04.01.2011 နေ့ဖတ်ရန်သတင်းများ(Myanmar Journal)

04.01.2011 နေ့ဖတ်ရန်သတင်းများ

by Myanmar Journal on Wednesday, January 4, 2012 at 7:34am

တောင်ပိုင်း ဆူဒန်က သူပုန် အကြီးအကဲတောင်ပိုင်းဆူဒန်မှာ လူမျိုးစု နှစ်ခုကြား ပဋိပက္ခဖြစ်

တောင်ပိုင်း ဆူဒန်နိုင်ငံ ပီဘိုမြို့ တဝိုက်မှာ လူမျိုးစုတွေကြား တိုက်ခိုက်မှုတွေ ဖြစ်ပွားခဲ့ ပြီးတဲ့နောက် ထောင်သောင်းချီတဲ့လူတွေ အိုးအိမ်စွန့်ခွာ ထွက်ပြေးနေရပါတယ်။

ပြိုင်ဘက် လူမျိုးစုတွေကြား တိုက်ခိုက်နေမှုဟာ ဆက်လက် ပိုပြီး ဆိုးရွား လာနိုင် တာကြောင့် အသက်ဘေး အတွက် ကိုယ်လွတ်ရုန်း ထွက်ပြေးကြပါလို့ ရွာသားတွေကို ကုလသမဂ္ဂက သတိပေးထား ပါတယ်။

Lou Nuer နဲ့ Murle လူမျိုးစုတွေကြား ကျွဲနွားအုပ် သိမ်းပိုက် ရယူ လိုမှုနဲ့ ပတ်သက်လို့ အငြင်းပွားရာက ကြာရှည် ဖြစ်ပွားခဲ့တဲ့ ပဋိပက္ခမှာ အခုနောက်ဆုံး ပေါ်ပေါက် ခဲ့တဲ့ အကြမ်း ဖက်တိုက်ခိုက်မှုတွေကြောင့် ထောင်သောင်းချီတဲ့ မာလီ လူမျိုးတွေ အိုးအိမ်မဲ့ ဖြစ်ခဲ့ ရပါတယ်။

ပီဘိုမြို့ရဲ့ နေရာ တော်တော်များများဟာ ဖျက်ဆီးခံလိုက်ရပြီး ဆေးရုံတရုံလည်း မီးရှို့ခံခဲ့ ရပါတယ်။

အဲဒီမြို့မှာ တောင်ပိုင်းဆူဒန် အစိုးရ တပ်ရင်း တရင်းကို ကုလသမဂ္ဂ တပ်ဖွဲ့ တပ်ရင်း တရင်းက ထောက်ပံ့ကူညီပေးနေတာ ဖြစ်ပါတယ်။

အစိုးရကလည်း ရဲနဲ့ စစ်တပ် အရံအင်အားတွေ ထပ်ပြီး ပို့လွှတ်ပေးနေတယ်လို့ သိရပါတယ်။

နိုင်ဂျီးရီးယား သမ္မတ ဂွတ်လပ် ဂျိုနသန်နိုင်ဂျီးရီးယားမှာ လောင်စာဆီဈေး နှစ်ဆတက်လို့ ဆန္ဒပြ

နိုင်ဂျီးရီးယားမှာ လောင်စာဆီဈေး သက်သာအောင် အစိုးရက ထောက်ပံ့ပေးနေတဲ့ အစီအစဉ်ကို ဖျက်သိမ်းလိုက်တဲ့ အတွက် အဘူဂျာမြို့မှာ ဆန္ဒပြမှုတွေ ဖြစ်ပွားခဲ့ပြီး ရဲတွေက မျက်ရည်ယိုဗုံးသုံးကာ လူစုခွဲခဲ့ပါတယ်။

ဆန္ဒပြသူ အရေအတွက် ၂ဝဝလောက် ရှိပြီး ပြီးခဲ့တဲ့ တနဂနွေနေ့တုန်းက အစိုးရ ထောက်ပံ့မှု ဖျက်သိမ်းလိုက်တဲ့ အတွက် အခုတော့ လောင်စာဆီဈေးတွေ နှစ်ဆ တက်သွား ခဲ့ပါတယ်။

‘လောင်စာဆီဈေး သက်သာစေတဲ့ အစိုးရရဲ့ ထောက်ပံ့မှုကို ဖျက်သိမ်းမယ့် အစား အဂတိလိုက်စားမှု လျော့ချပေး ‘ လို့ ဆန္ဒပြသူတွေက အဘူဂျာမြို့မှာ ကြွေးကြော် သံတွေ အော်ဟစ်ခဲ့ကြပါတယ်။

အစိုးရကတော့ ထောက်ပံ့မှု ဖျက်သိမ်းလိုက်တဲ့ အတွက် ထွက်လာတဲ့ ဒေါ်လာ သန်း ခြောက်ထောင်ကို ဆင်းရဲမွဲတေမှု တိုက်ဖျက်ရေး အတွက် ပိုမို အသုံးချ နိုင်တော့မယ်လို့ စောဒက တက်ခဲ့ပါတယ်။

ဟန်ဂေရီ ပါလီမန်ဒီမိုကရေစီကို အန္တရာယ်ပြုနိုင်တဲ့ ဖွဲ့စည်းပုံသစ် ဟန်ဂေရီ လက်မခံ

ဟန်ဂေရီ နိုင်ငံ ဘူဒါပတ်စ် မြို့မှာ ထောင်သောင်းချီတဲ့ လူတွေဟာ ဖွဲ့စည်းပုံ အခြေခံ ဥပဒေ အသစ်ကို ဆန့်ကျင် ဆန္ဒပြခဲ့ကြပြီး ဒီဖွဲ့စည်းပုံ အသစ်က ဒီမိုကရေစီကို အန္တရာယ်ပြုနိုင်တယ်လို့ သူတို့က ပြောပါတယ်။

ဗဟို လက်ယာယိမ်း အစိုးရက ပြဌာန်းတဲ့ ဒီဖွဲ့စည်းပုံ အခြေခံ ဥပဒေက တရားရုံးနဲ့ ဗဟိုဘဏ်တွေ အပါအဝင် လူထု ကိုယ်စားပြု အဖွဲ့တွေရဲ့ လွတ်လပ်မှုတွေကို လျှော့ချ ဖြတ်တောက် ထားတယ်လို့ ဆန္ဒပြသူတွေက ပြောပါတယ်။

အဲဒီ ဖွဲ့စည်းပုံ အသစ်ကို ဥရောပ သမဂ္ဂနဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်တို့ကလည်း ဝေဖန်ခဲ့ပါတယ်။

ဆိုမားလီးယား သူပုန်တွေကို ဝိုင်းရံ တိုက်ခိုက်နေဆိုမားလီးယား သူပုန်တွေကို ဝိုင်းရံ တိုက်ခိုက်နေ

ဆိုမားလီးယားနိုင်ငံက အစ္စလာမ် သူပုန်အဖွဲ့ဟာ အဘက်ဘက်က ညှပ်ပူးညှပ်ပိတ် ဝိုင်းဝန်းတိုက်ခိုက်တာကို ခံနေရပါတယ်။

အီသီယိုပီးယား တပ်ဖွဲ့တွေက ဆိုမားလီးယား သူပုန်တို့ရဲ့ အဓိက ရိက္ခာလမ်းကြောင်းဖြစ်တဲ့ ရှားဘဲလ် မြစ်ကူးတံတားကို တိုက်ခိုက်သိမ်းပိုက်ဖို့ ကြိုးစားနေပါတယ်။

အဲဒီ ဒေသကို အီသီယိုပီးယား တပ်တွေက ထိန်းချုပ်သွားနိုင်ရင် အယလ်ရှားဘတ် သူပုန်တွေ အတွက် တောင်ပိုင်း ကစ်မာယိုး က အကူအညီတွေအားလုံး မရနိုင်တော့ဘဲ ဆက်သွယ်ရေး လမ်းကြောင်းပြတ်တောက်သွားမှာ ဖြစ်ပါတယ်။

