15.02.2012 နေ့ဖတ်ရန်သတင်းများ

ဥရောပကို တရုတ်က ကူညီမယ်

ပြောတဲ့ အတိုင်း လုပ်မယ်လို့ တရုတ် ၀န်ကြီးချုပ် ဝမ်ကျားပေါင် ကဆို

ဥရောပ ရဲ့ကြွေးမြီ ပြဿနာ ကို ဖြေရှင်းဖို့ အတွက် တရုတ် နိုင်ငံက ပိုပြီး ကူညီဖို့ ဆန္ဒ ရှိကြောင်း ဘေကျင်း မြို့မှာ ရောက်ရှိ နေတဲ့ ဥရောပ ခေါင်းဆောင် တွေကို တရုတ် ခေါင်းဆောင် တွေက ပြောကြား လိုက်ပါတယ်။

ဒီအတော အတွင်း ဒီနှစ် ထဲမှာ တရုတ် နိုင်ငံရဲ့ ခေါင်းဆောင် သစ် ဖြစ်လာမယ် လို့ မျှော်လင့် ရတဲ့ တရုတ် ဒုတိယ သမ္မတ ဇီကျင်ပင်း ဟာ အမေရိကန် သမ္မတ အိုဘားမား နဲ့ အိမ်ဖြူတော် မှာ တွေ့ဆုံဖို့ ရှိနေ ပါတယ်။

ဘေဂျင်း မြို့တော်နဲ့ ဝါရှင်တန် မြို့တော် တို့မှာ ပြုလုပ်တဲ့ တရုတ် ခေါင်းဆောင် ပိုင်းနဲ့ ဥရောပ သမဂ္ဂနဲ့ အမေရိကန် ပြည်ထောင်စု တို့ ရဲ့ ဆွေးနွေးမှု တွေဟာ နိုင်ငံတကာ မှာ တရုတ်ဟာ အဓိက ကျတဲ့ အခန်း ကဏ္ဍ ကနေ ပါဝင် လာနေတာကို အမိအရ အသုံးချဖို့ ကြိုးပမ်း နေတာကို မီးမောင်း ထိုးပြနေ ပါတယ်။

လောလောဆယ် မှာတော့ ဥရောပ ဒေသမှာ စီးပွားရေး အကျပ် အတည်း ဆက်လက် ဖြစ်ပေါ် နေပြီး ကမ္ဘာ တဝန်း စီးပွားရေး ယိုင်နဲ့ နေချိန် မှာ စီးပွားရေး အပြန် အလှန် မှီခိုခြင်းက အရေး ကြီးဆုံး အနေ အထားမှာ ရှိနေ ပါတယ်။

ဥရောပနဲ့ အမေရိကန် နိုင်ငံ တို့ က တရုတ်ကို ဘဏ္ဍာရေး အထောက်အပံ့ ပေးဖို့ တောင်းဆိုနေချိန် မှာဘဲ အနောက် နိုင်ငံများရဲ့ စီးပွားရေး ကျဆင်း နေမှုက တရုတ် နိုင်ငံရဲ့ စီးပွားရေး ဖွံ့ဖြိုး တိုးတက်မှု အပေါ် ဘယ်လို ထိခိုက် နိုင်တယ် ဆိုတာ တရုတ် ဘက်က ချိန်ထိုး နေရ ပါတယ်။

အမေရိကန် နဲ့ တရုတ် ဆက်ဆံရေး ကို ကြည့်ရင် အခြခိုင် ပြီးသား အင်အားကြီး နိုင်ငံ တစ်နိုင်ငံနဲ့ တက်သစ်စ အင်အားကြီး နိုင်ငံတို့ ကြားမှာ မလွဲ မရှောင်သာ အဆင် မပြေတာတွေ ရှိလာနိုင်တဲ့ အတွက် ဘယ်လို အတူတကွ လက်တွဲ ဆောင်ရွက် သွားကြမယ် ဆိုတာ ကို လည်း ထည့်သွင်း စဉ်းစားဖို့ လိုပါတယ်။

တရုတ် နိုင်ငံက ဒေသတွင်းမှာ ပိုမို သြဇာ ရှိလာတာကို တုံ့ပြန်ဖို့ အမေရိကန်က အာရှ ပစိဖိတ် ဒေသကို ပိုမို အာရုံ စိုက်လာတာ ဖြစ်သလို အမေရိကန် ရဲ့ မဟာဗျူဟာ ချဲ့ထွင်မှု ကလည်း တရုတ် အစိုး ရကို စိတိမသက် မသာ ဖြစ်စေနိုင်ပါတယ်။

မကြာသေး ခင်က ဆီးရီးယား နဲ့ အီရန် အရေး တို့မှာ တရုတ် နိုင်ငံရဲ့ ဆောင်ရွက်ချက် တွေကို ကြည့်ရင် တရုတ် အနေနဲ့ သံတမန် ရေးရာ ကိစ္စ တွေမှာ ဘယ်လောက် အရေးပါ လာတယ် ဆိုတာကို ပြသနေတယ်လို့ ဘီဘီစီ သတင်းထောက်က ဆိုပါတယ်။

ဘာရိန်း ရဲနဲ့ ဆန္ဒပြသူ တွေ ထိပ်တိုက် ဖြစ်ခဲ့ဘာရိန်း မြို့တော်မှာ ဆန္ဒပြ

ဘာရိန်း နိုင်ငံမှာ ဆွန်နီ အုပ်ချုပ်သူ မိသားစု ကို ဆန့်ကျင် ဆန္ဒပြ ခဲ့ကြတဲ့ နှစ်ပတ်လည် အထိမ်း အမှတ် ကို အတိုက် အခံ တွေက ကျင်းပ နေစဉ်မှာ မြို့တော် မနားမား မှာ ရှိတဲ့ ဘဏ္ဍာရေး ရပ်ကွက် တခုကို အာဏာ ပိုင် တွေက ပိတ်ဆို့ ထားလိုက်ပြီး မြို့တော် အနောက်ပိုင်း နဲ့ ဆက်သွယ် ထားတဲ့ လမ်းကိုလည်း ပိတ်ထား လိုက်ပါတယ်။

ရဲတွေက ဆန္ဒပြ သူတွေ ကို ရော်ဘာ ကျည်ဆံ တွေ၊ မျက်ရည်ယို ဗုံးတွေ အပြင် လူတွေ ကို မလှုပ်နိုင် မရှားနိုင် ဖြစ်သွား စေတဲ့ ဗုံးတွေ ကိုပါ အသုံး ပြုပြီး ပစ်ခတ် ခဲ့ကြ ပါတယ်။ ဆန္ဒပြ သူတွေ ဖက်က လည်း ခဲတွေနဲ့ ပြန်ပြီး ပစ်ပေါက် ခဲ့ကြ ပါတယ်။

ဘာရိန်း မြို့တော် မနာမား မှာ မနှစ် တုန်းက ဆန္ဒပြ မှုတွေ အတွင်း လူတွေ အဓိက စုရုံး ခဲ့ကြတဲ့ ပုလဲ လမ်းဆုံ အဝိုင်း ဆီကို ချီတက် ဖို့ ဆန္ဒပြသူ တွေက ကြိုးပမ်း ခဲ့တာ ဖြစ် ပါတယ်။

ဘာရိန်း အဓိက အတိုက် အခံ ပါတီက ဆန္ဒပြ သူတွေကို ငြိမ်းငြိမ်း ချမ်းချမ်း ဆောင်ရွက် ကြဖို့ တိုက်တွန်း ထားပါတယ်။

ထိုင်းနိုင်ငံမှာ ဗုံးပေါက်ကွဲ

ပေါက်ကွဲမှုကို ထိုင်းရဲက စုံစမ်း စစ်ဆေးနေ

အီရန် နိုင်ငံသား လို့ ယူဆ ရသူ တဦးဟာ ဘန်ကောက်မြို့ မှာ ရဲကို ဗုံးနဲ့ ပစ်ပြီး တိုက်ခိုက်ဖို့ ကြိုးစားစဉ် ပေါက်ကွဲမှု ဖြစ်ပြီး သူ့ရဲ့ ခြေနှစ်ချောင်း ပြတ်သွား ခဲ့တယ်လို့ ထိုင်း ရဲတပ်ဖွဲ့ က ပြောပါတယ်။

