချာ
By Pyi Myanmar 5 July, 2012 - 09:44
မြန်မာနိုင်ငံတွင် ပထမဆုံး ဖွင့်လှစ်မည့် 7-Eleven စတိုးဆိုင်ကြီးများ
အတွက် ဇေကမ္ဘာ ကုမ္ပဏီကို ကမ်းလှမ်းလိုက်ပြီးသည့်နောက် ဖွင့်လှစ်ရန် ၈၀
ရာခိုင်နှုန်း သေချာပြီ ဖြစ်ကြောင်း အဆိုပါကုမ္ပဏီ တာဝန်ရှိသူတစ်ဦးက
ပြောသည်။ ယင်း 7-Eleven စတိုးဆိုင်များကို မြန်မာတစ်နိုင်ငံလုံးရှိ
မြို့ကြီးများတွင် ဖွင့်လှစ်ရန် 7-Eleven စတိုးဆိုင်များ ဖွင့်လှစ်သော
ကုမ္ပဏီ အခြေစိုက်ရာ အမေရိကန်မှ ဇေကမ္ဘာ ကုမ္ပဏီသို့ ကမ်းလှမ်းပြီးသည့်နောက်
နှစ်ဦးနှစ်ဖက် တွေ့ဆုံဆွေးနွေးမှုများကို ဘန်ကောက်တွင် ပြုလုပ်ခဲ့ကြောင်း
သိရသည်။ “အခုတော့ ဆွေးနွေးမှုတွေ လုပ်ပြီးပြီ။ စတိုးဆိုင်တွေ ဖွင့်လှစ်ဖို့
၈၀ ရာခိုင်နှုန်းလောက် သေချာသလောက် ရှိပါပြီ။ ဒါပေမဲ့ ဒါတွေကို အများကြီး
လေ့လာ သုံးသပ်ရပါဦးမယ်” ဟု ယင်းကုမ္ပဏီ၏ တာဝန်ရှိသူက ပြောသည်။
7-Eleven စတိုးဆိုင်ကြီးများကို ကမ္ဘာ့ နိုင်ငံပေါင်း ၁၀၀ ကျော်တွင်
ဖွင့်လှစ်ထားကြောင်း၊ ယင်းကို တည်ထောင်သူမှာ ဂျပန်ကုမ္ပဏီဖြစ်ကြောင်း၊
အမေရိကန်တွင် အခြေစိုက်ရုံး ရှိကြောင်း သိရသည်။ 7-Eleven စတိုးဆိုင်များ
ဖွင့်လှစ်ရန် နေရာများကို ရှာကာ တစ်မြို့နယ်လျှင် အနည်းဆုံး
နှစ်ဆိုင်နှုန်းဖြင့် ဖွင့်လှစ်နိုင်ရန် စီစဉ်နေကြောင်း၊
မြန်မာတစ်နိုင်ငံလုံးရှိ မြို့ကြီးများတွင်လည်း ယင်းသို့
ဆောင်ရွက်မည်ဖြစ်ကြောင်း အဆိုပါ ကုမ္ပဏီ၏ တာဝန်ရှိသူက ပြည်မြန်မာဂျာနယ်အား
၂၆-၆-၂၀၁၂ ရက်က ပြောကြားခဲ့သည်။ 7-Eleven စတိုးဆိုင်များကို ၁၉၂၇ ခုနှစ်က
စတင် တည်ထောင်ခဲ့ပြီး လူသုံးကုန်၊ စားသောက်ကုန်များကို အဓိကထားကာ
ရောင်းချခြင်း ဖြစ်ကြောင်း၊ ယခုအခါ ကမ္ဘာတစ်ဝန်းလုံးတွင် ဆိုင်ပေါင်း
လေးသောင်းကျော် ရှိပြီဖြစ်ကြောင်း၊ စင်ကာပူနိုင်ငံရှိ 7-Eleven
ဆိုင်များတွင် မြန်မာလုပ်သားများ အများစု ရှိကြောင်း သိရှိရသည်။
မေငယ်
မေငယ်
No comments:
Post a Comment
လာကြည့်ခဲ့ ကြောင်းပြောခဲ့ ပါ - လေးစားစွာဖြင့် - လယ်ဝေးသား