တချိန်တည်းမှာပဲ အစိုးရ ထောက်ခံတဲ့ လက်နက်ကိုင် အဖွဲ့အစည်းတွေက ဆိုမားလီးယားတောင်ပိုင်းနဲ့ အလယ်ပိုင်းမှာရှိတဲ့ သူပုန်တပ်ဖွဲ့တွေကို တိုက်ခိုက်နေပါတယ်။

ဆိုမားလီးယား စစ်တပ်ဦးစီးချုပ်က အခုတိုက်ခိုက်မှုတွေဟာ စစ်မျက်နှာ ပေါင်းစုံကနေ တပြိုင်တည်း တိုက်ခိုက်နေတာဖြစ်ပြီး ဆိုမားလီးယားတနိုင်ငံလုံးလွတ်မြောက်ရေးကို ရည်ရွ်ာယ်ဆောင်ရွက်နေတာလို့ ဆိုပါတယ်။

အကျဉ်းသား မိသားစုတွေက ထောင်ရှေ့မှာ မျှော်လင့် ချက် တွေနဲ့ စောင့်စား နေကြလွတ်လာသူတွေထဲ နိုင်ငံရေး အကျဉ်းသား မပါ သလောက်ဖြစ်

လွတ်လပ်ရေးနေ့ အထိမ်း အမှတ် အဖြစ် ထုတ်ပြန် ခဲ့တဲ့ သမ္မတ ဦးသိန်းစိန်ရဲ့ လွတ်ငြိမ်း ချမ်းသာခွင့် အရ မြန်မာ နိုင်ငံ အကျဉ်းထောင် အသီးသီးက အကျဉ်းသားတွေ အင်္ဂါနေ့က စတင် လွတ်မြောက်လာ ကြပါတယ်။

အဲဒီ ထဲမှာ နိုင်ငံရေး အကျဉ်းသား ၃၂ ယောက်ပဲ ပါတယ်လို့ လွတ်လာတဲ့ အကျဉ်းသား စာရင်းကို ပြုစုနေတဲ့ ထိုင်းနိုင်ငံ အခြေစိုက် AAPP နိုင်ငံရေး အကျဉ်းသားများ ကူညီ စောင့်ရှာက်ရေး အဖွဲ့ရဲ့ စာရင်း အရ သိရ ပါတယ်။

အခုလို ပြန် လွှတ်ပေး လိုက်သူတွေထဲမှာ နှစ်ရှည် ထောင်ဒဏ် ကျခံ နေရတဲ့ အထင်ကရ နိုင်ငံရေး အကျဉ်းသားတွေ တော့ မပါဝင် ပါဘူး။

အတိုက်အခံ အင်အားစုတွေ ကတော့ နိုင်ငံရေး အကျဉ်းသား အနည်း အကျဉ်း ကိုသာပြန် လွှတ်ပေးတဲ့ အတွက် စိတ်ပျက် မိကြောင်း ပြောပါတယ်။

ပြန်လွတ် လာသူတွေ အများစုဟာ ရာဇဝတ်မှုနဲ့ ထောင်ဒဏ် ကျခံ နေရသူတွေ ဖြစ်ကြ ပါတယ်။

အင်းစိန်ထောင်က ပြန်လွတ် လာကြသူ အကျဉ်းသား အတော်များများ ရှိပေမဲ့ နိုင်ငံရေး အကျဉ်းသားက သုံးယောက်ပဲ ပါရှိ ပါတယ်။

ပြီးခဲ့တဲ့ ၂၀၁၀ စက်တင်ဘာ ရွေးကောက်ပွဲနဲ့ ပတ်သက်ပြီး စာရွက် စာတမ်းတွေ တရားမဝင် ဖြန့်ချိမှုနဲ့ ထောင်ဒဏ် ၃ နှစ် ချမှတ် ခံခဲ့ရသူ ဖြစ်ပြီး လွတ်ရက် စေ့ဖို့ ၉လ အလိုမှာ အင်းစိန်ထောင် ကနေ ပြန်လွတ် လာတဲ့ မန္တလေးတိုင်း အန်အယ်လ်ဒီ လူငယ် တာဝန်ခံ ကိုသန်းနိုင်ဦး ကတော့ နိုင်ငံရေး အကျဉ်းသား အနည်းငယ် ကိုသာ ပြန်လွှတ်ပေးခဲ့တာ ကို အားမရ ဖြစ်မိပြီး များများ လွှတ်ပေး စေချင်တယ်လို့ ပြောပါတယ်။

အန်အယ်လ်ဒီရဲ့ တုံ့ပြန်ချက်

အကျဉ်းထောင်တွေ ထဲမှာ ရှိနေ ကြတဲ့ နိုင်ငံရေး အကျဉ်းသားတွေ အားလုံး ကို လွှတ်ပေးဖို့ နိုင်ငံတကာ အသိုင်း အဝိုင်း ကတောင်းဆိုနေတာ ဖြစ်သလို ဒေါ်အောင်ဆန်း စုကြည်နဲ့ အစိုးရပိုင်း ဆွေးနွေးမှုတွေ မှာလည်း လက်နက်ကိုင် တိုင်းရင်းသား များ အရေးနဲ့ နိုင်ငံရေး အကျဉ်းသား အရေးတို့ ပါဝင် ပါတယ်။

ဒါပေမဲ့ နိုင်ငံရေး အကျဉ်းသားတွေ အားလုံး ပြန်လွတ်မလာ သေးပေမဲ့ နောက်ထပ် ပြန်လွတ်လာဖို့ မျှော်လင့်နေသေးတယ်၊ အခု အားလုံး ပြန်လွှတ် မပေးသေး တာကြောင့် တော့ နှစ်ဘက် ဆွေးနွေးမှုတွေ အပေါ် တစုံတရာ ထိခိုက်မှု မရှိ နိုင်ဘူးလို့ အန်ယ်လ်ဒီ ဥက္ကဌ ဦးတင်ဦးက ပြောပါတယ်။

လွှတ်တော်တွင်းမှာ နိုင်ငံရေး အကျဉ်းသားတွေ အပေါ် စာနာ ဂရုဏာ သက်သူ လွှတ်တော် အမတ်တွေ ရှိနေသလို အကျဉ်းသားတွေ လွှတ်ပေးဖို့ အဆို တင်သွင်း ကြသူတွေ ထဲမှာ လွှတ်တော်တွင်းက တပ်မတော်သားတွေ လည်း ပါဝင်နေတာမို့ အကျဉ်းသားတွေ လွတ်မြောက်ရေး အတွက် အန်အယ်လ်ဒီက ဆက်လက် တောင်းဆို နိုင်မယ့် အခြေ အနေမျိုး ဖြစ်လာ လိမ့်မယ်လို့ မျှော်လင့်ကြောင်း ဦးတင်ဦးက ပြောပါတယ်။

တိုင်းပြည်ရဲ့ လုံခြုံရေးကို တာဝန်ယူရတဲ့ အစိုးရ အနေနဲ့ စိုးရိမ်မှု ရှိတာကို နားလည်နိုင် ကြောင်းနဲ့ တိုင်းပြည်ရဲ့ လုံခြုံရေးကို ထိခိုက် နိုင်သူတွေက ဘယ်သူတွေ ဖြစ် နိုင်တယ်၊ လွှတ်သင့် သူတွေက ဘယ်သူ ဖြစ်သင့်တယ် ဆိုတာ တွေကို အန်အယ်လ်ဒီနဲ့ အစိုးရ နှစ်ဘက် ညှိနှိုင်း ပြီး လိုချင်တဲ့ ရလဒ် အဖြေ ရလာဖို့ မျှော်လင့်တယ် လို့ လည်း ဦးတင်ဦးက ပြောပါတယ်။