ဘန်ကောက် မြို့လယ်ကောင် က စီးပွားရေး ရပ်ကွက် တခုမှာ ပေါက်ကွဲမှု သုံးခု ဖြစ်ခဲ့ ရာမှာ သူ အပါအဝင် စုစုပေါင်း လူငါးဦး ဒဏ်ရာ ရခဲ့တယ် လို့ ထိုင်း ရဲတပ်ဖွဲ့ ပြောခွင့် ရသူက ဆိုပါတယ်။

အီရန် နိုင်ငံသား သုံးဦး ငှားရမ်း နေထိုင် တယ်လို့ ယူဆ ရတဲ့ အိမ်တခု မှာ ပထမ ပေါက်ကွဲမှု ဖြစ်ခဲ့ တာပါ။

အဲဒီ အိမ်က နေ လူနှစ်ဦး ထွက်ပြေး သွားခဲ့ပြီး သူတို့ တားတာ ကို ရပ် မပေးတဲ့ တက္ကစီ ကားတစင်း ကိုလည်း ဗုံးနဲ့ ပစ်ပြီး တိုက်ခိုက် ခဲ့တယ် လို့ ရဲက ပြောပါတယ်။

ဘန်ကောက်မြို့ မှာ အကြမ်းဖက် တိုက်ခိုက်မှု တွေ ဖြစ်နိုင်တယ် လို့ အမေရိကန် သံရုံးက ပြီးခဲ့တဲ့ လတုန်းက သတိ ပေးချက် ထုတ်ပြန် ထားပါတယ်။

နောက်ပိုင်း မှာတော့ ဗုံး လုပ်နိုင်တဲ့ ဓါတု ပစ္စည်း တွေနဲ့ အတူ လက်ဘနွန် နိုင်ငံသား တဦးကို ထိုင်းရဲက ဖမ်းဆီး ခဲ့ပါတယ်။

ကချင် ငြိမ်းချမ်းရေး ဆွေးနွေးပွဲနဲ့ မငြိမ်းချမ်းသေးတဲ့ တိုက်ပွဲများ

ငြိမ်းချမ်းရေး ဆွေးနွေး နေပေမယ့် မငြိမ်းချမ်း မှုတွေကြောင့် ပြေးလွှားနေရတဲ့ ကချင် ဒုက္ခသည်တွေ

ဖေဖော်ဝါရီလ ၁၁ ရက်နေ့က ကချင်ပြည်နယ် ဝိုင်းမော်မြို့ ကန်ဒေါ်ယန်နယ်နဲ့ ရှမ်းပြည်မြောက်ပိုင်း ကွတ်ခိုင်မြို့နယ်အတွင်း လွယ်ကန် ဒေသတွေမှာ အစိုးရတပ်ဖွဲ့တွေနဲ့ ကချင် ကေအိုင်အေ တပ်ဖွဲ့တွေ တိုက်ပွဲ နှစ်ကြိမ်ဖြစ်ပွားခဲ့ပါတယ်။

ဇန်နဝါရီလ ၁၉ ရက် တရုတ်နိုင်ငံ ရွှေလီဘက် အခြမ်းမှာ ကေအိုင်အေနဲ့ အစိုးရ ကိုယ်စားလှယ်တွေ တွေ့ဆုံ ဆွေးနွေး ကြပြီးနောက် အခုဆိုရင် စုစုပေါင်း တိုက်ပွဲပေါင်း ၂၃ ကြိမ် အထိ ဖြစ်ပွားခဲ့ပါတယ်။

နောက်ဆုံး ဆွေးနွေးပွဲမှာ နှစ်ဘက် ဆွေးနွေးပြီးနောက် အချက် ၄ ချက် ပါတဲ့ ကြေညာချက်ကို ထုတ်ပြန်ခဲ့ရာမှာ စစ်ရေး အရှိန်များကို ထိန်းသိမ်းသွားဖို့ နှစ်ဘက် ညှိနှိုင်း ဆောင်ရွက် သွားမယ်လို့ ဆိုပေမဲ့ တိုက်ပွဲတွေ ယုတ်လျော့မသွားဘဲ ဆက်လက် ဖြစ်ပွားနေခဲ့ပါတယ်။

နောက်တကြိမ် နှစ်ဘက် တွေ့ဆုံ ညှိနှိုင်းဖို့ကို ဒီရက်တွေ အတွင်းမှာ တွေ့ဆုံဖို့ ရည်ရွယ်ထားပေမဲ့ နေရာညှိနှိုင်းလို့ မရသေးတဲ့ အတွက် မတွေ့ဆုံနိုင် ကြသေးဘူးလို့ သိရပါတယ်။

ရုရှားနဲ့ တရုတ် ဗီတိုက ဆန္ဒပြသူတွေ ချေမှုန်းဖို့ အားပေးသလိုဖြစ်

တရုတ်နဲ့ ရုရှား ဗီတို အပေါ် တုန့်ပြန်နေတဲ့ လူ့အခွင့်အရေး မင်းကြီး နာဗီပီလေး

ကုလသမဂ္ဂ လုံခြုံရေး ကောင်စီမှာ ဆီးရီးယား အစိုးရ အပေါ် အရေးယူဖို့ အဆိုပြုလွှာ မူကြမ်းကို မကြာသေးခင်က ရုရှားနဲ့ တရုတ်တို့က ဗီတိုသုံး ပယ်ချမှုဟာ သမ္မတ အာဆက် အစိုးရ အနေနဲ့ ဟော်မစ်မြို့မှာ အရပ်သားတွေကို အဆင်အခြင်မဲ့ အကြမ်းဖက် နှိမ်နင်းမှုကို တွန်းအားပေးသလို ဖြစ်နေတယ်လို့ ကုလသမဂ္ဂ လူ့အခွင့်အရေး ဆိုင်ရာ အကြီးအကဲ နာဗီ ပီလေးက ပြောကြားလိုက်ပါတယ်။

ဆီးရီးယား အစိုးရဟာ အတိုက်အခံ အင်အားစု တွေကို အစွမ်းကုန် တိုက်ခိုက် ချေမှုန်းနေတယ်လို့ ကုလသမဂ္ဂ အထွေထွေ ညီလာခံရဲ့ အထူး ဆွေးနွေးပွဲ တရပ်မှာ မစ္စ ပီလေးက ပြောလိုက်ပါတယ်။

ဒါ့အပြင် လူသား မျိုးနွယ်စု အပေါ် ကျူးလွန်တဲ့ ရာဇဝတ်မှုနဲ့ ဆီးရီးယား အစိုးရကို နိုင်ငံတကာ ရာဇဝတ် တရားရုံးက စီရင်ပေးဖို့ မစ္စပီလေးက ပန်ကြား လိုက်ပါတယ်။

မစ္စ ပီလေးရဲ့ ပြောကြားချက်က လက်လွတ်စံပယ် ဝေဖန်မှုလို့ ကုလသမဂ္ဂ ဆိုင်ရာ ဆီးရီးယား သံတမန်က ပြောပါတယ်။

သံရုံးကားတွေ ဗုံးကွဲမှု အစ္စရေးက အီရန်ကို စွပ်စွဲ

ဗုံးကွဲမှုနဲ့ ပတ်သက်လို့ အီရန်ကို စွပ်စွဲတဲ့ အစ္စရေး ဝန်ကြီးချုပ် Benjamin Netanyahu

အိန္ဒိယနဲ့ ဂျော်ဂျီယာ နိုင်ငံတွေမှာ ရှိတဲ့ အစ္စရေး သံရုံးပိုင် ကားတွေကို တချိန်တည်း ဆိုသလို ပစ်မှတ်ထား ဖောက်ခွဲ တိုက်ခိုက်မှု ဖြစ်ပွား ခဲ့ပါတယ်။

