ရခိုင်ပြည်နယ် စစ်တွေမြို့မှာ ပုဒ်မ-၁၄၄ ညမထွက်ရ အမိန့်ကို မနေ့ကစတင်ပြီး နောက်ထပ်
သက်တမ်း ၂ လ တိုးမြှင့်လိုက်တယ်လို့ ရခိုင် ပြည်နယ် အစိုးရတာဝန်ရှိသူတွေက
ပြောပါတယ်။
ပြီးခဲ့တဲ့ နှစ်ကတည်းက စစ်တွေမြို့မှာ ထုတ်ပြန်ထားခဲ့တဲ့ ည ၁၀
နာရီကနေ မနက် ၄ နာရီအထိ ညမထွက်ရ အမိန့်ကို အခြေအနေအရ ထပ်မံ သက်တမ်းတိုး
ထုတ်ပြန်တာဖြစ်ကြောင်း ရခိုင်ပြည်နယ်အစိုးရအဖွဲ့ သတင်း ထုတ်ပြန်ရေးနဲ့
မှတ်တမ်းပြုစုရေး ဆပ်ကော်မတီအတွင်းရေးမှူး ဦးဝင်းမြိုင်က RFA
ကိုပြောပါတယ်။"ဒီဥပဒေက မရုပ်သိမ်းဘူးရှိနေဆဲဆိုတာကို ပြည်သူတွေသိအောင်
သတိပေးရပါတယ်။ နှစ်လ တစ်ကြိမ် နှစ်လတစ်ကြိမ် ဒီဥပဒေက မရုပ်သိမ်းဘူး
ရှိနေတယ်ဆိုတာကို ပြန်ပြီးတော့ ကြေညာပါတယ်"
ဘူးသီးတောင်၊
မောင်တောမြို့နယ်တွေမှာလည်း ည ၁၀ နာရီကနေ မနက် ၄ နာရီအထိ ပုဒ်မ-၁၄၄
ညမထွက်ရအမိန့်ကို နောက်ထပ်သက်တမ်း ၂ လ ထပ်တိုးကြောင်း ပြီးခဲ့တဲ့ သြဂုတ်လ ၈ ရက်နေ့က
မြို့နယ်အုပ်ချုပ်ရေးမှူးတွေက မြို့အနှံ့ လော်စပီကာတွေနဲ့
လိုက်လံကြေငြာပေးခဲ့ပါတယ်။
ရခိုင်ပြည်နယ်အတွင်းမှာ
ပြီးခဲ့တဲ့နှစ်ကစတင်ဖြစ်ပွားခဲ့တဲ့ ပဋိပက္ခတွေကြောင့် မြို့နယ်ပေါင်း ၁၀ ခုကျော်မှာ
ပုဒ်မ-၁၄၄ ညမထွက်ရအမိန့်ကို ထုတ်ပြန်ခဲ့တာ ဖြစ်ပါတယ်။
RFA Burmese
No comments:
Post a Comment
လာကြည့်ခဲ့ ကြောင်းပြောခဲ့ ပါ - လေးစားစွာဖြင့် - လယ်ဝေးသား