နိုင်ငံရေးအကျဉ်းသားအာလုံး လွှတ်ပေးဖို့ ၈၈ ကျောင်းသားများတောင်းဆို

ကိုမင်းကိုနိုင်အပါအဝင် ၈၈ မျိုးဆက် ကျောင်းသား ခေါင်းဆောင်တွေ ပြန်မလွတ်သေး

မြန်မာအစိုးရအနေနဲ့ နိုင်ငံရေး အကျဉ်းသားတွေ ရှိတယ်ဆိုတာကို ရိုးသားစွာလက်ခံပြီး၊ သူတို့အားလုံးကို ခြွင်းချက်မရှိ ပြန်လွှတ်ပေးဖို့ ၈၈ မျိုးဆက် ကျောင်းသားများက တောင်းဆိုလိုက် ပါတယ်။

နိုင်ငံရေး အကျဉ်းသားပြဿနာနဲ့ ပြည်တွင်းစစ် ပြဿနာကိုဖြေရှင်းရာမှာ၊ အရှိကို အရှိ အတိုင်း လက်ခံကြဖို့ လိုအပ်ကြောင်းနဲ့ နိုင်ငံရေး အကျဉ်းသား မရှိဘူးလို့ အစိုးရက ငြင်းနေတာ ဟာ ပြဿနာကို ပိုမိုကြီးထွားလာစေမှာ ဖြစ်တယ်လို့ ၈၈ မျိုးဆက်ကျောင်းသား တဦးဖြစ်တဲ့ ကိုထွန်းမြင့်အောင်က ဘီဘီစီကို ပြောပါတယ်။

တိုင်းပြည်ကို တိုးတက်ချင်တယ် ဆိုရင် ဒီကိစ္စတွေကို နေ့ရွှေ့ ညရွှေ့ လုပ်နေလို့မရကြောင်းနဲ့ အခုလက်ရှိ ဖြစ်ပေါ်တိုးတက်မှုဆိုတာဟာလည်း အပေါ်ယံ သဘောပဲရှိကြောင်း ကိုထွန်းမြင့်အောင်က ဆက်ပြီး ပြောပါတယ်။

အမျိုးသားဒီမိုကရေစီ အဖွဲ့ချုပ် NLD အနေနဲ့လည်း တွေ့ဆုံဆွေးနွေးမှုကို သွားတဲ့နေရာမှာ အားလုံးပါဝင်နိုင်အောင် လုပ်ဆောင်သွားလိမ့်မယ်လို့ မျှော်လင့်ကြောင်း သူက ဆိုပါတယ်။

၈၈ မျိုးဆက်ကျောင်းသားတွေအနေနဲ့ နိုင်ငံရေး အကျဉ်းသား လွတ်မြောက်ရေးအတွက် လူထုကို အခြေပြုတဲ့ ငြိမ်းချမ်းတဲ့ လှုပ်ရှားမှုတွေကို ဆက်လက် လုပ်ဆောင်သွားမှာ ဖြစ်တယ်လို့လည်း သူကပြောပါတယ်။

Strait of Hormuz မှာ ဒုံးကျည် ပစ်လွှတ် စမ်းသပ်Hormuz က ရေကြောင်း သွားလာမှုတွေကို မနှောက်ယှက်ဘူးလို့ အီရန်ဆို

အီရန်ဟာ ကမ္ဘာပေါ်မှာ ရေနံတင် သင်္ဘောတွေ သွားလာမှုများတဲ့ Strait of Hormuz က ရေကြောင်း သွားလာမှုတွေကို နှောက်ယှက်မှာ မဟုတ်ပါဘူးလို့ ရေတပ် အဆင့်မြင့် အရာရှိ တယောက်က ပြောပါတယ်။

အနောက် အုပ်စု နိုင်ငံတွေက သူတို့နိုင်ငံရဲ့ ရေနံ တင်ပို့မှုကို ပိတ်ဆို့ အရေးယူမယ် ဆိုရင် ဒီရေလက်ကြားကို ပိတ်ပစ်မယ်လို့ အီရန်ကပြီးခဲ့တဲ့ သီတင်းပတ်တုန်းက ခြိမ်းခြောက်ခဲ့တာ ဖြစ်ပါတယ်။

အီရန်ဟာ သူတို့ရဲ့ ရေနံတင်ပို့မှု ပိတ်ပစ်မှာကို အဖြစ် မခံနိုင်တဲ့ အခြေအနေမှာ ရှိတယ်လို့ တီဟီရန်က ဘီဘီစီ သတင်းထောက်က ပြောပါတယ်။

ဒုံးကျည် ပစ်ခတ် စမ်းသပ်မှု နှစ်ကြိမ် အောင်မြင်စွာ လုပ်ဆောင်နိုင်ခဲ့တယ်လို့ အီရန်က ပြောနေတဲ့ ဟော်မူဇ်မှာ စစ်ရေးလေ့ကျင့်မှုတွေ နှစ်ပတ်ကြာ ပြုလုပ်ပြီးတဲ့နောက် အခုလို ရေကြောင်း သွားလာမှုတွေကို မနှောက်ယှက်တော့ပါဘူးလို့ ကြေညာခဲ့တာ ဖြစ်ပါတယ်။

မြန်မာနိုင်ငံ အကျဉ်းသားများ ထောင်ဒဏ်လျော့

မြန်မာနိင်ငံ အစိုးရအဖွဲ့ မှ သမ္မတ ဦးသိန်းစိန်က ၆၄ နှစ်ပြည့် လွတ်လပ်ရေး အထိမ်းအမှတ် အနေနဲ့ မြန်မာ နိုင်ငံ တဝန်း ရှိ ထောင်အသီးသီးမှ အကျဉ်းသားတွေကို ထောင်ဒဏ် တွေ လျှော့ပေးမယ်လို့ မနေ့က ထုတ်ပြန် ကြေညာ လိုက်ပါတယ်။

ကနေ့က စတင်ပြီး အကျဉ်းသားတွေ လွတ်ငြိမ်းခွင့် ပေးရာမှာ နိုင်ငံရေး အကျဉ်းသား ဘယ်နှစ်ယောက် ပါဝင်နိုင်မယ် ဆိုတာ မသိကြပါဘူး။ ထောင်ဒဏ် သက်တမ်းကိုဘဲ လျှော့ပေးမယ့် အနေအထားမှာ နှစ်ရှည်ထောင်ဒဏ် ကျခံနေရသူနိုင်ငံရေး အကျဉ်းသမား တွေ အနေနဲ့ လွတ်မြောက်ဘွယ်ရာ လမ်း မမြင်လို့ နိုင်ငံတော် ကို ပြန်လည် တည်ဆောက်ချိန်၊ မြန်မာ့နိုင်ငံရေးရဲ့ အဓိက သော့ချက် ကျတဲ့ အမျိုးသား ပြန်လည်ရင်ကြား စေ့ရေး အစီအစဉ်တွေ အပေါ် သက်ရောက် ထိခိုက်နိုင်မယ် လို့ ရန်ကုန်တိုင်း၊ အမျိုးသားလွှတ်တော် ကိုယ်စားလှယ် ဒေါက်တာ မြတ်ဉာဏစိုး က ဘီဘီစီ ကို ပြောပါတယ်။

ပြည်တွင်းက နိုင်ငံရေးပါတီတွေ၊ နိုင်ငံရေး အကျဉ်းသား မိသားစုတွေ၊ ပြည်သူတွေ ရော နိုင်ငံတကာ ကပါ နိုင်ငံရေး အကျဉ်းသားတွေ လွှတ်ပေးဖို့ အစိုးရ သစ်ကို ပန်ကြား ကြပေမယ့် သမ္မတ ရဲ့ လျှော့ရက် ခံစားရခွင့် ကို ကိုမင်းကိုနိုင် တို့လို ထောင်ဒဏ် ၆၅ နှစ် ချမှတ်ခံရ သူ နိုင်ငံရေး အကျဉ်းသားတွေ အနေနဲ့ နှစ် ၃ဝ ပဲ လျော့ပြီး ခံစားခွင့် ရှိနိုင်ပုံ ကို ဒေါက်တာ မြတ်ဉာဏစိုး က ရှင်းပြပါတယ်။