ဒေလီမြို့က လုံခြုံရေး တင်းတင်းကျပ်ကျပ် ချထားတဲ့ နေရာက ကားဗုံးထောင် ဖောက်ခွဲမှုမှာတော့ အစ္စရေး သံအရာရှိ ၊ သူ့ ကားမောင်းသမားနဲ့ အနီးက ဖြတ်သွားဖြတ်လာ နှစ်ယောက်တို့ သေဆုံး သွားပါတယ်။

အဲဒီကားကို ဗုံးထောင်ခဲ့သူလို့ ယူဆရတဲ့ မော်တော်ဆိုင်ကယ် သမားတယောက်ကို အိန္ဒိယ အာဏာပိုင်တွေက အခုတော့ ရှာဖွေ နေပါတယ်။

နောက်ဖြစ်ရပ် တခု ဖြစ်တဲ့ ဂျော်ဂျီယာ နိုင်ငံ Tbilisi မြို့မှာတော့ အစ္စရေး သံရုံးပိုင်ကားကို ဗုံးထောင် ခဲ့ပေမယ့် ပေါက်ကွဲမှု မဖြစ်ခဲ့ဘူး လို့ အာဏာပိုင်တွေက ပြောပါတယ်။

ဒီတိုက်ခိုက် မှုတွေနဲ့ ပတ်သက်လို့ အီရန်နဲ့ လက်ဘနွန်က ဟစ်ဇဘိုလာ အုပ်စုတွေရဲ့ လက်ချက်လို့ အစ္စရေး ဝန်ကြီးချုပ် Benjamin Netanyahu က စွပ်စွဲ ထားပေမယ့် ဒီစွဲဆိုချက်တွေကို အီရန်က ငြင်းပယ် ခဲ့ပါတယ်။

ချမ်းသာသူတွေကို အခွန် တိုးကောက်မယ့် အိုဘားမား

အမေရိကန် ပြည်ထောင်စုမှာ အစိုးရ အသုံးစရိတ် ဆိုင်ရာ အဆိုပြုချက်ကို သမ္မတ အိုဘားမားက ချပြခဲ့ပြီး ဒီဘတ်ဂျတ်က လာမယ့် နိုဝင်ဘာ သမ္မတ ရွေးကောက်ပွဲ ကျရင် တင်ပြမယ့် သူ့ရဲ့ စီးပွားရေး ဆိုင်ရာ လုပ်ဆောင်ချက် အခြေခံတွေလို့ ယူဆရပါတယ်။

အဲဒီထဲမှာ ချမ်းသာတဲ့ သူတွေကို အခွန်တိုးကောက်ပြီး လုပ်ငန်း အဖွဲ့အစည်း ကြီးတွေရဲ့ အခွန်ရှောင်မှုတွေကို ထိန်းချုပ်မယ့် အစီအစဉ်တွေ ပါဝင်ပါတယ်။

ဒီအစီအစဉ်တွေဟာ ငွေကုန်ကြေးကျ များတဲ့ အစိုးရရဲ့ ကျန်းမာရေး စောင့်ရှောက်မှု အစီအစဉ်တွေ အောက်မှာ စီးပွားရေး တိုးတက်မှုကို အနည်းအကျဉ်းသာ ဆောင်ကျဉ်း နိုင်မှာ ဖြစ်တယ်လို့ မစ္စတာ အိုဘားမားရဲ့ အတိုက်အခံ ရီပါတ်ဘလစ်ကန် တွေက တိုက်ခိုက် ဝေဖန်ခဲ့ပါတယ်။

သတင်းထောက် တွေကတော့ အခု လာမယ့် အမေရိကန် သမ္မတ ရွေးကောက်ပွဲ မဲဆွယ် စည်းရုံးမှုတွေမှာ ဘတ်ဂျတ် ဆိုင်ရာ ပြောဆို တိုက်ခိုက်မှု တွေဟာ အရေးပါတဲ့ အခန်းကဏ္ဍမှာ ရှိလိမ့်မယ်လို့ ဆိုပါတယ်။

မော်တာ ရိုလာကို ဂူဂယ် ဝယ်ခွင့်ရသွားပြီ

မော်တာရိုလာကို ဝယ်ဖို့ သဘောတူချက် ရသွားတဲ့ ဂူဂယ်

အမေရိကန် ပြည်ထောင်စုမှာ ကယ်လီဖိုးနီးယား ပြည်နယ် အခြေစိုက်တဲ့ အင်တာနက် ဝန်ဆောင်မှု ပေးနေတဲ့ ဂူဂယ် ကုမ္ပဏီက မိုဘိုင်းဖုန်း ထုတ်လုပ်တဲ့ Motorola Mobility ကို ဝယ်ယူဖို့ကို သက်ဆိုင်ရာက ခွင့်ပြုချက် ပေးလိုက်ပါပြီ။

ဒေါ်လာ ဆယ့်နှစ် ဘီလီယံခွဲ တန်တဲ့ ဒီ အပြိုင်အဆိုင် အရောင်းအဝယ် ကိစ္စက ဈေးကွက်ကို လက်ဝါးကြီး အုပ်မယ့် အခြေအနေ ရောက်စေမှာ မဟုတ်ဘူးလို့ အမေရိကန် တရားရေး ဌာနက ပြောပါတယ်။

ဒီကိစ္စကို ဥရောပ သမဂ္ဂကလည်း သဘောတူခဲ့ပေမယ့် ဂူဂယ်နဲ့ တရုတ် အာဏာပိုင် တွေကြား ဆက်ဆံရေး တင်းမာနေတာကြောင့် တရုတ်ရဲ့ လက်ခံမှု ရဖို့ သိတ် မသေချာဘူးလို့ သတင်းထောက်တွေ ပြောပါတယ်။

လယ်သိမ်းခံ မိသားစု ခြိမ်းခြောက်နှောက်ယှက်ခံရ

ဒဂုံ အရှေ့ ပိုင်းမြို့နယ်၊ ထောင်တလုပ် ကျေးရွာက လယ်သမား မိသား တစ်စုကို စိုက်ပျိုး မွေးမြူရေး ကုမ္ပဏီတစ်ခုက လာရောက် နှောက်ယှက် ခြိုးခြောက်မှု လုပ်ခဲ့တယ်လို့ လယ်သမား မိသားစုက ပြောပါတယ်။

ဖေဖော်ဝါရီလ ၁၁ ရက်နေ့က ဆင်းရွှေလီ ကုမ္ပဏီ ဘက်ကနေ ဦးဆောင်တဲ့ လူ ၈၀ လောက် အဖွဲ့ဟာ လယ်သမား မိသားစု နေထိုင်ရာ လယ်တဲဆီကို လာရောက်ပြီး မိသားစု ဝင်တွေကို ခြေထောက်နဲ့ ကန် ကြောက်တာ၊ ဓားနဲ့ ချိန်ရွယ်တာတွေ လုပ်ခဲ့တယ်လို့ လယ်သမား ဦးတင်အေးက ပြောပါတယ်။

ဒီကုမ္ပဏီ အပါအဝင် ကုမ္ပဏီတချို့ဟာ ပြီးခဲ့တဲ့ ၃ နှစ်လောက်က လယ်သမားတွေနဲ့ အကျိုးတူ လုပ်ဖို့ အစိုးရက ခွင့်ပြုထားပေမယ့် နောက်ပိုင်း လယ်တွေ သိမ်းယူခဲ့ တယ်ဆိုပြီး လယ်သမား တွေက စွပ်စွဲကာ တိုင်တန်းမှုတွေ လုပ်ခဲ့ကြပါတယ်။

