မြန်မာ့သတင်း

မြန်မာ့ဆက်သွယ်ရေးလုပ်ငန်းက အော်တိုတယ်လီဖုန်း ကြိုးဖုန်းများကို ၂.၁.၂၀၁၂ နေ့မှ စတင်ကာ ငါးရစ်ခွဲ၍ ရောင်းချပေးသွားမည်ဖြစ်ကြောင်း သိရှိရသည်။ ကနဦးတပ်ဆင်ခ ခြောက်သိန်းခွဲဖြင့် ငှားရမ်းသုံးစွဲခွင့် ပြုပေးမည်ဖြစ်ပြီး ပထမအရစ် ငွေပေးသွင်းပြီး ၃ ရက်အတွင်း တယ်လီဖုန်းများ တပ်ဆင်နိုင်ရန် စီစဉ်ဆောင်ရွက်ထားကြောင်း သတင်းရရှိသည်။ ငှားရမ်းတပ်ဆင် သုံးစွဲခွင့်ပြုမည့် အစီအစဉ်မှာ ပထမအရစ်အတွက် ကျပ် သုံးသိန်းကို စာချုပ်ချုပ်ဆိုမည့်နေ့တွင် လည်းကောင်း၊ ဒုတိယအရစ်အတွက် ကျပ် တစ်သိန်းကို စာချုပ်ချုပ်ဆို၍ ၂ လပြည့်ပြီးလ၏ လဆန်း ၅ ရက်အတွင်းတွင် လည်းကောင်း ပေးဆောင်ရမည်ဖြစ်သည်။ တတိယအရစ်အတွက် ကျပ် ၁ သိန်းကို စာချုပ်ချုပ်ဆို၍ ၄ လပြည့်ပြီးလ၏ လဆန်း ၅ ရက်အတွင်းတွင်လည်းကောင်း၊ စတုတ္ထအရစ်အတွက် ကျပ် ၁ သိန်းကို စာချုပ်ချုပ်ဆို၍ ၆ လပြည့်ပြီးလ၏ လဆန်း ၅ ရက်အတွင်းတွင်လည်းကောင်း၊ ပဉ္စမအရစ်အတွက် ကျပ် ငါးသောင်းကို စာချုပ်ချုပ်ဆို၍ ၈ လပြည့်ပြီးလ၏ လဆန်း ၅ ရက်အတွင်းတွင်လည်းကောင်း ပေးသွင်းရမည်ဖြစ်ကြောင်း သတင်းရရှိသည်။ အဆိုပါကိစ္စနှင့် ပတ်သက်၍ အသေးစိတ်ကို နီးစပ်ရာ မြန်မာ့ဆက်သွယ်ရေးရုံးများတွင် မေးမြန်းစုံစမ်းနိုင်မည် ဖြစ်ကြောင်း ၂၀၁၂ ခုနှစ် ဇန်နဝါရီလ ၅ ရက်နေ့ထုတ် Internet ဂျာနယ်တွင် ဖော်ပြထားပါသည်။ မြန်မာနိုင်ငံ၏ အရှည်ဆုံးတံတားဖြစ်သည့် ဧရာဝတီ (ပခုက္ကူ) တံတား ဖွင့်လှစ် ပြည်ထောင်စုသမ္မတ မြန်မာနိုင်ငံတော် ဒုတိယသမ၁မတ သီဟသူရဦးတင်အောင်မြင့်ဦးသည် ဒီဇင်ဘာ ၃၁ ရက် နံနက်ပိုင်းတွင် ဆောက်လုပ်ရေးဝန်ကြီးဌာန ပြည်သူ့ဆောက်လုပ်ရေးလုပ်ငန်း တံတားဆောက်လုပ်ရေး အထူးစီမံကိန်းအဖွဲ့ (၃)မှ တာဝန်ယူတည်ဆောက်ခဲ့သည့် ကားလမ်းနှင့် ရထားလမ်း ပူးတွဲပါရှိသည့် မြန်မာနိုင်ငံ၏ အရှည်ဆုံးတံတားကြီးဖြစ်သော ဧရာဝတီတံတား (ပခုက္ကူ) ဖွင့်ပွဲအခမ်းအနားသို့ တက်ရောက်အမှာစကား ပြောကြားသည်။ ပြည်ထောင်စုသမ္မတ မြန်မာနိုင်ငံတော် ဒုတိယသမ္မတ သီဟသူရဦးတင်အောင်မြင့်ဦးက အမှာစကားပြောကြားရာတွင်- ဧရာဝတီတံတား (ပခုက္ကူ)ကို ၂၀၀၉ ခုနှစ် ဒီဇင်ဘာ ၁၅ ရက်တွင် စတင်တည်ဆောက်ခဲ့ပြီး ၂၀၁၁ ခုနှစ် ဒီဇင်ဘာ ၃၁ ရက်တွင် ဖွင့်လှစ်နိုင်ခဲ့ခြင်းဖြစ်ပါကြောင်း၊ ဤတံတားကြီးသည် ကားလမ်းနှင့် မီးရထားလမ်းပါ ပူးတွဲတည်ဆောက်ထားခြင်းဖြစ်ပြီး တံတားကြီး၏ ပင်မတံတားအရှည် ၁၁၄၃၁ ပေ၊ ကားလမ်းတံတားအရှည် စုစုပေါင်း ၁၃၅၃၇ ပေ၊ မီးရထားလမ်းတံတားအရှည် စုစုပေါင်း ၂၀၅၉၇ ပေ ရှိပါကြောင်း၊ ဧရာဝတီ မြစ်ကူးတံတားကြီးများအနက် အရှည်ဆုံး ဧရာဝတီမြစ်ကူးတံတားဖြစ်ပါကြောင်း။ ယခုလို တံတားကြီးကို တည်ဆောက်ပြီးစီးခြင်းကြောင့် ဧရာဝတီမြစ် အနောက်ဘက်ခြမ်းရှိ ချင်းပြည်နယ်၊ မကွေးတိုင်းဒေသကြီး၊ ပခုက္ကူခရိုင်၊ စစ်ကိုင်းတိုင်းဒေသကြီးတို့၏ ဒေသများနှင့် ဧရာဝတီမြစ်အရှေ့ဘက်ခြမ်းဒေသများသို့ တစ်ဆက်တစ်စပ်တည်း လွယ်ကူစွာ သွားလာနိုင်မည်ဖြစ်ပါကြောင်း၊ ယခင်က ဧရာဝတီမြစ်ကို ဇက်ရေယာဉ်များဖြင့် ဖြတ်သန်းကြရာတွင် အချိန်တစ်နာရီကျော်ခန့် ကြာမြင့်ခဲ့ရာမှ ယခုဆိုလျှင် မိနစ်ပိုင်းနှင့် အချိန်တိုအတွင်း ဖြတ်သန်းသွားလာနိုင်ကြပြီဖြစ်ပါကြောင်း၊ ရေရှည်တွင် ဤတံတားကို ဖြတ်သန်း၍ အိန္ဒိယ၊ မြန်မာ၊ တရုတ် သုံးနိုင်ငံဆက် လမ်းမကြီးများ၊ အိန္ဒိယ၊ မြန်မာ၊ ထိုင်းမှတစ်ဆင့် အာဆီယံနိုင်ငံများသို့ပါ ဆက်စပ်ပေးမည့် အဓိက အရှေ့အနောက်ဆက်သွယ်ရေး လမ်းမကြီးများ ပေါ်ပေါက်လာတော့မည်ဖြစ်ပါကြောင်း၊ နိုင်ငံတော်အစိုးရအနေဖြင့် ဒေသတိုင်းဒေသတိုင်း တစ်ပြေးညီ တိုးတက်ဖွံ့ဖြိုးလာစေရေးအတွက် ဆောင်ရွက်လျက်ရှိပါကြောင်း၊ ကျေးလက်ဒေသ ဖွံ့ဖြိုးတိုးတက်ရေး၊ ဆင်းရဲမှုလျော့နည်းပပျောက်မှု စီမံကိန်းများ ချမှတ်ဆောင်ရွက်လျက်ရှိရာတွင် ယခု လမ်းပန်းဆက်သွယ်ရေး ကောင်းမွန်ခြင်းသည် ဤရည်မှန်းချက်ကို တစ်ဖက်တစ်လမ်းက ပံ့ပိုးအထောက်အကူဖြစ်စေမည်ဖြစ်ပါကြောင်းဖြင့် ပြောကြားခဲ့ကြောင်း ၂၀၁၂ ခုနှစ် ဇန်န၀ါရီလ ၁ ရက်နေ့ထုတ် ကြေးမုံ သတင်းစာတွင် ဖော်ပြထားပါသည်။     ၂၀၁၂ ခုနှစ်အတွင်း အရင်းအနှီးဈေးကွက် ဖော်ဆောင်ရေး ဒုတိယအဆင့် စီမံချက်အရ နိုင်ငံပိုင် စီးပွားရေး လုပ်ငန်းများကို ရွေးချယ်ကာ အများပြည်သူကို အစုရှယ်ယာများ ထုတ်ရောင်းမည် ။ မြို့တော်စည်ပင် သာယာရေးအဖွဲ့များက ငွေချေးစာချုပ် ထုတ်ဝေရောင်းချသွားမည်ဖြစ်ကြောင်းသတင်းရရှိပါသည်။  "၂၀၁၂ အတွင်းမှာငွေချေးသက်သေခံလက်မှတ် လဲလှယ်ရောင်းဝယ်ရေးဆိုင်ရာ ဥပဒေအတည်ပြု ပြဋ္ဌာန်းဖို့ရှိတယ်။ နိုင်ငံပိုင်စီးပွားရေး လုပ်ငန်းတချို့ကို ရွေးချယ်ပြီး အစုရှယ်ယာတွေ ထုတ်ရောင်းမယ်။ မြို့တော်စည်ပင် သာယာရေး အဖွဲ့အစည်းတွေကလည်း ငွေချေးစာချုပ် ထုတ်ဝေရောင်းချသွားဖို့ ရှိပါတယ်။ ၂၀၁၂ အထိက ဒုတိယအဆင့် စီမံချက်ထဲမှာ ပါဝင်နေတယ်။ စီမံချက်အတိုင်းဝင်အောင် ဆောင်ရွက်နေပါတယ်။ ၂၀၁၅ မှာ စတော့အိပ်ချိန်း တည်ထောင်ပြီး အာဆီယံ အရင်းအနှီးဈေးကွက်ဆိုင်ရာ ဖိုရမ်က သတ်မှတ်ထားတဲ့အချိန် ကန့်သတ်ချက်အတိုင်း တစ်ခုတည်းသော အာဆီယံ အရင်းအနှီးဈေးကွက်မှာ ၀င်ချိတ်ဆက်သွားရမှာပါ။ လုပ်ဆောင်ရမယ့် အရာတွေကို အချိန်နဲ့တစ်ပြေးညီ လုပ်ဆောင်ဖို့ တာဝန်ရှိပါတယ်" ဟု ပညာရှင်တစ်ဦးက ဆိုသည်။ မြန်မာနိုင်ငံအနေဖြင့် ၂၀၁၅ တွင် စတော့အိပ်ချိန်း စတင်နိုင်ရန် ရည်ရွယ်ထားကာ ရန်ကုန်မြို့နှင့် မန္တလေးမြို့များတွင် စတင်တည်ထောင်သွားမည်ဟု သိရပါသည်။ နိုင်ငံပိုင်စီးပွားရေး လုပ်ငန်းများအနေဖြင့် လိုအပ်သော အရင်းအနှီးကို အရင်းအနှီးဈေးကွက်မှတစ်ဆင့် စုစည်းသွားခြင်းဖြင့် နိုင်ငံတော်ဘတ်ဂျက်မှ စိုက်ထုတ်ရခြင်း နည်းပါးနိုင်သောကြောင့် ဘတ်ဂျက်ဝန်ထုပ်ဝန်ပိုး လျော့နည်းသွားနိုင်ပြီး မြို့တော်စည်ပင် သာယာရေး အဖွဲ့အစည်းများမှ ငွေချေးစာချုပ် ထုတ်ဝေရောင်းချခြင်းဖြင့် စိုက်ထုတ်ကျခံထားရမည့် ဘဏ္ဍာငွေ ပမာဏနေရာတွင် အများပြည်သူထံမှ ချေးယူထားသည့် ငွေကြေးများဖြင့် လုပ်ငန်းလည်ပတ်သွားနိုင်မည်ဟု သတင်းရရှိပါသည်။ ထို့ပြင် ၂၀၁၂ ခုနှစ်အတွင်းတွင် မြန်မာနိုင်ငံ၏ စတော့အိပ်ချိန်း ထူထောင်ခြင်းဆိုင်ရာ ဖွဲ့စည်းပုံနှင့် စည်းမျဉ်းစည်းကမ်းများကို ရေးဆွဲသွားမည်ဖြစ်ပြီး ကြားခံအကျိုးဆောင်အသင်းများ၊ ပြည်တွင်းနှင့် နိုင်ငံခြား Fund Management ကုမ္ပဏီများ ဖွဲ့စည်းခွင့် ပြုသွားမည်ဖြစ်ကြောင်း ၂၀၁၂ ခုနှစ် ဇန်နဝါရီလ ၄ ရက်နေ့ထုတ် Weekly Eleven ဂျာနယ်တွင် ဖော်ပြထားပါသည်။    ဇန်နဝါရီလ ၁ ရက်နေ့မှ စတင်ကာ စွမ်းအင်ဝန်ကြီးဌာနမှ ပုဂ္ဂလိကစက်သုံးဆီ အရောင်းဆိုင်များသို့ ပြည်တွင်းထုတ် ဓါတ်ဆီဈေးနှုန်းကို