ပြည်ထောင်စု လွှတ်တော်က တဆင့် နိုင်ငံရေး အကျဉ်းသား လွှတ်ပေးရေး တောင်းဆို ဖို့ ဆိုရာမှာလည်း အုပ်ချုပ်မှု အာဏာ လက်ဝယ် မရှိတဲ့ အတွက် အမှု အလိုက် ပြန်လည် စစ်ဆေးပေးရန်သာ တောင်းခံနိုင်ကြောင်း ဘီဘီစီ ကို ဒေါက်တာ မြတ်ဉာဏစိုး က ပြောပါတယ်။

အစ္စရေးနဲ့ ပါလက်စတိုင်း ကိုယ်စားလှယ်တို့ ဆွေးနွေးမယ်

ပါလက်စတိုင်း သမ္မတနဲ့ PLO အမှုဆောင်တွေ ဒီဇင်ဘာ ၃၁ ရက်နေ့ကတွေ့ဆုံခဲ့

အစ္စရေးနဲ့ ပါလက်စတိုင်း တို့ရဲ့ ညှိနှိုင်းရေး ကိုယ်စားလှယ်တွေဟာ ၁ နှစ်ကျော် အချိန် အတွင်း ပထမဦးဆုံး အကြိမ် ပြန်လည် တွေ့ဆုံ ဆွေးနွေးမှုတွေ စတင် တော့မှာ ဖြစ်ပါတယ်။

ဒါပေမယ့်လို့ ကိုယ်စားလှယ်တွေက ငြိမ်းချမ်း ရေး ဆွေးနွေးမှုတွေ ချက်ခြင်း ပြန်စနိုင်မယ် ဆိုတဲ့ မျှော်လင့်ချက်မျိုးတော့ ဖေါ်ပြပြောဆိုခြင်း မရှိပါ။

သူတို့ဟာ ဂျော်ဒန်နိုင်ငံမှာ ဆွေးနွေးကြမှာ ဖြစ်ပြီး၊ အစည်းအဝေးကို ကုလသမဂ္ဂ၊ အမေရိကန်၊ ရုရှားနဲ့ ဥရောပသမဂ္ဂက ကိုယ်စားလှယ်တွေပါ တက်ရောက် ကြမှာ ဖြစ်ပါ တယ်။

အရှေ့အလယ်ပိုင်းဒေသတွေမှာ ပြီးခဲ့တဲ့နှစ်အတွင်း အရှိန်အဟုန်နဲ့ ပြောင်းလဲမှုတွေ ဖြစ်ပွားခဲ့တာကြောင့် ပါလက်စတိုင်းနဲ့ အစ္စရေးတို့ အနေနဲ့လည်း ရှေရှည်တည်တန့်မယ့် ငြိမ်းချမ်းရေး အတွက် ကြိုးစား အဖြေရှာဖို့ ဖိအားပေးမှုတွေ ခံနေကြရတာ ဖြစ်ပါ တယ်။

၂၀၁၀ ခုနှစ်ကုန်လောက်က ပြုလုပ်ခဲ့တဲ့ ဆွေးနွေးမှုတွေကတော့ အစ္စရေးတို့ဘက်က ဂျော်ဒန် အနောက်ဘက်ကမ်းမှာ ဂျူးအခြေချ အိမ်ယာတွေ ပြန်ဆောက်တဲ့အတွက် ပျက်ပြား သွားခဲ့ရ ပါတယ်။

အီဂျစ်နိုင်ငံမှာ တတိယအဆင့် ရွေးကောက်ပွဲတွေ ကျင်းပ

အခု မဲပေးပွဲပြီးရင်တော့ အထက်လွှတ်တော် အတွက် ရွေးကောက်ပွဲကျင်းပမှာ ဖြစ်ပါတယ်

အီဂျစ်နိုင်ငံ အောက်လွှတ်တော်အတွက် တတိယနဲ့ နောက်ဆုံးမြောက် ရွေးကောက်ပွဲ တွေ စတင်နေပြီ ဖြစ်ရာ၊ မဲဆန္ဒရှင်တွေဟာ မဲပေးဖို့အတွက် မဲရုံအပြင်ဘက်တွေမှာ တန်းစီ စောင့်ဆိုင်းနေကြပါတယ်။

အခုရွေးကောက်ပွဲတွေဟာ အီဂျစ်နိုင်ငံ လက်ရှိ သမိုင်းမှာ တရားမျှတမှုနဲ့ လွတ်လပ်မှု အရှိဆုံး ရွေးကောက်ပွဲတွေ ဖြစ်ပုံပေါ်တယ်လို့၊ ကိုင်ရိုရှိ ဘီဘီစီ သတင်းထောက်က ပြောပါတယ်။

အောက်လွှတ်တော်အတွက် မဲပေးပွဲတွေ ပြီးရင်တော့ အထက်လွှတ်တော်အတွက် ရွေးကောက်ပွဲ ကျင်းပမှာ ဖြစ်ပါတယ်။

အဲဒီနောက် လက်ရှိအုပ်ချုပ်နေတဲ့ စစ်ကောင်စီဟာ အရပ်သားအုပ်ချုပ်မှုအတွက် ပုံဖေါ် ပေးမယ်လို့ မျှော်လင့်ရပါတယ်။

ပြီးခဲ့တဲ့ သီတင်းပတ်ကတော့ အီဂျစ်အာဏာပိုင်တွေဟာ ဒီမိုကရေစီနဲ့ လူ့အခွင့်အရေး အဖွဲ့တွေရဲ့ ရုံးတွေကို ဝင်စီးခဲ့တာကြောင့် အာဏာပိုင်တွေအပေါ် ဝေဖန်ရှုတ်ချမှုတွေ ကျယ်ကျယ် ပြန့်ပြန့်ဖြစ်ခဲ့ပါတယ်။

တောင်ပိုင်းဆူဒန်က တိုက်ခိုက်မှုတွေကြောင့် လူအများအပြားသေဆုံး

လူမျိုးစုတွေအကြား ကျွဲနွားတွေ ရယူလိုမှု ပဋိပက္ခနဲ့ စပ်ဆက်ပြီး တိုက်ခိုက်နေကြတာပါ

တောင်ပိုင်း ဆူဒန်နိုင်ငံ အရှေ့ဘက် ဂျွန်ဂလေး ပြည်နယ်မှာ ပြိုင်ဘက် လူမျိုးစုတွေကြား တိုက်ခိုက်မှုတွေ ဖြစ်ပွားခဲ့တဲ့အတွက် လူအတော်များများ သေဆုံးသွား တယ်လို့ သတင်းတွေ ရရှိပါတယ်။

လူမျိုးစုတွေ အကြား ကျွဲနွားတွေ ရယူလိုမှုနဲ့ ပတ်သက်ပြီး ကြာရှည် ဖြစ်ပွားနေတဲ့ ပဋိပက္ခနဲ့ ဆက်စပ်ပြီး အခုလို တိုက်ခိုက်မှုတွေ ဖြစ်ပွားခဲ့ တာပါ။

မကြာသေးခင် ရက်ပိုင်းတွေအတွင်း Lou Nuer လူမျိုးစုတွေဘက်က တိုက်ခိုက်ရေး သမားတွေဟာ Murle လူမျိုးစု ထောင်ပေါင်းများစွာကို အိမ်တွေကနေ မောင်းထုတ်ခဲ့ကြ ပါတယ်။