နောက်ပြီး အခုလို ခြိမ်းခြောက်မှု လုပ်တဲ့ ဖြစ်ရပ် မတိုင်ခင်နေ့က လယ်ယာမြေ ပြန်လည် ရရှိရေးအတွက်ဆိုပြီး ရှေ့နေ ဦးဖိုးဖြူ ဦးဆောင်ကာ လယ်သမားတွေ အစည်း အဝေး လုပ်ခဲ့ကြပါတယ်။ အဲဒီမြို့နယ်က လယ်သိမ်းခံ လယ်သမား စုစုပေါင်း ၆၀၀ လောက်ထဲက အများအပြား တက်ရောက် ခဲ့ကြပါတယ်။

ဦးတင်အေးဟာ ထောင်တလုပ်ကျေးရွာက လယ်သိမ်းခံ လယ်သမားတွေရဲ့ ခေါင်းဆောင် အဖြစ် ဆောင်ရွက်နေတဲ့အတွက် ကုမ္ပဏီဘက်က မကျေမနပ်ဖြစ်ပြီး အခုလို လာရောက် နှောက်ယှက်တာ ဖြစ်နိုင်တယ်လို့လည်း ဦးတင်အေးက ပြောပါတယ်။

ခြိမ်းခြောက်မှုတွေအပေါ် သက်ဆိုင်ရာ ရဲစခန်းကိုလည်း တိုင်ကြားထားပြီး အာဏာပိုင် အဖွဲ့အစည်း အဆင့်ဆင့်ကို တိုင်ကြားဖို့ ရှိတယ်လို့လည်း ဦးတင်အေးက ပြောပါတယ်။ 

ဥရောပ သမဂ္ဂ ရဲ့ ဖွံ့ဖြိုးရေး ဆိုင်ရာ ကော်မရှင် မင်းကြီးဥရောပ သမဂ္ဂ နဲ့ မြန်မာအပေါ် အရေးယူ ဆောင်ရွက်မှု

ဥရောပ သမဂ္ဂ ရဲ့ ဖွံ့ဖြိုးရေး ဆိုင်ရာ ကော်မရှင်နာ မင်းကြီး အွန်ဒရေ ပီးဘော့က်စ က မြန်မာနိုင်ငံ ကို ချမှတ် ထားတဲ့ အီးယူ ရဲ့ ဆန်ရှင် အရေးယူမှု တွေ ကို ရုပ်သိမ်း လိုတဲ့ သဘော ပြော ပါတယ်။

မြန်မာနိုင်ငံမှာ ရောက်ရှိနေပြီး မြန်မာ အစိုးရ သမ္မ တ နဲ့ ပြည်သူ့လွှတ်တော် ဥက္ကဌ တို့ ကို တနင်္လာနေ့ က တွေ့ဆုံခဲ့တဲ့ အီးယူ ဖွံ့ဖြိုးရေး ဆိုင်ရာ ကော်မရှင်နာ မင်းကြီး မစ္စတာ ပီးဘော့က်စ် က မြန်မာ အပေါ် ဆန်ရှင် ရုပ်ဖို့ ဆန္ဒရှိနေပြီ လား ဆိုတဲ့ ဘီဘီစီရဲ့ အမေး ကို သူ့ အနေနဲ့ ဆန္ဒ ရှိနေပြီ ဖြစ်တဲ့အကြောင်း နဲ့ ဆန်ရှင် ဟာ ထိရောက်ပြီး အားပါတဲ့ အရာဖြစ်တယ်၊ ဆန်ရှင် ချမှတ် ဖို့ လွယ်ကူ ခဲ့ပေမယ့် ဆန်ရှင် ဖြုတ်ပေးဖို့ အတွက် လက်တွေ့မှာ တော့ မေးခွန်းများ စွာ ကို ဖြေရမှာ၊ လူအတော် များများ ကို ညှိနှိုင်းဆောင်ရွက် ရမှာ တွေ ရှိတယ်၊ ဒီတော့ လွယ်လွယ်ကူကူ တော့ ဖြစ်လာဦးမှာ မဟုတ်ဘူး လို့ သူ က ဖြေပါတယ်။

မြန်မာနိုင်ငံ ရဲ့ ပြောင်းလဲနေတဲ့ အခြေအနေ တွေ ကို ကိုယ်တိုင် လာရောက်ဆန်းစစ် ခဲ့တဲ့ သူ က အသွင်ကူးပြောင်း လာတာ တွေ က အလိုအလျောက် ဖြစ်လာတာ မဟုတ် ကြောင်း လူတိုင်း က ပြောကြပါတယ်၊ ပြောင်းလဲမှု အတွက်လျှောက်ရမယ့် လမ်းကြောင်း က ရှည်ပါမယ်၊ အချိန် လည်း အတော်ယူ ရပါလိမ့်မယ်၊ တချိန်တည်းမှာပဲ ပြုပြင်ပြောင်းလဲမှု လုပ်ရ တာ ဟာ ခက်ခဲ ပါတယ်။ ဒါကြောင့်မို့ အခုလို အချိန်မှာ ထိပ်တန်း ကနေ ပြုပြင် ပြောင်းလဲ ရေးတွေ လုပ်ဆောင် နေတဲ့ မြန်မာ သမ္မတ နဲ့ ပြည်သူ့လွှတ်တော် ဥက္ကဌ တို့ လို လူမျိုး တွေ ကို အားပေးဖို့လည်း လို နေ ပါတယ် လို့ ဥရောပသမဂ္ဂ ရဲ့ ဖွံ့ဖြိုးရေး ဆိုင်ရာ ကော်မရှင်နာ မင်းကြီး က ပြောပါတယ်။

ဥရောပ သမဂ္ဂ ရဲ့ အခြေအနေ က လာမယ့် ကြားဖြတ်ရွေးကောက်ပွဲ ကို စောင့်ကြည့် အကဲဖြတ် စရာ အဖြစ်အပျက် တခု အဖြစ် စောင့်ကြည့် နေကြတာပါ။

တကယ်လို့သာ လာမယ့် ကြားဖြတ်ရွေးကောက်ပွဲ ဟာ လွတ်လပ်ပြီး တရားမျှတ ပါတယ် လို့ သတ်မှတ် ခံ ရမယ် ဆိုရင်တော့ ဥရောပ သမဂ္ဂ က မြန်မာပြည် အစိုးရ အတွက် ဆုလာဘ် တွေ ပေးလာမယ့် အချိန်က သိပ်မဝေး တော့ဘူး လို့ ဆိုရမှာ ပါ။

 ရွေးကောက်ပွဲ မျှတရင် ပိတ်ဆို့မှု ရုပ်သိမ်းရေး စဉ်းစားသင့်

ဂျာမဏီနိုင်ငံ စီးပွားရေးနဲ့ ဖွံ့ဖြိုးရေး ဝန်ကြီးဌာန ဝန်ကြီး ဒတ်ခ် နီးဘဲလ်နဲ့ မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်တို့ မနေ့ က ရန်ကုန်မြို့ ဒေါ်စုရဲ့နေအိမ်မှာ ဆွေးနွေး စကားပြောကြပြီးနောက် သတင်းစာ ရှင်းလင်းပွဲ တခု ပြုလုပ်ခဲ့ပါတယ်။

ဒီရှင်းလင်းပွဲမှာ မြန်မာနိုင်ငံရဲ့ အနာဂတ်ကံကြမ္မာအတွက် အတိုင်းအတာတခု အထိ အရေးပါတဲ့ ဥရောပရဲ့ စီးပွားရေးပိတ်ဆို့မှု ရင်းနှီးမြုပ်နှံမှုတွေ အကြောင်းတွေကို ပြောဆိုခဲ့ပါတယ်။

မြန်မာနိုင်ငံအပေါ် ဥရောပသမဂ္ဂရဲ့ ပိတ်ဆို့ အရေးယူမှုတွေကို ရွေးကောက်ပွဲ ကို လွတ်လပ်ပြီးတရားမျှတတဲ့ ရွေးကောက်ပွဲ အဖြစ်ကျင်းပပြီးရင် ရုပ်သိမ်းဖို့ စဉ်းစားသင့်တယ်လို့ ဒေါ်အောင်ဆန်းစုကြည်က ပြောပါတယ်။