တစ်ဂါလန်လျှင် ကျပ် ၃၀၀၀ နှုန်းဖြင့် ပြောင်းလဲပြင်ဆင် ဖြန့်ဖြူးသွားမည်ဖြစ်ကြောင်း စွမ်းအင်ဝန်ကြီးဌာနမှ သိရှိရသည်။ ပုဂ္ဂလိက စက်သုံးဆီဆိုင်များတွင် တစ်ဂါလန်လျှင် ကျပ် ၂၅၀၀ နှုန်းဖြင့် ရောင်းချနေသော ဓါတ်ဆီဈေးနှုန်းများကို အစိုးရမှ အရှုံးခံရောင်းချပေးတော့မည် မဟုတ်ဘဲ နိုင်ငံတကာ ဈေးကွက်ပေါက်ဈေးဖြင့် ပြောင်းလဲပြင်ဆင် ရောင်းချခဲ့ခြင်းဖြစ်ကြောင်း စွမ်းအင်ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။ ထို့ပြင် ပုဂ္ဂလိက စက်ဆုံးဆီဆိုင်များမှ အများပြည်သူသို့ ပြန်လည်ရောင်းချသင့်သည့် ဓါတ်ဆီတစ်ဂါလန် ခန့်မှန်းဈေးနှုန်းကိုလည်း စွမ်းအင်ဝန်ကြီးဌာနမှ ညွှန်ကြားထားပြီးဖြစ်ရာ ရန်ကုန်တိုင်းဒေသကြီး အတွင်းရှိ ပုဂ္ဂလိကစက်သုံးဆီဆိုင်များမှ ဓါတ်ဆီတစ်ဂါလန်လျှင် ကျပ် ၃၃၅၀ ကျပ်နှုန်းဖြင့် ရောင်းချသွားမည်ဖြစ်ကြောင်း သိရှိရသည်။ စွမ်းအင်ဝန်ကြီးဌာနမှ တာဝန်ရှိသူတစ်ဦးက “ရန်ကုန်တိုင်းဒေသကြီး အတွင်းမှာရှိတဲ့ ပုဂ္ဂလိက စက်သုံးဆီဆိုင်တွေက တစ်ဂါလန်ကို ကျပ် ၃၃၅၀ နှုန်း၊ မန္တလေးတိုင်းဒေသကြီး အတွင်းမှာရှိတဲ့ ပုဂ္ဂလိက စက်သုံးဆီဆိုင်တွေက တစ်ဂါလန်ကို ကျပ် ၃၅၀၀ နှုန်း၊ ပျော်ဘွယ်(နေပြည်တော်) မှာရှိတဲ့ ပုဂ္ဂလိက စက်သုံးဆီဆိုင်တွေက တစ်ဂါလန်ကို ကျပ် ၃၆၀၀ နှုန်း စသည်ဖြင့် ရောင်းချရမယ့်ဈေးနှုန်းကို ခန့်မှန်းတွက်ချက် ပေးထားတာ ရှိပါတယ်။ ခန့်မှန်းတွက်ချက်ရာမှာလည်း စွမ်းအင်ဝန်ကြီးဌာနကို ပေးဆောင်ရမယ့် သယ်ယူပို့ဆောင်ခ၊ ပြန်လည်ဖြန့်ဖြူးရောင်းချမှု၊ အထွေထွေကုန်ကျစရိတ် စတဲ့ အချက်အလက်တွေအပေါ် မူတည်ပြီး ဆီဆိုင်တွေကနေ ပြန်လည်ရောင်းချရမယ့် ဈေးနှုန်းတွေက တစ်မြို့နဲ့ တစ်မြို့ ကွာခြားသွားတာ ဖြစ်ပါတယ်။ ရောင်းဈေးနှုန်းရဲ့ ၅ ရာခိုင်နှုန်းကို ကုန်သွယ်လုပ်ငန်းခွန်အဖြစ် ပေးဆောင်ရမှာဖြစ်ပြီး ဆီဆိုင်တွေကို တစ်ဂါလန် ဝယ်ယူမှု ကုန်ကျစရိတ်ရဲ့ ၅ ရာခိုင်နှုန်းဖြစ်တဲ့ ကျပ် ၁၅၀ ကို အမြတ်အဖြစ် သတ်မှတ်ရောင်းချခွင့်ပြုမှာ ဖြစ်ပါတယ်” ဟု ပြောကြားခဲ့ကြောင်း ၂၀၁၂ ခုနှစ် ဇန်နဝါရီလ ၄ ရက်နေ့ထုတ် Weekly Eleven ဂျာနယ်တွင် ဖော်ပြထားပါသည်။