Murle အမျိုးသမီးတဦး ဘီဘီစီကို ပြောပြရာမှာ - သူ့ရဲ့ဆွေမျိုး အယောက် ၂၀ ဟာ ကန်ဂျန်မြစ် အနီးမှာ ပုန်းအောင်ဖို့ ပီဘိုမြို့ကနေ ထွက်ပြေးသွားရာ ပစ်သတ်ခံလိုက်ရတယ် လို့ ဆိုပါတယ်။

အဲဒီဒေသမှာ ပစ်သတ်ခံလိုက်ရသူအပါအဝင် မြစ်ထဲမှာ ရေနှစ်သတ်ခံရတဲ့ လူပေါင်းဟာ ရာနဲ့ချီ ရှိတယ်လို့ သတင်းတွေက ဆိုပါတယ်။

လွတ်လပ်ရေး ၆၄ နှစ်ပြည့်ပေမယ့် လွတ်လပ်ရေးအတွက် ရုန်းကန်ရဆဲ

By မခင်ဖြူထွေး

ဒီနေ့ ဇန်န၀ါရီလ ၄ ရက်နေ့ဟာ ဗြိတိသျှ ကိုလိုနီလက်အောက်ကနေ မြန်မာနိုင်ငံ လွတ်လပ်ရေးရခဲ့တာ (၆၄) ပြည့်တဲ့ အချိန်ဖြစ်ပါတယ်။ သူ့ကျွန်ဘ၀က လွတ်မြောက်ခဲ့ပြီးတဲ့နောက် နှစ် ၆၀ ကျော် ကာလအတွင်း ကိုယ့်အမျိုးသား အုပ်ချုပ်မှု အောက်မှာ မြန်မာပြည်သူ ပြည်သားတွေ လွတ်လပ်ခြင်း ဆိုတာကို အပြည့်အ၀ ခံစားခဲ့ကြရပါသလား။ လွတ်လပ်ခြင်းလို့ ဆိုတဲ့နေရာမှာရော ဘယ်လို အခြေအနေမျိုးကို ဆိုရမှာပါလဲ။ ကဗျာဆရာ မောင်စွမ်းရည်ကတော့ လွတ်လပ်ရေး ဆိုတာ ကို နိုင်ငံတော်သီချင်းထဲမှာ အဓိပ္ပာယ်ဖွင့်ဆိုထားပြီး ဖြစ်တယ်လို့ ပြောပါတယ်။

“နိုင်ငံတော်သီချင်းထဲမှာ တရားမျှတ၊ လွတ်လပ်ခြင်းနဲ့မသွေ၊ တို့ပြေ၊ တို့မြေ၊ များလူခပ်သိမ်း ငြိမ်းချမ်းစေဖို့ ခွင့်တူညီမျှ ဝါဒဖြူစင်တဲ့ပြေ၊ တို့ပြေ၊ တို့မြေ ဆိုတာ - အဲဒါ လွတ်လပ်ရေးရဲ့ အဓိပ္ပာယ်ပါပဲ၊ တရားမျှတရမယ်၊ ခွင့်တူညီမျှ ရှိရမယ်။ သူ့ကျွန်ဘဝကလွတ်မြောက်ရမယ်။ သူ့ကျွန်ဘဝဆိုတာက အရင်တုန်းကတော့ နိုင်ငံခြားအုပ်ချုပ်မှု၊ တိုင်းတပါးအုပ်ချုပ်မှု၊ အင်္ဂလိပ်ကျွန်ဘဝကနေ လွတ်မြောက်တာပေါ့။ နောက်ထပ် တရားမျှတတဲ့၊ ခွင့်တူညီမျှတဲ့အခွင့်အရေးတွေရှိတဲ့ ပြည်သူတွေရဲ့ဘဝကို လွတ်လပ်တဲ့ဘဝ၊ လွတ်လပ်တဲ့ခေတ်၊ လွတ်လပ်ရေးရတယ်လို့ ဆိုလိုတာဖြစ်ပါတယ်”

တိုင်းတပါးကျွန်ဘ၀က လွတ်မြောက်ခဲ့ပေမဲ့လည်း ကိုယ့်အမျိုးသား အုပ်ချုပ်မှုအောက်မှာ မြန်မာပြည်သူတွေ လွတ်လပ်ခြင်းအတွက် ဆက်လက် တိုက်ပွဲဝင်နေရတုန်းပဲလို့ စွယ်စုံအနုပညာရှင် ဒါရိုက်တာဝင်းဖေကလည်း အခုလို သုံးသပ် ပြောဆိုပါတယ်။

“လူတွေရဲ့လုပ်ပိုင်ခွင့်၊ ပြောပိုင်ခွင့်၊ ဆိုပိုင်ခွင့် နော်- အဲဒီကိစ္စတွေနဲ့ပတ်သက်လို့ကတော့ ဗမာပြည်မှာ အထင်အရှားပဲ၊ အားလုံးကပဲ ယူဆတယ်။ နှစ်ပေါင်း ၃-၄၀ ရှိပြီ။ စစ်တပ်အုပ်ချုပ်ရေးအောက်မှာ လွတ်လပ်ခွင့်မရှိတော့ဘူး။ ဒါကတော့ ကိုယ့်စစ်တပ်အောက်မှာ၊ ကိုယ့်အမျိုးသားအုပ်ချုပ်မှုအောက်မှာကိုယ် လွတ်လပ်မှုမရှိတော့တာ။ ဒါကြောင့်မို့ ဒီကနေ့အထင်အရှားပြောတယ်။ ဒုတိယလွတ်လပ်ရေးတိုက်ပွဲဆိုပြီးတော့-ဒီကနေ့ လွတ်လပ်ခွင့်အတွက် တိုက်ပွဲဝင်နေကြတဲ့ ပြည်သူလူထုပေါ့လေ။ ဒုတိယလွတ်လပ်ရေးကြိုးပမ်းမှုလို့ဆိုတယ်။ ကျနော်တို့က အင်္ဂလိပ်လက်အောက်ကနေ လွတ်လပ်ရေးရခဲ့တာ မှန်တယ်။

သို့သော်လည်း ကိုယ့်အမျိုးသားချင်းကိုယ် ပြန်ပြီးတော့ ကိုယ့်စစ်တပ်အောက်မှာ ပြန်ပြီးတော့လွတ်လပ်ရေးဆုံးရှုံးခဲ့တယ်။ အခု လွတ်လပ်ရေးရအောင် ပြန်ပြီးကြိုးပမ်းနေကြရတယ်။ အထင်ရှားဆုံး တချက်ကတော့ပေါ့ဗျာ။ ဗမာပြည်မှာ နိုင်ငံရေးအကျဉ်းသားဆိုတာနဲ့ ပတ်သက်လို့ အခု အရေးတကြီးတောင်းဆိုနေကြရတယ်။ မလွတ်မလပ်ဖြစ်နေတယ်။ ဒါကိုက- နိုင်ငံရေးအကျဉ်းသားဆိုတာ ရာဇဝတ်အကျဉ်းသားမဟုတ်ဘူးဗျ။ ဒီလွတ်လပ်ရေးတိုက်ခိုက်မှုနဲ့ပတ်သက်လို့ လူ့အခွင့်အရေးတိုက်ခိုက်မှုနဲ့ပတ်သက်လို့၊ ဒီမိုကရေစီရေးတိုက်ခိုက်မှုနဲ့ပတ်သက်လို့ ချုပ်ထားတာ၊ ဒါဟာ မလွတ်လပ်ခြင်းရဲ့ အဓိကထင်ရှားတဲ့အချက်တခုပါပဲ။ ဒိပြင်နည်းတွေနဲ့မလွတ်လပ်တာတွေလည်း အများကြီးပါပဲ။ ”