ဒီပြောဆိုချက်ဟာ အမေရိကန်ဘက်က ပြောဆိုမှုနဲ့လည်း တထပ်တည်းကျပါတယ်။ မြန်မာအစိုးရဘက်ကလည်း ဒီသဘောထားကို နှစ်သက်ကြိုဆိုမယ်လို့ ယူဆဖွယ်ရှိပါတယ်။ ဥရောပသမဂ္ဂဘက်ကလည်း ဟန်ချက်ညီညီ ပြောဆိုတုန့်ပြန်သွားတာကို တွေ့ရပါတယ်။ ဂျာမနီဝန်ကြီး ဒတ်ခ် နီးဘဲလ်က ရွေးကောက်ပွဲရဲ့ တရားမျှတမှု၊ နိုင်ငံရေး အကျဉ်းသားတွေ လွှတ်ပေးမပေး၊ အမျိုးသား ပြန်လည်သင့်မြတ်ရေး ဆွေးနွေးမှုတွေ လုပ်မလုပ် ဆိုတဲ့ အချက်တွေနဲ့ တိုင်းတာမယ်လို့ ဆိုပါတယ်။

ဒါပေမဲ့ မြန်မာနိုင်ငံမှာ ရင်းနှီးမြုပ်နှံသူတွေ အနေနဲ့ လာရောက်ရင်းနှီးမြုပ်နှံဖို့ အတွက် လုံခြုံစိတ်ချရတဲ့ အနေအထားမရှိသေးဘူးလို့တော့ ဒေါ်အောင်ဆန်းစုကြည်က ထောက်ပြ ပြောဆိုပါတယ်။

ဒါ့အပြင် တရားစီရင်ရေး လွတ်လပ် မျှတမှု ရှိဖို့ကိုလည်း ဒေါ်အောင်ဆန်းစုကြည်က ပြောပါတယ်။

မြန်မာနိုင်ငံရဲ့ ပြဿနာတွေထဲမှာ တရားစီရင်ရေး လွတ်လပ် မျှတမှု မရှိတာဟာ အဓိကပြဿနာတခုလို့ NLD က တစိုက်မတ်မတ် ပြောဆိုလာခဲ့တာလည်း ဖြစ်ပါတယ်။ ဒါပေမဲ့ နှစ်ပေါင်းမြောက်များစွာ ပြည်သူတွေရဲ့ ယုံကြည်ကိုးစားမှု နည်းပါးခဲ့တဲ့ တရားစီရင်ရေးစနစ်ကို ဘယ်နည်း ဘယ်ပုံ ပြုပြင်ကြမယ်ဆိုတဲ့ အဆိုပြုချက်မျိုးကိုတော့ အာဏာရ အစိုးရဘက်ကရော အတိုက်အခံဘက်ကရော တင်ပြလာတာမျိုးတော့ မရှိသေးပါဘူး။

လူ့အခွင့်အရေးကိစ္စဆွေးနွေးဖို့ တရုတ်အဆင်သင့်ရှိ

By ဗွီအိုအေ (မြန်မာဌာန)

တရုတ်နိုင်ငံအနေနဲ့ လူ့အခွင့်အရေးဆိုင်ရာတွေမှာ ပွင့်ပွင့်လင်းလင်းပြောဆိုဖို့ အသင့်ဖြစ်နေသလို စီးပွားရေးပြဿနာတွေအတွက် ပူးပေါင်းဆောင်ရွက်ဖို့ ကတိတွေအတွက်လည်း အသင့်ဖြစ်နေပြီလို့ အမေရိကန်မှာရောက်နေတဲ့ တရုတ် ဒုသမ္မတ ရှီကျင်းပင်က အမေရိကန်ခေါင်းဆောင်တွေကို ပြောလိုက်ပါတယ်။

အမေရိကန်သမ္မတ ဘရက်က် အိုဘားမားနဲ့ ဒုသမ္မတ ဂျိုးဘိုင်ဒန်တို့နဲ့ သမ္မတအိမ်ဖြူတော်မှာ အင်္ဂါနေ့က တွေ့တဲ့အချိန်မှာ မစ္စတာရှီကျင်းပင်က အခုလို ပြောလိုက်တာပါ။ တရုတ်နိုင်ငံက ပြုပြင်ပြောင်းလဲရေးတွေနဲ့အတူ တခါးဖွင့်ဝါဒကျင့်သုံးလာခဲ့ချိန်က စပြီး လူ့အခွင့်အရေး ချိုးဖောက်မှုဆိုင်ရာမှာ လွန်ခဲ့တဲ့ နှစ်ပေါင်း ၃၀ ကျော်ကထက် ပိုကောင်းလာခဲ့ပြီး သိသိသာသာ အသိအမှတ်ပြုတာ ခံခဲ့ရတယ်လို့လည်း ဆိုပါတယ်။

တရုတ်နိုင်ငံက လူဦးရေ အဆမတန်များတဲ့အပြင် ဒေသဆိုင်ရာဖွံ့ဖြိုးမှုမညီမျှတဲ့အတွက် လူ့အခွင့်အရေးတိုးတက်ဖို့နဲ့ တရုတ်လူထုရှင်သန်ရပ်တည်ရေး တိုးတက်မြင့်မားအောင် လုပ်ရာမှာ စိန်ခေါ်မှု အများအပြားကို ရင်ဆိုင်နေရပေမယ့် တရုတ်ပြည်သူတွေရဲ့ လိုအပ်ချက်ကို အစိုးရက ဦးစားပေး ဖြေရှင်းနေပါတယ် လို့လည်း ပြောပါတယ်။

စီးပွားရေးဆိုင်ရာ ပြဿနာတွေနဲ့ ပတ်သက်ပြီး ကုန်သွယ်ရေးနဲ့ ရင်းနှီးမြှုပ်နှံမှုကို ညီမျှအောင် နှစ်နိုင်ငံလုံးက လုပ်သင့်တယ်လို့ နိုင်ငံခြားရေးဝန်ကြီးဌာန နေ့လည်စာ စားပွဲမှာ တရုတ် ဒုသမ္မတက ပြောကြားခဲ့ပါတယ်။ ဒါ့အပြင် နှစ်နိုင်ငံကြား ကာကွယ်မှုတွထက် ဆွေးနွေးညှိနှိုင်းမှုကတဆင့် အဖြေရှာဖို့ကိုလည်း ပြောပါတယ်။

ရှားပါးတိရစ္ဆာန်မှောင်ခိုကူးမှုတိုက်ဖျက်ရေး အာရှ ၁၃ နိုင်ငံ သဘောတူ

By ဗွီအိုအေ (မြန်မာဌာန) 

အာရှတိုက် နိုင်ငံပေါင်း ၁၃ နိုင်ငံက အစိုးရတာဝန်ရှိသူတွေဟာ ကျားသတ္တ၀ါတွေနဲ့ တခြားမျိုးတုန်းလု နီးပါးဖြစ်နေတဲ့ ရှားပါးတိရစ္ဆာန်တွေ တရားမ၀င် မှောင်ခိုကူးနေမှုတွေကို တိုက်ဖျက်ဖို့နဲ့ နယ်စပ် ဖြတ်ကျော် ပူးပေါင်းဆောင်ရွက်မှုတွေကို ပိုပြီး ထိရောက်အောင်ဆောင်ရွက်ဖို့ သဘောတူညီမှု ရခဲ့ပါတယ်။

ထိုင်းနိုင်ငံ၊ ဘန်ကောက်မြို့မှာ နိုင်ငံတကာ တောရိုင်းတိရစ္ဆာန်တရားမ၀င် သယ်ဆောင်ရောင်းဝယ်မှု ဆိုင်ရာ ရာဇ၀တ်မှုတိုက်ဖျက်ရေးအဖွဲ့ ICCWC ကကြီးမှူးကျင်းပတဲ့ နှစ်ရက်ကြာ ညီလာခံအပြီး အဲဒီသဘောတူညီမှုကို ရရှိခဲ့တာဖြစ်ပါတယ်။