ဒီကနေ့ မြန်မာနိုင်ငံမှာ အရပ်သား အစိုးရတက်လာပြီးနောက်ပိုင်း နိုင်ငံရေးအရ တိုးတက်မှုတချို့ ရှိလာတယ်၊ လွတ်လပ်မှုတချို့ ရလာတယ်လို့ ယူဆ ပြောဆိုမှုတွေ ရှိသလို ဒီအခြေအနေတွေကို အကောင်းဘက်ကို ဆက်ပြီး ဦးတည် ကြိုးပမ်းသွားဖို့လိုတယ်လို့ ဆရာမောင်စွမ်းရည်က ပြောပါတယ်။

“အရပ်သားအစိုးရရယ်လို့ ဖြစ်လာတဲ့အခါမှာ စစ်ကျွန်ဘဝကနေပြီးတော့ အရပ်သားအစိုးရရယ်လို့ ပြောင်းလာတယ်ဆိုတာ တိုးတက်မှုတခုလို့ ဆိုနိုင်ပါတယ်။ အဲဒီတိုးတက်မှုကနေပြီးတော့ ဆက်လက်ပြီးတော့ ၂၀၀၈ အခြေခံဥပဒေလို ဟာမျိုးထဲက စစ်တပ်ကိုသာ အရှင်သခင်၊ စစ်တပ်ကအချိန်မရွေး အုပ်ချုပ်၊ အာဏာသိမ်းနိုင်တယ်။ စစ်တပ်ကို အရေးမယူနိုင် ဆိုတာမျိုးတွေပေါ့လေ- အဲလိုသဘောတရားမျိုးတွေ ပျောက်သွားအောင် ဆက်လက်လုပ်နိုင်မယ်ဆိုလို့ရှိမှသာလျှင် တကယ့်လွတ်လပ်တဲ့ အခြေအနေကိုရောက်မယ်။ တရားမျှတပြီးတော့ လူတိုင်း ခွင့်တူညီမျှရှိမယ်ဆိုပြီးတော့ အခုတော့ နိုင်ငံတော်သီချင်းထဲမှာပါတဲ့ ခွင့်တူညီမျှ ဆိုတာမျိုး၊ တရားမျှတတာမျိုး မရှိသေးတဲ့အတွက်ကြောင့် လုံးဝလွတ်လပ်တဲ့ အခြေအနေကို မရောက်သေးဘူးလို့ ယူဆပါတယ်ဗျာ”

မြန်မာနိုင်ငံမှာ ယုံကြည်ချက်ကြောင့် အကျဉ်းကျနေသူ ၁ ထောင်ကျော် ရှိနေတုန်းပဲလို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း အေအေပီပီရဲ့ နောက်ဆုံးပြုစုထားတဲ့ စာရင်းမှာ ဖော်ပြထားပါတယ်။ သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်အမိန့်နဲ့ မနေ့က အကျဉ်းသားတချို့ ပြန်လည် လွတ်မြောက်ခဲ့တာမှာလည်း နိုင်ငံရေး အကျဉ်းသားကတော့ ဆယ်ဂဏန်းသာ ရှိခဲ့တာမို့ လက်ရှိ အရပ်သားအစိုးရဟာလည်း လွတ်လပ်ခွင့် အပါအ၀င် အခြေခံ လူ့အခွင့်အရေးတွေကို ကန့်သတ်ပိတ်ပင် နေတုန်းပဲလို့ သုံးသပ်သူတွေက ဝေဖန်ပြောဆိုနေကြတာ ဖြစ်ပါတယ်ရှင်။

လက်ထောက်နိုင်ငံခြားရေးဝန်ကြီး ကမ့်ဘဲလ် ဘေဂျင်းကိုဆိုက်ရောက်

By ဗွီအိုအေ (မြန်မာဌာန)

အမေရိကန်လက်ထောက်နိုင်ငံခြားရေးဝန်ကြီး ကပ်၊ ကမ့်ဘဲလ် (Kurt Campbell)ဟာ မြန်မာ့အရေးအပါအဝင် နှစ်နိုင်ငံ အကျိုးတူ ကိစ္စရပ်တွေကိုဆွေးနွေးဖို့အတွက် တရုတ်နိုင်ငံ၊ ဘေဂျင်းမြို့ကို ဒီကနေ့ အင်္ဂါနေ့မှာ ရောက်ရှိသွားပါတယ်။

မြောက်ကိုရီးယားခေါင်းဆောင် ကင်မ်ဂျုံအီးလ်သေဆုံးပြီးတဲ့နောက် အရှေ့မြောက်အာရှဒေသကို အမေရိကန် အဆင့်အမြင့်ဆုံး တာဝန်ရှိသူတဦး ပထမဆုံးအနေနဲ့ သွားရောက်တာဖြစ်ပါတယ်။ ဇန်နဝါရီလ ၃ ရက်နေ့ကနေ ၇ ရက်နေ့အထိ ၄ ရက်ကြာမယ့် ဒီခရီးစဉ်အတွင်း တောင်ကိုရီးယားနိုင်ငံ၊ ဆိုးလ်မြို့နဲ့ ဂျပန်နိုင်ငံ၊ တိုကျိုမြို့တို့ကိုလည်း ခရီးဆက်မှာဖြစ်ပါတယ်။

တရုတ်၊ တောင်ကိုရီးယားနဲ့ ဂျပန်နိုင်ငံခရီးစဉ်အတွင်းမှာ မစ္စတာ ကပ်၊ ကမ့်ဘဲလ်အနေနဲ့ မြန်မာနိုင်ငံရဲ့ နောက်ဆုံးဖြစ်ထွန်းမှုတွေ အပါအဝင် အိမ်ရှင်နိုင်ငံတွေနဲ့ ၂ နိုင်ငံအကြား အရေးကြီးတဲ့ကိစ္စရပ်တွေ၊ ဒေသတွင်းနဲ့နိုင်ငံတကာရေးရာတွေကိုလည်း ကျယ်ကျယ်ပြန့်ပြန့် ဆွေးနွေးဖို့ရှိတယ်လို့ အမေရိကန်နိုင်ငံခြားရေးဝန်ကြီးဌာနက ပြီးခဲ့တဲ့သီတင်းပတ်တုန်းက သတင်းထုတ်ပြန်ထားပါတယ်။

နျူကလီယားလက်နက်တွေပိုင်ဆိုင်တဲ့ မြောက်ကိုရီးယားနိုင်ငံနဲ့ အိမ်နီးချင်းတွေဖြစ်ကြတဲ့ တရုတ်၊ တောင်ကိုရီးယားနဲ့ ဂျပန်နိုင်ငံတို့ဟာ ရှေ့မတိုး၊ နောက်မဆုတ်တန့်နေတဲ့ မြောက်ကိုရီးယား နျူကလီယားအရေး ၆ နိုင်ငံဆွေးနွေးပွဲမှာ ပါဝင်ဆွေးနွေးကြတဲ့နိုင်ငံတွေ ဖြစ်ပါတယ်။

Republican သမ္မတကိုယ်စားလှယ်လောင်းရွေးချယ်မှု Iowa မှာစတင်

By ဗွီအိုအေ (မြန်မာဌာန)

ဒီနှစ်နိုဝင်ဘာလကျရင်ကျင်းပမယ့် အမေရိကန်ပြည်ထောင်စုက သမ္မတရွေးကောက်ပွဲမှာ လက်ရှိသမ္မတ ဘရက်ခ် အိုဘားမားကို စိန်ခေါ်ယှဉ်ပြိုင်မယ့် ရီပါဘလစ်ကန်ပါတီဘက်က သမ္မတလောင်းကိုရွေးချယ်ဖို့ ပထမအဆင့်အနေနဲ့ အိုင်အိုဝါ(Iowa) ပြည်နယ်မှာ ရီပါဘလစ်ကန်ပါတီဝင်တွေ ဒီကနေ့ မဲပေးရွေးချယ်ကြပါလိမ့်မယ်။

မဲပေးကြမယ့်သူတွေဟာ ဘုရားကျောင်းတွေ၊ စာသင်ကျောင်းတွေနဲ့ တခြားနေရာတွေမှာစုဝေးကြပြီး သူတို့ရဲ့သမ္မတလောင်းကို မဲပေး ရွေးချယ်ကြမှာပါ။ နောက်ဆုံးထွက် ပေါ်လာတဲ့ သဘောထားစစ်တမ်းကောက်ယူမှုတွေအရ  သမ္မတလောင်းဝင်ရွေးဖို့ ပြင်နေကြတဲ့ ရီပါဘလစ်ကန်တွေထဲမှာ မက်ဆာချူးဆက်ပြည်နယ်၊ အုပ်ချုပ်ရေးမှူးဟောင်း Mitt Romney က ဦးဆောင်နေတယ်လို့ဆိုပါတယ်။

သူ့နောက်မှာ ကပ်ပြီးလိုက်နေတာက တက္ကဆက်ပြည်နယ်ရဲ့လွှတ်တော်ကိုယ်စားလှယ် Ron Paulနဲ့ ပင်ဆလ်ဗေးနီးယားပြည်နယ်က အထက်လွှတ်တော်ကိုယ်စားလှယ်ဟောင်း Rick Santorum တို့ဖြစ်ပါတယ်။ သူတို့တွေအချင်းချင်း တယောက်ကို တယောက် ဝေဖန်မှုတွေ ရက်အတော်ကြာလုပ်ခဲ့ကြပြီးတဲ့နောက်ပိုင်းမှာ မနေ့တုန်းကတော့ ဒီမိုကရက်ပါတီဝင်ဖြစ်တဲ့ သမ္မတအိုဘားမားကို အာရုံစိုက်ပြီး ဝေဖန်ပြောဆိုခဲ့ကြပါတယ်။

Mitt Romney က သမ္မတအိုဘားမားလက်ထက် စီးပွားရေး အခြေအနေတွေကိုဝေဖန်ခဲ့ပြီး Rick Santorum ကတော့ စီးပွားရေးလုပ်ငန်း အတွက် ချမှတ်ထားတဲ့စည်းမျဉ်းစည်းကမ်းတွေနဲ့ပတ်သက်ပြီး သမ္မတအိုဘားမားရဲ့အုပ်ချုပ်စီမံမှုတွေကို ဝေဖန်တိုက်ခိုက်ခဲ့ပါတယ်။

နိုင်ငံရေးအကျဉ်းသားလွှတ်ရေး သတ္တိရှိရှိလုပ်ဆောင်ဖို့ အမတ်တွေ တိုက်တွန်း

By ကိုသားညွန့်ဦး

ဒီကနေ့ အကျဉ်းသားတွေ လွတ်မြောက်လာရာမှာ မျှော်လင့်ထားသလိုဖြစ်မလာဘဲ နိုင်ငံရေးအကျဉ်းသားတွေ အနည်းအကျဉ်းပဲ ပါဝင်တာကြောင့် နိုင်ငံရေးအကျဉ်းသား လွတ်ရေးအတွက် လွှတ်တော်တွင်း တိုက်တွန်းပြောဆိုခဲ့ကြတဲ့ လွှတ်တော်အမတ်တွေ စိတ်ပျက်လက်ပျက်ဖြစ်ခဲ့ကြပါတယ်။ သမ္မတဦးသိန်းစိန်အနေနဲ့ အပြောင်းအလဲတွေကို သတ္တိရှိရှိနဲ့ ရဲရဲတင်းတင်း ဆောင်ရွက်သွားဖို့လိုမယ်လို့လည်း လွှတ်တော်အမတ်တွေက တိုက်တွန်းပါတယ်။ ကိုသားညွန့်ဦးက ဆက်သွယ်မေးမြန်းထားပါတယ်။

ယုံကြည်ချက်ကြောင့် အကျဉ်းကျနေသူ နိုင်ငံရေးအကျဉ်းသားတွေကို လွှတ်ပေးဖို့ လွှတ်တော်တွင်းမှာလည်း တိုက်တွန်းမှုတွေရှိခဲ့ပါတယ်။ ဒါပေမယ့် အခု အစိုးရသစ်လက်ထက် တတိယအကြိမ်မြောက် အကျဉ်းသားတွေ လွှတ်တဲ့အချိန်အထိ နိုင်ငံရေးအကျဉ်းသားတွေကို မယ်မယ်ရရ လွှတ်တာ မတွေ့ရတဲ့အပေါ် နိုင်ငံရေးအကျဉ်းသားတွေလွှတ်ပေးဖို့ တိုက်တွန်းခဲ့ကြတဲ့ လွှတ်တော်အမတ်တွေက အားမလိုအားမရ ဖြစ်ခဲ့ကြပါတယ်။

အမျိုးသားလွှတ်တော် ရခိုင်ပြည်နယ်မဲဆန္ဒနယ်အမှတ် (၁) ကိုယ်စားလှယ် ဦးအေးမောင်ကတော့ သမ္မတဦးသိန်းစိန်အနေနဲ့ အပြောင်းအလဲတွေကို သတ္တိရှိရှိ ဖော်ဆောင်ဖို့ တိုက်တွန်းပြောဆိုပါတယ်။

“သမ္မတကြီးအနေနဲ့ ဒီတခေါက် သူလွှတ်တာရှုံးတာပေါ့၊ ကျနော်တို့ မြင်တာက- ကျနော်တို့လည်း ပြောပါတယ်။ သမ္မတကြီးဟာပြည်သူ့မေတ္တာကို ယူဖို့လိုတယ်။ အဲဒီလို မစို့မပို့လေး လုပ်ခဲ့တဲ့ အခါကျတော့ ရသင့်တဲ့မေတ္တာ သူမရသွားဘူး။ သတ္တိရှိဖို့ သမ္မတကြီးကို တိုက်တွန်းပါတယ်။ ရဲရဲဝံ့ဝံ့ နိုင်ငံရေးအားဖြင့်၊ ယုံကြည်ချက်အားဖြင့် အကျဉ်းချခံထားရတဲ့ သူတွေကိုလွှတ်ပေးပါ။ ကျောင်းသား ခေါင်းဆောင်တွေအပါအဝင် တိုင်းရင်သားခေါင်းဆောင်တွေကို လွှတ်ပေးပါ။ ရဲရဲဝံ့ဝံ့လွှတ်ပေးပါ၊ ကျနော်တို့ တိုင်းပြည်ကို ငြိမ်းငြိမ်းချမ်းချမ်းအေးအေးချမ်းချမ်းနဲ့ ပြုပြင်တဲ့နေရာမှာ ဒီအကျဉ်းကျခံနေ ရတဲ့ ပုဂ္ဂိုလ်တွေရဲ့အား၊ သူတိုရဲ့အတွေးအခေါ်အယူဆတွေ အများကြီးလိုအပ်ပါတယ်။

ကျနော်တို့ဟာ ပူးပေါင်းလုပ်ဖို့ အချိန်တန်ပါပြီ။ ဒီနေ့ မလွှတ်မိရင်တောင်မှလေ လွတ်လပ်ရေးနေ့မှာ လွှတ်ပေးပါ။ နောက်အကျဆုံးကျနော်တို့ တောင်းဆိုတာကတော့ ပြည်ထောင်စုနေ့ပေါ့ဗျာ၊ ကျနော်တို့က အကုန်လုံး လွတ်လွတ်လပ်လပ် ဖြစ်ပြီးကာမှ တိုင်းပြည်ကို ပြန်တည်ဆောက်ကြတဲ့အခါ သူတို့ရဲ့အား၊ ကျနော်တိုရဲ့အား၊ သမ္မတကြီးတို့ရဲ့အားနဲ့တိုင်းပြည်ကို ပြန်ကယ်တင်ချင်တာ မြင်ချင်ပါတယ်”