ညီလာခံ တက်ရောက်ကြသူတွေထဲမှာ တောရိုင်းကျားသတ္တ၀ါတွေ သက်ရှိထင်ရှားရှိနေဆဲ တိုင်းပြည်တွေက ကိုယ်စားလှယ်တွေ ၃၀ နီးပါး တက်ရောက်ခဲ့ကြပါတယ်။ ညီလာခံအတွင်း တောရိုင်း တိရစ္ဆာန်တရားမ၀င် ကုန်ကူးမှုက ကျားရိုင်းသတ္တ၀ါတွေအပေါ် သက်ရောက်မှုနဲ့ ပတ်သက်ပြီး အစည်းအဝေးတခု ပြုလုပ်ခဲ့ပါတယ်။

တောရိုင်းတိရစ္ဆာန် ကာကွယ်ရေး သဘာဝပတ်ဝန်းကျင် ထိန်းသိမ်းရေးအဖွဲ့တွေ အဆိုအရ ခန့်မှန်းခြေ ကျားအကောင်ရေ စုစုပေါင်း ၃,၀၀၀ ကနေ ၄,၅၀၀ လောက်သာ တောထဲမှာရှိတော့တယ်လို့ ဆိုပါတယ်။

ICCWC ကို နိုင်ငံတကာ ရဲတပ်ဖွဲ့ (INTERPOL)၊ ကမ္ဘာ့ဘဏ်၊ အပြည်ပြည်ဆိုင်ရာ အကောက်ခွန်အဖွဲ့ ကုလသမဂ္ဂ မူးယစ်ဆေးနဲ့ ရာဇ၀တ်မှု တိုက်ဖျက်ရေးအဖွဲ့ စတာတွေအပါအ၀င် အစိုးရတွေပါဝင်တဲ့ နိုင်ငံတကာ အဖွဲ့အစည်း ၅ ခုနဲ့ ၂၀၁၀ ခုနှစ်မှာ ဖွဲ့စည်းခဲ့တာဖြစ်ပါတယ်။

ကျနော်တို့အနေနဲ့မြင်တွေ့ချင်တာကတော့ ဒီနိုင်ငံတကာ အဖွဲ့အစည်းတွေအနေနဲ့  တိုင်းပြည်အသီးသီးက ထိပ်တန်းခေါင်းဆောင်တွေ ကို အကျင့်ပျက်ခြစားမှုတွေနဲ့ ပတ်သက်ပြီး အသိပေးကြဖို့ ဖြစ်ပါတယ်လို့ Freeland Foundation ရဲ့ ညွှန်ကြားရေးမှူး Steven Galster ကပြောပါတယ်။

“ကမ္ဘာတဝန်းက သဘာဝပတ်ဝန်းကျင်ထိန်းသိမ်းစောင့်ရှောက်သူတွေ ရင်ဆိုင်နေရတဲ့ နံပါတ်တစ် စိန်ခေါ်မှုကတော့ အကျင့်ပျက်ခြစားမှုဖြစ်ပြီး ဒီအာရှတိုက်မှာတော့ အသေအချာကို ရင်ဆိုင်နေရတာပါ။ နိုင်ငံရေးအရ သြဇာကြီးတဲ့၊ ဒါမှမဟုတ် ငွေကြေးအရ အချိတ်အဆက်ရှိတဲ့ ဘယ်သူမှ တောရိုင်းသဘာဝ ဆိုင်ရာ ကျူးလွန်တဲ့ ရာဇဝတ်မှုနဲ့ အဖမ်းခံရတယ်၊ ထောင်ကျတယ်ဆိုတာ မရှိပါဘူး။ ဒီတောရိုင်း တိရစ္ဆာန်တွေ ရှင်သန်ကြီးထွားနိုင်ဖို့ ဆိုရင် အဲဒီအလေ့အကျင့်ကို ပြောင်းလဲပစ်ဖို့ လိုပါတယ်။”

အခု သဘောတူညီမှုကနေ သတင်းအချက်အလက်တွေ စုဆောင်းတာ၊ အပြည်ပြည်ဆိုင်ရာ ရဲတပ်ဖွဲ့ကတဆင့် ထောက်လှမ်းရေး အချက်အလက်တွေ မျှဝေတာ၊ ရာဇ၀တ်မှုရေးရာ ညှိနှိုင်းမှုတွေလုပ်ဆောင်တာ စတာတွေ ပြုလုပ်သွားမယ်လို့ သိရပါတယ်။

ဘန်ကောက်မှာ ဗုံးခွဲသူ အီရန်နိုင်ငံသား ပြင်းထန်စွာဒဏ်ရာရ

ထိုင်းနိုင်ငံ ဘန်ကောက်မြို့မှာ အီရန်နိုင်ငံသားတယောက်က ဗုံးတလုံးဖောက်ခွဲခဲ့ရာမှာ သူ့ခြေထောက် နှစ်ချောင်းစလုံးပြတ်သွားပြီး၊ တခြားသူ လေးဦး ဒဏ်ရာရသွားပါတယ်။ 

ထိုင်းနိုင်ငံ ဘန်ကောက်မြို့မှာ အီရန်နိုင်ငံသားတယောက်က ဗုံးတလုံးဖောက်ခွဲခဲ့ရာမှာ သူ့ခြေထောက် နှစ်ချောင်းစလုံးပြတ်သွားပြီး၊ တခြားသူ လေးဦး ဒဏ်ရာရသွားတယ်လို့ တာဝန်ရှိသူတွေက ပြောပါတယ်။ အဲဒီလူဟာ ဘန်ကောက်မြို့က သူငှားနေတဲ့ အိမ်မှာ ပထမဗုံးတလုံးကို ဖောက်ခွဲခဲ့ပြီး ခဏအကြာမှာ Taxi အငှားယာဉ်ကို ငှားရမ်းခဲ့ရာက ရပ်မပေးလို့ဆိုပြီး နောက်ထပ်ဗုံးတလုံးကို ဖောက်ခွဲခဲ့တာဖြစ်တယ်လို့ အစိုးရ အရာရှိတွေက ပြောပါတယ်။ အဲဒီနောက် စာသင်ကျောင်း တကျောင်း အနီး လူစည်ကားရာ လမ်းမပေါ်က ရဲကိုလည်း လက်ပစ်ဗုံးတလုံးနဲ့ ပစ်ဖို့ ကြိုးစားခဲ့ပါတယ်။

အဲဒီ အီရန်နိုင်ငံသားရဲ့ အိမ်ကို ရှာဖွေရာမှာ ဖောက်ခွဲရေးပစ္စည်းတွေ ထပ်တွေ့ခဲ့ရပြီး၊ ဘာအတွက် ဒီလို ဖောက်ခွဲရေးပစ္စည်းတွေ သိမ်းဆည်းထားတယ်ဆိုတာကိုတော့ မသိရသေးပါဘူး။ သူ့ဆီမှာ အီရန်နိုင်ငံကူးလက်မှတ်စာအုပ်ကိုလည်း တွေ့ရှိခဲ့ရပြီး သူ့နေအိမ်ထဲကနေ တခြား နိုင်ငံခြားသား တယောက် ထွက်ပြေးလွတ်မြောက်သွားတာကိုလည်း ရဲတွေက တွေ့လိုက်ရပါတယ်။ ဘန်ကောက် နိုင်ငံတကာ လေဆိပ်မှာ နောက်ထပ် အီရန်နိုင်ငံသားတယောက်ကို မသင်္ကာလို့ ဖမ်းဆီးလိုက်ပေမဲ့ ဒီ အမှုနဲ့ ဆက်စပ်မှု ရှိမရှိ မသိရသေးပါဘူး။