ရန်ကုန်တိုင်းဒေသကြီး သင်္ကန်းကျွန်းမြို့နယ် ပြည်သူ့လွှတ်တော်ကိုယ်စားလှယ် ဦးသိန်းညွှန့်ကတော့ နိုင်ငံရေးအကျဉ်းသားတွေ လွတ်မြောက်ရေးကို လွှတ်တော်အတွင်းကနေ ဆက်ပြီး ကြိုးစား ဆောင်ရွက်သွားမယ်လို့ ပြောပါတယ်။

“ဘာပဲပြောပြောပေါ့ဗျာ။ တစုံတရာ ယုံကြည်ချက်ကြောင့် အကျဉ်းသားတွေပါရင်တော့ အကျဉ်းသားတွေ လွတ်လာတာကို ကျနော်တို့ ကြိုဆိုပါတယ်။ အသိအမှတ်ပြုပါတယ်။ ဒါပေမယ့် အားရစရာအခြေအနေ မရှိသေးတာတော့ အမှန်ပဲ။ ဒါကြောင့် ရှေ့ကို အထွေထွေ လွတ်ငြိမ်း ချမ်းသာခွင့် ဒီထက်ကို သင်ပုန်းချေ အထွေထွေလွတ်ငြိမ်းချမ်းသာခွင့်မျိုး ထွက်လာအောင် ကျနော်တို့ လွှတ်တော်လမ်းကြောင်းကနေ ကြိုးပမ်းရမှာပဲ။

ဒီမိုကရေစီအရေးအတွက် စတင် ပေးဆပ်ခဲ့တဲ့ ဒီကျောင်းသားခေါင်းဆောင်တွေ ပြန်လွတ်လာဖို့ အတွက်တော့ ကျနော်တို့ ဆက်လက် ကြိုးပမ်းရမယ်၊ ဒီအပေါ်မှာတော့ စိုက်လိုက်မတ်တပ် ဆောင်ရွက်ရမှာပါပဲ”

ယုံကြည်ချက်ကြောင့် အကျဉ်းကျသူတွေဟာ အခု လွတ်လပ်ရေးနေ့နဲ့ လာမယ့် ဖေဖော်ဝါရီ၊ ပြည်ထောင်စုနေ့တွေမှာ ပြန်လည်လွတ်မြောက်လာလိမ့်မယ်လို့ ဒီမတိုင်ခင်ကတည်းက သတင်းတွေ ထွက်ခဲ့ပါတယ်။ ဒါကြောင့်လည်း ဒီနှစ်ဆန်းပိုင်း နိုင်ငံရေးအကျဉ်းသားအားလုံးလွတ်ဖို့အထိ မျှော်လင့်ခဲ့ကြတာပါ။

အစိုးရအဖွဲ့အတွင်းကရော လွှတ်တော်ပိုင်းက တာဝန်ရှိသူတွေကပါ ယုံကြည်ချက်ကြောင့် အကျဉ်းကျသူတွေ မကြာခင် ပြန်လွတ်လာနိုင်တယ်လို့ ပြောတာ ဆိုတာတွေလည်း ရှိခဲ့ပါတယ်။ ဒါပေမယ့် အခုအချိန် ထင်ရှားတဲ့ကျောင်းသားခေါင်းဆောင်တွေ တိုင်းရင်းသားခေါင်းဆောင်တွေ အပါအဝင် နိုင်ငံရေးအကျဉ်းသားတွေ လွတ်မလာတာဟာ အာဏာပိုင်အဖွဲ့အစည်းအတွင်း သဘောထား မညီမှုတွေရှိနေတာကြောင့်လို့ ယူဆကြပါတယ်။

အထူးသဖြင့် လွတ်ငြိမ်းချမ်းသာခွင့်အမိန့်တွေကို ဆုံးဖြတ်ရမယ့် နိုင်ငံတော် ကာကွယ်ရေးနဲ့ လုံခြုံရေးကောင်စီအတွင်းမှာ သဘောထားမညီမှု ရှိနေနိုင်တယ်လို့ ယူဆကြပါတယ်။ ဦးအေးမောင်ကတော့ ဒီလို သဘောထားမညီတာတွေရှိပေမယ့် ကာ/လုံ ထဲမှာပါဝင်တဲ့ သမ္မတနဲ့ လွှတ်တော်ဥက္ကဋ္ဌတွေဟာ နိုင်ငံတကာနဲ့မြန်မာ ပကတိအခြေအနေတွေကို သုံးသပ်နိုင်မယ်လို့ ယူဆပါတယ်။

“ကျနော်ထင်တယ် နိုင်ငံတော်ရဲ့ အကြီးအကဲပဲလေ။ ဖွဲ့စည်းပုံအခြေခံဥပဒေအရ ဒီမိုကရေစီ ရွေးကောက်ပွဲအရ တက်လာတဲ့ အစိုးရဟာ ကာကွယ်ရေးဦးစီးချုပ်ရဲ့ အထက်မှာလည်း ရှိပါတယ်။ ကာကွယ်ရေးနဲ့ လုံခြုံရေးကောင်စီရဲ့ အဓိက ပုဂ္ဂိုလ်လည်းဖြစ်ပါတယ်။ တိုင်းပြည်ရဲ့တာဝန်တွေ တိုင်းပြည်ရဲ့ ရှေ့နောက် အကုန်လုံးတာဝန်ရှိတဲ့ အကြီးအကဲပါ။ ကိစ္စရပ်တွေအားလုံးရဲ့ ကောင်းမွေ ဆိုးမွေ ကောင်းသည်ဆိုးသည် အားလုံးဟာ နိုင်ငံတော်သမ္မတကြီးမှာ တာဝန်ရှိပါတယ်။”

မြန်မာအစိုးရ အာဏာပိုင်တွေအနေနဲ့ကတော့ မြန်မာနိုင်ငံမှာနိုင်ငံရေးအကျဉ်းသားရှိတယ်ဆိုတာကို အခုအချိန်အထိ လက်မခံထားပါဘူး။ ရာဇဝတ်မှု ချိုးဖောက်သူတွေဖြစ်တယ်လို့သာ သုံးပါတယ်။ ဒါကြောင့်လည်း အခု အကျဉ်းသားတွေလွှတ်တိုင်းမှာ နိုင်ငံရေးလုပ်လို့ အကျဉ်းကျခံရသူကနည်းနည်း သာမန်ရာဇဝတ်အကျဉ်းသားက များများဖြစ်နေပါတယ်။ ပြည်ပအခြေစိုက် အေအေပီပီ နိုင်ငံရေးအကျဉ်းသားများကူညီစောင့်ရှောက်ရေးအသင်းရဲ့ စာရင်းအရတော့ မြန်မာနိုင်ငံမှာ နိုင်ငံရေးအကျဉ်းသား ၁၅၀၀ ကျော်ရှိနေသေးတယ်လို့ သိရပါတယ်။

မဲဆောက်တွင် အထူးစီးပွားရေးဇုန် ဆောက်မည်

 ပြည်တော်မြင့် Jan 2, 12

မြ၀တီမြို့တဘက်ကမ်းရှိ မဲဆောက်ဒေသကို အထူးအုပ်ချုပ်ရေးဒေသနှင့် အထူးစီးပွားရေးဇုန်အဖြစ်  လွှတ်တော်တွင် သတ်မှတ် အတည်ပြုနိုင်ရန်ထိုင်းအောက်လွှတ်တော် ဥက္ကဋ္ဌ နိုင်ဆုမ်ဆတ်ကေယဉ်တီစူရနန် (Somsak Kiatsuranont) သည် သောကြာနေ့က မဲဆောက်မြို့သို့ လာရောက်လေ့လာခဲ့သည်။

စီမံကိန်းနယ်မြေများတွင် ဆက်စပ်နေသည့် နယ်စပ်မြို့ သုံးမြို့ ဖြစ်သော မယ်လမတ်၊ မဲဆောက်၊ ဖုတ်ဖရ တို့ ပါဝင်သည်။