စင်္ကာပူမှာ ရောက်နေတဲ့ အစ္စရေးကာကွယ်ရေးဝန်ကြီး အီဟွတ်ဘရတ်က ဘန်ကောက်ြမို့က အခု ဗုံးခွဲမှုနဲ့ ပတ်သက်ပြီး အီရန်နိုင်ငံကို အပြစ်တင်လိုက်ပါတယ်။ ဒီအဖြစ်အပျက်ကို ကြည့်ခြင်းအားဖြင့် အီရန်နဲ့ သူတို့ရဲ့ မဟာမိတ်တွေက အကြမ်းဖက်မှုတွေကို လုပ်ကိုင်နေကြတယ်လို့ ပြောပြီး ရှုတ်ချ လိုက်ပါတယ်။ အိန္ဒိယနိုင်ငံမှာ နဲ့ ဂျော်ဂျီယာနိုင်ငံတွေမှာ အစ္စရေးသံရုံးတွေကို ပစ်မှတ်ထား တိုက်ခိုက်ခံရပြီး တရက်အကြာမှာ ဘန်ကောက်မှာ ခုလို ဗုံးခွဲခံရတာဖြစ်ပါတယ်။

ပုပြင်ပြောင်းလဲရေးတွေ ဆက်လုပ်ဖို့ ဥရောပ တိုက်တွန်း

မြန်မာ နိုင်ငံကိုရောက်နေတဲ့ ဂျာမန်စီးပွားရေး ပူးပေါင်းဆောင်ရွက်မှုနဲ့ ဖွံဖြိုးရေး ဆိုင်ရာ ၀န်ကြီး Dirk Niebe နဲ့ အီးယူဥရောပသမဂ္ဂရဲ့ ဖွံဖြိူးရေးဆိုင်ရာ ကော်မရှင်နာမင်းကြီး Andris Piebalgs တို့ဟာ ရန်ကုန်မှာ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဒီကနေ့ တွေ့ဆုံပြီး မြန်မာ့အရေးတွေဆွေးနွေးသလို ၈၈ မျိူးဆက်ကျောင်းသားခေါင်းဆောင် တချို့နဲ့လည်းေ တွ့ဆုံပြီး မြန်မာပြည်ဖွံဖြိူးမှုဆိုင်ရာတွေကို ဆွေးနွေးခဲ့ကြပါတယ်၊ ဒီတွေ့ဆုံမှု အခြေနေ အပြည့်အစုံကိုတော့ မသင်းသီရိက ပြောပြပေးမှာပါ၊

ဒီကနေ့ ဖေဖော်ဝါရီ (၁၄)ရက် အင်္ဂါနေ့ မနက် ၁၀ နာရီက ဒေါ်အောင်ဆန်းစုကြည်ရဲ့ နေအိမ်မှာ EU ဖွံ့ဖြိုးရေးဆိုင်ရာ ကော်မရှင်နာ မင်းကြီး Andris Piebags နဲ့ ဒေါ်အောင်ဆန်းစုကြည်တို့ တွေ့ဆုံပြီး မြန်မာပြည်ဖွံဖြိူးရေးဆိုင်ရာ အခြေအနေတွေ တခါ အီးယူက ချမှတ်ထားတဲ့ ပိတ်ဆို့မှုကိစ္စတွေနဲ့ ပတ်သက်လို့ ဆွေးနွေးကြပါတယ.်၊ အဲဒီနောက်ပိုင်း မနက် ၁၁ နာရီမှာတော့ ဂျာမန်စီးပွားရေး ပူးပေါင်းဆောင်ရွက်ရေးနဲ့ ဖွံဖြိူးမှု ဆိုင်ရာ ၀န်ကြီး Drik Niebe နဲ့ ဒေါ်အောင်ဆန်းစုကြည် တို့ ထပ်ပြီး တွေ့ဆုံကြတယ်လို့ ဒေါ်အောင်ဆန်းစုကြည်ရုံးက တာဝန်ခံ ဦးထင်ကျော်က ပြောပါတယ်၊

“ EU နဲ့က ၁၀နာရီကနေ ၁၀နာရီ ၄၅ ထိတွေ့ပါတယ်။ ၁၁နာရီမှာက ဂျာမန် ၀န်ကြီး Mr. Niebe လာပါတယ်။ အခုလောလောဆယ်ကို မပြန်သေးဘူး။ ခု စကားပြောနေပါတယ်။ ဂျာမန် Prime Minister နဲ့ Minister of Foreign Affair ပါ။”

ဂျာမန် ဖွံ့ဖြိုးရေးဝန်ကြီးနဲ့ ဒေါ်အောင်ဆန်းစုကြည်တို့ တွေ့ဆုံ ဆွေးနွေးမှုအပြီး နေအိမ် ရှေ့ဝင်းမှာ ပြုလုပ်တဲ့ သတင်းစာ ရှင်းလင်းပွဲမှာတော့ ဂျာမန်ဝန်ကြီးက ကြားဖြတ်ရွေးကောက်ပွဲတွေ တရားမျှတဖို့နဲ့ တည်ငြိမ်မှုရှိမယ့် မြန်မာ့နိုင်ငံရေးအပေါ် မူတည်ပြီး ဥရောပသမဂ္ဂရဲ့ ပိတ်ဆို့မှုရုပ်သိမ်းရေးအခြေနေတွေနဲ့ ပတ်သက်လို့ ခုလိုပြောသွားပါတယ်။

“ဒီမိုကရေစီရေးအတွက် ကျင်းပမယ့် ကြားဖြတ်ရွေးကောက်ပွဲက လွတ်လပ်ပြီး တရားမျှတဖို့ အရေးကြီးပါတယ်။ ဒီရွေးကောက်ပွဲမှာ မဲဆွယ်စည်းရုံးကြမယ်ဆိုရင်လည်း လွတ်လွတ်လပ်လပ် မျှမျှတတ မဲဆွယ်စည်းရုံးခွင့်တွေ လိုပါတယ်။ အတိုက်အခံ နိုင်ငံရေးပါတီတွေအနေနဲ့ အစိုးရရဲ့ နိုင်ငံရေးပါတီတွေလိုပဲ မဲဆွယ်စည်းရုံးခွင့်တွေ ရှိရပါလိမ့်မယ်။”

ဂျာမန်စီးပွားရေး ပူးပေါင်းဆောင်ရွက်ရေးနဲ့ ဖွံဖြိူးမှု ဆိုင်ရာ ၀န်ကြီး Drik Niebe ပြောသွားတာပါ။

တခါ ဒီကနေ့ မနက် ၈ နာရီက ရန်ကုန် Traders ဟိုတယ်မှာ ၈၈ မျိုးဆက်ကျောင်းသားခေါင်းဆောင်တွေဖြစ်တဲ့ ကိုမင်းကိုနိုင်၊ ကိုကိုကြီး နဲ့ ကိုဌေးကြွယ်တို့ ၃ဦးဟာလည်း EU ဖွံဖြိူးမှု ဆိုင်ရာ ကော်မရှင်နာမင်းကြီး၊ ဂျာမန်စီးပွားရေး ပူးပေါင်းဆောင်ရွက်မှုနဲ့ ဖွံဖြိုးရေး ဆိုင်ရာ ၀န်ကြီး တို့နဲ့ တွေ့ဆုံပြီး ဖွံဖြိူးရေးဆိုင်ရာအကူအညီကိစ္စတွေ ပိတ်ဆို့ အရေးယူမှု အခြေအနေအပြင် လက်ရှိမြန်မာ့အရေးပေါ် အမြင်တွေ ဆွေးနွေးခဲ့ကြတယ်လို့ ၈၈ မျိူးဆက် ကျောင်းသား ခေါင်းဆောင် ကိုဌေးကြွယ်က ပြောပါတယ်၊

“ဒေါ်အောင်ဆန်းစုကြည်အနေနဲ့ ရွေးကောက်ပွဲ ၀င်ရမယ်၊ ပြီးတော့ လွှတ်တော်တွင်းနိုင်ငံရေးအခြေနေတခုက ပိုပြီးတော့ ခိုင်မာလာဖို့ ရှိတယ်ပေါ့။ အဲဒီကျတော့ နိုင်ငံရေးအရ ပြုပြင်ပြောင်းလဲမှုနဲ့အတူ နိုင်ငံရေးအရ တိုးတက်မှုတစုံတရာ ရှိတယ်လို့ ကျနော်တို့လည်း သုံးသပ်ပါတယ်။ ဒါပေမဲ့လို့ တကယ်ပြုပြင်ပြောင်းလဲတဲ့ အခြေနေပေါ်ကို ရောက်ဖို့က လိုပါသေးတယ်။ မြန်မာနိုင်ငံက အသွင်ကူးပြောင်းရေးအခြေနေထိကို မရောက်သေးပါဘူး။ လွတ်လပ်မှုတွေ ဖြေလျှော့ပေးနေတဲ့ အဆင့်ပဲ ရှိပါသေးတယ်။ အသွင်ကူးပြောင်းရေးအခြေနေရောက်အောင် ဆက်လက်ပြီးတော့ လုပ်ဆောင်ရမယ့် အလုပ်တွေ အများကြီး ကျန်ပါသေးတယ်။ ဒီအခြေနေတွေကိုတော့ နိုင်ငံတကာလည်း သေသေချာချာ စောင့်ကြည့်လေ့လာသင့်သလို ၀ိုင်းဝန်းကူညီပံ့ပိုးနိုင်ဖို့လည်း လိုအပ်တယ်ဆိုတာကိုတော့ ကျနော်တို့ ပြောဖြစ်ပါတယ်။ ကျနော်တို့အပြင် မြန်မာနိုင်ငံက တခြား မြန်မာ့နိုင်ငံရေးထဲမှာ ပါဝင်ပတ်သက်နေတဲ့ State Holders တွေအားလုံးနဲ့ တွေ့နိုင်ဖို့ကို ကျနော်တို့က အကြံပေးပါတယ်။ ဒါ ကျနော်တို့ ပြောရုံနဲ့ မဟုတ်ပါဘူး။ သူတို့ဆီမှာ ရှိနေတဲ့ Data တွေ အချက်အလက်တွေ နဲ့ သူတို့ ပြန်ပြီးတော့ သုံးသပ်မှာ ဖြစ်ပါတယ်။

၈၈ မျိူးဆက်ကျောင်းသားခေါင်းဆောင် ကိုဌေးကြွယ်ပါရှင်၊

ဒါ့အပြင် EU ဖွံဖြိူးရေးဆိုင်ရာ ကော်မရှင်နာမင်းကြီး ဟာ ည ဒီကနေ့ ညနေက ရန်ကုန်မှာ သူ့ခရီးစဉ်နဲ့ ပတ်သက်လို့ သတင်းစာ ရှင်းလင်းပွဲ လုပ်ပါတယ်၊ ၃ရက်ကြာ လာခဲ့တဲ့သူခရီးစဉ်အတွင်းမှာ ပြုပြင်ပြောင်းလဲမှုတွေရှိလာတာကို EU က ကြိူဆိုသလို မြန်မာနိုင်ငံအတွက် နောက်ထပ် ပြောင်းလဲရေးတွေ ပိုတိုးမြှင့်လုပ်ဆောင်နိုင်ရန် အားပေးဖို့ ရည်ရွယ်တဲ့ အကြောင်း သတင်းစာရှင်းလင်းပွဲမှာ ပြောသွားပါတယ်၊

မြန်မာနိုင်ငံတွင်းမှာ ပြုပြင်ပြောင်းလဲရေးတွေဟာ ဘယ်လောက်စိတ်ချရပြီလဲဆိုတဲ့ အနေအထားနဲ့ နောက်ထပ် တိုးပြီး လုပ်လာတဲ့အပေါ်မှာ မူတည်ပြီး နောက်ထပ်အီးယူက ပိတ်ဆို့မှုတွေကို ထပ်မံလျှော့ချပေးမှာ ဖြစ်တယ်လို့လည်း ရှင်းပြသွားပါတယ်၊

အထူးသဖြင့် ဧပြီလ ၁ ရက်နေ့မှာ လုပ်မယ့်ကြားဖြတ်ရွေးကောက်ပွဲဟာ လွတ်လပ်ပြီး တရားမှုတွေ ရှိဖို့အပြင် ကျန်နေ သေးတဲ့ နိုင်ငံရေးအကျဉ်းသားတွေ လွှတ်ပေးမယ်ဆိုရင်တော့ ဧပြီလမှာ ပြန်ပြီးတော့ သုံးသပ်မယ့် EU ရဲ့ မြန်မာနိုင်ငံ ဆိုင်ရာ မူဝါဒတွေမှာ အကျိူးသက်ရောက်တာတွေ ရှိမှာ ဖြစ်တယ်လို့လည်း ပြောပါတယ်။ တခါ မနေ့က နေပြည်တော်မှာ သမ္မတ ဦးသိန်းစိန် နဲ့ အတု ပြည်သူလွှတ်တော်ဥက္ကဋ္ဌ သူရ ဦးရွှေမန်းတို့အပြင် အစိုးရအဖွဲ့က တာဝန်ရှိသူတွေ နဲ့ တွေ့ဆုံပြီး ဆွေးနွေးချက် တချို့နဲ့ ပတ်သက်လို့ ရှင်းပြသွားတဲ့အထဲမှာတော့ ကြားဖြတ် ရွေးကောက်ပွဲတွေကို လွတ်လပ်ပြီး တရားမျှတမှု ရှိအောင် စီစဉ်ထားတယ်ဆိုတဲ့ အစိုးရရဲ့ ကတိက၀တ်တွေကို သူရခဲ့တယ်ဆိုတာကိုလည်း ကော်မရှင်နာ မင်းကြီး Andris Piebags က သတင်းထောက်တွေကို ပြောပါတယ်။

“ကျနော်ကတော့ ဘာမှ ကတိမပေးခဲ့ပါဘူး။ ဘာလို့လဲဆိုတော့ EU ဟာ ၁၇နိုင်ငံအဖွဲ့ဝင်တွေရဲ့ သဘောတူညီမှု ရရှိဖို့ လိုတဲ့အတွက်ကြောင့် ကျနော်တဦးတည်းအနေနဲ့ ပြောလို့ မရတာကြောင့်ပါ။ ဒါပေမဲ့ ပြုပြင်ပြောင်းလဲမှုတွေကို ဆက်ပြီး ဖော်ဆောင်မယ်ဆိုရင်တော့ မြန်မာနိုင်ငံပေါ် ချမှတ်ထားတဲ့ ‘ဒဏ်ခတ်ပိတ်ဆို့မှုတွေကို အမြန်ရုပ်သိမ်းပေးသွားမယ် လို့တော့ ကျနော်ပြောခဲ့ပါတယ်။”

အီးယူဥရောပသမဂ္ဂရဲ့ ဖွံဖြိူးရေးဆိုင်ရာ ကော်မရှင်နာမင်းကြီး Andris Piebalgs ပါရှင်။ သူ့အနေနဲ့ မြန်မာနိုင်ငံ လူသားချင်း စာနာမှု အကူုအညီပေးမှုတွေကို ယူရို သန်း၁၅၀ ပေးမယ်ဆိုတာအပြင် မြန်မာနိုင်ငံရဲ့ ပညာရေး နဲ့ ကျန်းမာရေး ကဏ္ဍတွေ တိုးမြှင့်ဖို့နဲ့အတူ ဖွံ့ဖြိုးရေးဆိုင်ရာတွေမှာ EU က အထောက်အကူပေးမယ်ဆိုတာနဲ့ တိုင်းရင်းသားဒေသက ငြိမ်းချမ်းရေးကိစ္စတွေ တခါ မြန်မာနိုင်ငံအတွင်းက လူ့အခွင့်အရေးအခြေနေတိုးတက်ရေးကိစ္စတွေကိုလည်း ထည့်သွင်းပြောကြားသွားပါတယ်ရှင်။

အရေးအခြေနေတိုးတက်ရေးကိစ္စတွေကိုလည်း ထည့်သွင်းပြောကြားသွားပါတယ်ရှင်။

--